Փաստ ինֆո

Ադրբեջանցիները փորձում են քաղաքական, ռազմական, բարոյական, հոգեբանական ճնշում գործադրելու Արցախի ժողովրդի նկատմամբ, որպեսզի արցախցիները համակերպվեն պարտության հետ: Խորհրդարանական ճեպազրույցների ժամանակ հայտարարել է «Հայաստան» խմբակցության անդամ Արթուր Խաչատրյանը՝ անդրադառնալով արդեն երկրորդ անգամ ադրբեջանցիների կողմից Լաչինի միջանցը փակելուն:

Հարցին՝ ի՞նչ քայլեր պետք է ձեռարկի Հայաստանի իշխանությունը, ընդդիմադիր պատգամավորն արձագանքեց.

«Իսկ Հայաստանի իշխանությունն ի՞նչ էր արել այն ժամանակ, երբ առաջին նման դեպքը եղավ: Եթե նրանք մի քիչ ակտիվ լինեին, դիմեին միջազգային հանրությանը, պահանջեին ճնշում գործադրել Ադրբեջանի իշխանությորւնների վրա, երկրորդ դեպքը չէր լինի:

Այս իշխանություններն էին փաստաթուղթ ստորագրել, որ նոր Արցախը Հայաստանին կապող նոր ճանապարհ լինի: Այդ ճանապարհը միայն ավտոմոբիլային ճանապարհ չէր, դրանով էր անցնում գազը, հոսանքը, ինտերնետը, ի՞նչ են արել, որ այս ամենը նոր ճանապարհով անցներ:

Պետք էր կանխատեսել թշնամու գործողությունները, հասկանալ որ ինչքան հետ ես գնում, չես փակում թշնամու ախորժակը, ընդհակառակը՝ ավելի ես գրգռում»,-ասաց Արթուր Խաչատրյանը:

Աղբյուր` Փաստինֆո