ԲՈԼՈՐ ՆՅՈՒԹԵՐԸ
Ես զարմացա, երբ իմացա, որ մեր երկրում ուսուցիչներ կան՝ ամիսը 25-30 հազար դրամ աշխատավարձ են ստանում. Փաշինյան 05/02/2024 12:35 | Քաղաքական
ՀՀ կառավարությունը մայիսի 2-ի նիստում հաստատեց բարձրագույն կրթություն չունեցող մանկավարժների պետական օժանդակության ծրագրի վերաբերյալ որոշման նախագիծը։
«Արմենպրես»-ի հաղորդմամբ՝ նիստում ՀՀ կրթության, գիտության, մշակույթի և սպորտի նախարար Ժաննա Անդրեասյանը պարզաբանեց, որ 2011 թվականին «Հանրակրթության մասին» օրենքում կատարված փոփոխություններով սահմանվել էր, որ ուսուցչի նվազագույն կրթական աստիճանը պետք է լինի բարձրագույնը։
«Այդ փոփոխությունների անցումային դրույթներով սահմանվեց, որ դպրոցներում աշխատող այն ուսուցիչները, որոնք չեն համապատասխանում օրենքի պահանջներին, իրենց մասնագիտական գործունեությունը կարող են շարունակել մինչև 2018 թվականի օգոստոսի 20-ը։ Այնուհետև այս ժամկետը ևս մեկ անգամ երկարաձգվեց մինչև 2023 թվականի օգոստոսի 20-ը։ Այսպիսով՝ բարձրագույն կրթություն չունեցող ուսուցիչներն ունեցել են շուրջ 12 տարի օրենքի համապատասխան պահանջն իրագործելու համար»,-ասաց Անդրեասյանը։
Նրա խոսքով՝ չնայած 2023 թվականի սկզբին տվյալների վերլուծությունը ցույց տվեց, որ բազմաթիվ ուսուցիչներ ապահովել են օրենքի պահանջի կատարումն ու ստացել բարձրագույն կրթություն, բայց համակարգում դեռևս շարունակում են մնալ և դասավանդել առանց բարձրագույն կրթության ավելի քան 1300 ուսուցիչ։
Օրենքի պահանջի համաձայն՝ 2023 թվականի օգոստոսի 20-ից պետք է դադարեցնեին աշխատանքը։
Ըստ գերատեսչության ղեկավարի՝ այդ հանգամանքը հաշվի առնելով, որ 2021 թվականից համակարգում ներդրվել է կամավոր ատեստավորման մեխանիզմը, «Հանրակրթության մասին» օրենքում նախորդ տարի իրականացված փոփոխություններով բարձրագույն կրթություն չունեցող ուսուցիչներին հնարավորություն է տրվել մասնակցել կամավոր ատեստավորմանը և ատեստավորված համարվելու շեմը հաղթահարելու դեպքում շարունակել իրենց աշխատանքը։
Նախորդ տարի կամավոր ատեստավորմանը բարձրագույն կրթություն չունեցող 894 ուսուցիչ է դիմել, որից 354-ն ատեստավորվել է՝ շարունակելով գործունեությունը և ստանալով բարձրացված վարձատրություն։
«Բայց որոշ ուսուցիչներ օրենքի սահմանված չափանիշներին չհամապատասխանելու հիմքով դադարեցրել են ուսուցչական գործունեությունը։ Միաժամանակ պահպանվում է ուսուցչի աշխատանքը վերսկսելու համար օրենսդրությամբ սահմանված երկու եղանակներից որևէ մեկից օգտվելու հնարավորությունը, այսինքն՝ կամ բարձրագույն կրթություն ստանալ, կամ կամավոր ատեստավորման հետագա փուլին մասնակցել և հաղթահարել սահմանված շեմը։
Մեր վերլուծություններն ու այս խմբի մանկավարժների հետ ունեցած քննարկումները ցույց են տալիս, որ, որպեսզի այս երկու եղանակներից որևէ մեկից օգտվեն, որից մեր մանկավարժները շատ պատրաստակամ են օգտվել, կարիք ունեն աջակցության՝ կամ բարձրագույն կրթության նպատակով ուսման վճարի փոխհատուցման տեսքով կամ կամավոր ատեստավորմանը նախապատրաստելու նպատակով պետության կողմից կազմակերպվող վերապատրաստմանը մասնակցելու տեսքով»,-ներկայացրեց նախարարը՝ հավելելով, որ նախագծով առաջարկվում է օժանդակության ծրագիր իրականացնել բարձրագույն կրթություն չունեցող մանկավարժների համար, որպեսզի կամ փոխհատուցվեն նրանց բարձրագույն կրթություն ստանալու նպատակով ուսման վարձերը, կամ մասնակցության հնարավորություն տրվի վերապատրաստմանը։
Ըստ Անդրեասյանի՝ սա հնարավորություն կտա, որ երկարամյա փորձ ունեցող, ոլորտին նվիրված, համակարգ վերադառնալ ցանկացող, սակայն օրենքի պահանջներին չհամապատասխանող ուսուցիչներին հնարավորություն տրվի սեփական կրթությունը բարելավել, կխրախուսվի նրանց մասնագիտական զարգացումը և միաժամանակ հնարավոր կլինի համալրել ուսուցչական առկա թափուր տեղերը։ Նախնական վերլուծությունները ցույց են տվել, որ ավելի քան 150 հոգի ցանկություն է հայտնել բարձրագույն կրթություն ստանալու, իսկ շուրջ 500-ը՝ մասնակցելու վերապատրաստումներին։
ՀՀ վարչապետ Նիկոլ Փաշինյանի հարցին, թե ինչպես են վճարվելու բուհեր ընդունվածների ուսման վարձերը, Անդրեասյանը պատասխանեց, որ ծրագրի հաստատումից հետո եռամսյա ժամկետ կտրվի դիմում ներկայացնելու համար։
«Դիմելու են բուհ, որտեղից ստացած տվյալներով առաջին կիսամյակի վարձը նրանց ընդունվելու պարագայում փոխանցվելու է, իսկ երկրորդ կիսամյակից սկսած՝ գործելու է ՄՈԳ-ի նվազագույն շեմ, այսինքն՝ ուշադրություն է դարձվելու առաջադիմությանը, որովհետև հետո մեր հարգելի քաղաքացիները պատրաստվում են ուսուցիչ աշխատել, և մենք չենք կարող առանց առաջադիմության գործոնը հաշվի առնելու շարունակել ուղղակի օժանդակություն ցուցաբերել»,-մանրամասնեց ԿԳՄՍ նախարարը։
Վարչապետը նշեց, որ այս քաղաքականությունը ոչ թե նրա համար է, որ ուսուցիչները դուրս մնան համակարգից, այլ, որպեսզի ապահովվի նրանց ինստիտուցիոնալ ներգրավումը։
«Կարծում եմ բոլոր նշված ուսուցիչներին պետք է բոլոր հնարավոր միջոցներով աջակցենք, որպեսզի նրանք և ստեղծված հնարավորություններից կարողանան օգտվել, և նաև մեր երեխաների՝ աշակերտների առաջ մենք արդար լինենք, որպեսզի երաշխավորենք նրանց պատշաճ կրթությունը»,-շեշտեց Փաշինյանը։
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/17/2024 08:21 Բագրատ սրբազանը զգուշավոր է դարձել․ «Հրապարակ»
- 05/17/2024 08:17 Պարտադիր ժամկետային ծառայողներին ծնողները շարունակում են ծանրոց ուղարկել. նրանց բեռը չի թեթևացել. Նիկոլ Փաշինյանը խաբել է. Մաս 209. «Ժողովուրդ»
- 05/17/2024 08:14 Պատրաստվեք, որ ադրբեջանցիների բոլոր պահանջները կատարելու եմ․«Հրապարակ»
- 05/17/2024 08:11 Ներքաղաքական օրակարգը թելադրում են Բագրատ սրբազանն ու շարժումը․ «Հրապարակ»
- 05/17/2024 08:05 Աներձագի «կրոնական» վոյաժները․ «Հրապարակ»
- 05/17/2024 07:55 ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ»
- 05/17/2024 07:46 Խորհրդարանական ընդդիմությունը Փաշինյանին իմպիչմենտ հայտարարելու հարցում չի շտապում. ուզում են լավ պատրաստվել. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/15/2024 12:02 Ինքս իմ աչքով տեսել եմ, թե ինչպես է Փաշինյանի նեղ ու ավելի լայն շրջապատը բառացի փչացնում ու «հրեշ» դարձնում նրան. Հայրապետյան
- 05/14/2024 14:05 Ընդդիմադիր պատգամավորին թույլ չեն տվել մասնակցել Հայաստան այցելած ԵԱՀԿ նախագահի հետ հանդիպմանը
- 05/14/2024 12:00 Հայաստանի և Արցախի երիտասարդների կապը պետք է է´լ ավելի ամրապնդել ու զարգացնել. Գագիկ Ծառուկյան
- 05/13/2024 18:59 «Ծրագիր չունեն» թեզն այլևս զրկվել է բանական որևէ հիմնավորումից. իրանագետ
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը