Նախատեսվում է ներդնել շրջանառության հարկի համակարգ

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Նախատեսվում է ներդնել շրջանառության հարկի համակարգ 12/17/2012 16:41 | Վարչական իրավունք

Ազգային ժողովը դեկտեմբերի 17-ին մեկնարկած արտահերթ նստաշրջանի առաջին նիստում առաջին ընթերցմամբ ընդունեց «Շրջանառության հարկի մասին» օրինագիծը և հարակից մի շարք օրենքներում փոփոխությունների և լրացումների փաթեթը:

Ըստ նախագծի, շրջանառության հարկն առևտրային կազմակերպությունների, անհատ ձեռնարկատերերի և նոտարների կողմից իրականացվող գործունեության համար պետական բյուջե վճարվող` ավելացված արժեքի հարկին (ԱԱՀ) և (կամ) շահութահարկին փոխարինող ուղղակի հարկ է:

Ինչպես ԱԺ վերջին քառօրյայում, ներկայացնելով կառավարության այս օրենսդրական նախաձեռնությունը, նշել էր հիմնական զեկուցող` ՀՀ ֆինանսների փոխնախարար Սուրեն Կարայանը, «Շրջանառության հարկի մասին» ՀՀ օրենքի նախագծով տարեկան կտրվածքով մինչև 58,35մլն դրամ (առանց ԱԱՀ-ի) իրացման շրջանառություն ունեցող տնտեսավարող սուբյեկտների համար ներդրվում է շրջանառության հարկի համակարգ, որի կիրառությունը ենթադրում է, որ հարկային պարտավորությունը հաշվարկվելու է պարզ հարկային հաշվառմամբ` շրջանառության նկատմամբ որոշակի տոկոսներով:

Մասնավորապես, նախագծով առաջարկվում է շրջանառության հարկի հետևյալ դրույքաչափերը. առևտրական (առք ու վաճառքի) գործունեություն իրականացնողների համար շրջանառությունից 3,5 տոկոս, վարձակալությունից եկամուտներ, տոկոսներ, ռոյալթիներ, ակտիվների (այդ թվում` անշարժ գույքի) oտարումից եկամուտներ՝ 10 տոկոս, նոտարական գործունեությունից ստացվող եկամուտների համար՝ 20 տոկոս, այլ գործունեությամբ զբաղվողների համար շրջանառությունից՝ 5 տոկոս։

Շրջանառության հարկ վճարողները շրջանառության հարկի գծով հաշվարկները հարկային մարմին ներկայացվելու են և դրանց հիման վրա հարկի գումարները վճարվելու են եռամսյակային պարբերականությամբ, այսինքն` տարեկան կներկայացնեն ընդամենը 4 հաշվարկ-հաշվետվություն և 4 անգամ էլ կվճարեն իրենց հարկերը։

Վերացվում է ծախսերի հաշվառման համակարգը. այսուհետ շրջանառության հարկ վճարողները ստիպված չեն լինի հաշվառել և փաստաթղթերով հիմնավորել իրենց ծախսերը։

Ըստ Ս. Կարայանի, շրջանառության հարկ վճարողների հարկային բեռը թեթևացնելու և հարկային հաշվառումը պարզեցնելու նպատակով նախագծով առաջարկվում է, որ շրջանառության հարկ վճարողներն ազատվում են շուկայից առանց փաստաթղթերի կատարվող ձեռքբերումների գծով, որպես հարկային գործակալ, եկամտային հարկի գծով հարկային պարտավորությունները կատարելուց։

Բոլոր այն դեպքերում, երբ փոքր սուբյեկտները ձեռքբերումներ են իրականացնում շուկայից և, այսօրվա գործող օրենսդրության համաձայն, պետք է, որպես հարկային գործակալ, վճարեն 11% եկամտային հարկ: Շրջանառության հարկ վճարողներն ազատվում են այս հարկային բեռից։

Այս տնտեսվարողները նաև ազատվում են առաքվող, տրամադրվող կամ տեղափոխվող ապրանքների ու արտադրանքի գծով առաքումների գրքեր վարելու պարտավորությունից:

Նշենք, որ նախագծի առաջին ընթերցմամբ ընդունվելուն ձեռնպահ քվեարկեց «Բարգավաճ Հայաստան», դեմ` ընդդիմադիր «Հայ ազգային կոնգրես», ՀՅԴ և «Ժառանգություն» խմբակցությունները: Պատճառն այն էր, որ չնայած նրան, որ Տնտեսական հարցերի մշտական հանձնաժողովի նախագահ Վարդան Այվազյանը հայտնել էր, թե հանձնաժողովում նախագծի վերաբերյալ երեք քննարկումներ են կայացել, և առաջարկությունները մեծամասամբ ընդունվել են կառավարության ներկայացուցչի կողմից, այդուհանդերձ դրանք քվեարկության դրված օրենսդրական փաթեթում ներառված չէին: