Վեհաժողովն էլ վեհաժողովի նման չէ

ԲՈԼՈՐ ՆՅՈՒԹԵՐԸ

Բոլորը

05/09/2024 10:57 Ճանապարհ փակելը լավ բան չէ․ Հակոբ Արշակյան 05/09/2024 20:00 Նիկոլ Փաշինյանի մամուլի խոսնակն արձագանքել է Սրբազանի պահանջին՝ հրապարակելով Փաշինյանի լուսանկարը 05/10/2024 14:50 Որ համալսարաններն են միացել Սրբազանի կոչին ու դասադուլ հայտարարել 05/10/2024 10:33 Հրատապ. փակ է Երեւանի մուտքը՝ Արարատի մարզից (տեսանյութ) 05/09/2024 19:58 Քպականները արձագանքում են հրաժարականի պահանջին 05/08/2024 18:56 Շիրակի հոգևորականների առաջնորդությամբ երթը միացավ Բագրատ Սրբազանի նախաձեռնած երթին 05/09/2024 21:41 Հավես չունեմ ամիսներով փողոցներում պտտելու, 7-10 օր. Սրբազան (տեսանյութ) 05/09/2024 21:55 ՔԿ-ն շտապում է կատարել հրահանգը. օրակարգում Սրբազանին մեկուսացնելն է 05/09/2024 20:42 Առաջիկա մեկ ժամվա ընթացքում վարչապետը չի երկխոսելու Բագրատ սրբազանի հետ. Ալեքսանյան. «Ազատություն» 05/10/2024 11:32 Սրբազանը մայր բուհում է. նրան դիմավորեցին ծափերով 05/09/2024 20:11 Նիկոլ Փաշինյանի ընտանեկան թերթը հայտնում է հնարավոր ձերբակալությունների մասին 05/08/2024 17:57 Արցախցիները հավաքվել են Աբովյան քաղաքի կամրջի մոտ՝ միանալու Սրբազանի քայլերթին 05/10/2024 00:04 Հանրապետության մի շարք հասցեներում կդադարեցվի ջրամատակարարումը 05/10/2024 13:14 Դավիթ Գյուրջինյանի ղեկավարած համալսարանի՝ Բրյուսովի, դռները փակված են Բագրատ Սրբազանի և դասախոսների առջև 05/09/2024 14:48 Սրբազանը գնդակ է խաղում՝ իրեն միացող երեխաների հետ 05/09/2024 18:41 Նիկոլ Փաշինյան, մեկ ժամ ժամանակ ունես՝ հրաժարական ներկայացնելու համար․ Բագրատ Սրբազան 05/09/2024 11:59 Բագրատ Սրբազանի առաջնորդությամբ երթն Աբովյանից շարժվում է դեպի Երևան․ երթի առջևից քայլում են 44-օրյա պատերազմի մասնակիցներ՝ զոհված ընկերների նկարներով շապիկներով 05/10/2024 08:16 Բագրատ սրբազանի դեմ վարույթ են սկսել․ «Հրապարակ» 05/10/2024 07:40 Հետևելով ՔՊ-ականի կոչին` տվյալներ հավաքեցինք` չգրանցված մարզիչ կնոջ մասին. «Ժողովուրդ» 05/10/2024 08:07 Հողերը բարեհաջող հանձնելու դիմաց՝ գեներալի կոչում են խոստացել․«Հրապարակ»

Վեհաժողովն էլ վեհաժողովի նման չէ 12/10/2012 11:49 | Միջազգային լրահոս

2012թ.-ին Բաքվում պետք է կայանար նախկին խորհրդային 4 պետություններից՝ Վրաստանից, Ուկրաինայից, Ադրբեջանից և Մոլդովայից ձևավորված GUAM (հայերեն՝ ՎՈՒԱՄ) կազմակերպության հերթական վեհաժողովը: Սակայն, ինչպես օրերս հայտարարեց այդ կառույցը նախագահող երկրի՝ Ադրբեջանի արտաքին գործերի նախարար Էլմար Մամեդյարովը, միջոցառումը տեխնիկական պատճառներով հետաձգվել է: Նա չի նշել, թե հատկապես մինչև երբ:

GUAM-ը ձևավորվել է 1997թ.-ին որպես անդամ երկրներում դեմոկրատիան և տնտեսական զարգացումն ապահովող «խորհրդակցական ֆորում», որի վերջնական նպատակն է «եվրոպական և եվրաատլանտյան կառույցներին» ինտեգրումը:

Ռուսական էներգակախվածությունից ազատվելը և սեփական տարածքներում Ասիա /Կասպից ծով/- Կովկաս-Եվրոպա գծով էներգակիրների տրանզիտ զարգացումը հիմնական նպատակ հայտարարած կազմակերպությունը իր գոյության մեծ մասն անցկացրել է որպես մասնակից երկրների վիրտուալ ձգտումների արտահայտություն, քան պետությունների իրական համագործակցության ձևաչափ:

Սովորաբար այս կառույցն ակտիվացել է այն ժամանակ, երբ, օրինակ Ուկրաինայում իշխում էին նարնջագույն հեղափոխականները: Այդ շրջանում փորձ արվեց զարգացնել GUAM-ի անդամների միջև երկկողմանի հարաբերությունները: Իսկ ընդհանուր առմամբ, մինչև այդ փուլին հասնելը, մինչև 2005թ.-ը կազմակերպությունը գործնականում մատնված էր անգործության:

Հենց այդ տևական պարապուրդի շրջանում էր, որ GUAM-ի անհեռանկարայնության մասին ստացվեց առաջին լուրջ հաղորդագրությունը: 1999թ.-ին այդ միջպետական լոկալ ֆորումին անդամագրված Ուզբեկստանը, 6 տարի անց «...ելնելով աշխարհագրական դիրքից» հայտարարեց կազմակերպությունից դուրս գալու մասին: Ի դեպ, նախագահ Իսլամ Քարիմովն իր նամակում բացատրում էր, որ Ուզբեկստանին ձեռք չի տալիս կառույցի կողմից «սառեցված կոնֆլիկտների լուծումների նկատմամբ դրված շեշտադրումները, միացյալ զինված բլոկների ձևավորումը և գոյություն ունեցող անվտանգության համակարգերի վերանայումը»:

Ընդհանուր առմամբ, GUAM-ի մինչ այժմ անցած ճանապարհի պարզ դիտարկումն իսկ ցույց է տալիս, որ այն առավելապես հիմնավորվում է Ռուսաստանը շրջանցող Ասիա /Կասպից ծով/-Կովկաս-Եվրոպա գծով էներգակիրների տրանզիտի զարգացման գաղափարախոսության վրա: Պատահական չէ, որ այդ գաղափարախոսության մեջ դոմինանտ դերակատարությունը վերապահվում է Ադրբեջանին: Եվ միանգամայն օրինաչափ է, որ հիմնադրումից ի վեր շուրջ 8 տարի անց հենց այս երկրի նախաձեռնությամբ և հենց այս երկրի մայրաքաղաքում կայացավ նաև GUAM-ի երկրորդ վեհաժողովը և ահա 2012-ին էլ նախատեսվում էր 3-րդը: Սակայն իլհամալիևյան խոշորամասշտաբ ձգտումներն այնքան շինծու և արհեստական ծավալներ ունեն, որ նախորդ միջոցառման ժամանակ ընդունված «GUAM: Միավորելով մայրցամաքները» կարգախոսը ոչ միայն այսօր սնանկության ախտանիշեր է ցույց տալիս, այլև վերածվում է հակադարձ շարժման՝ ավելի ու ավելի փոքրացնելով իր ներկայացուցչական որակները:

Դրա լավագույն ապացույցը կարող է հանդիսանալ այս անգամ 2008թ.-ին արդեն Բաթումիում կայացած 3-րդ վեհաժողովը, որտեղ Մոլդովան ներկայացնում էր ոչ թե երկրի նախագահի, այլ... ՆԳ նախարարի մակարդակով:

Ի՞նչ է նշանակում այդ ամենը, եթե ոչ այն, որ «Մայրցամաքներ» միավորող կասպիական էներգակիրների ցեմենտող ուժը կորցնում է ոչ միայն մեկնարկային ձգողական հատկանիշները և ձեռք չի բերում նոր համախոհներ, այլև լուրջ ճաքեր է տալիս՝ ստանալով կասկածելի հեռանկարներ կամ արդյունքներ խոստացող նախագծի նկարագիր:

Ընդհանուր առմամբ, հիմնադրումից ի վեր այս կազմակերպությունը անցկացրել է 5 վեհաժողով (որոնցից մեկը նվիրված հիմնադրման 10-ամյակին): Եվ ահա 2012թ. նախատեսված 6-րդ վեհաժողովը հետաձգվում է մինչև 2013թ..՝ առանց կոնկրետ ամսաթվի: