Արայիկ Հարությունյանն այսօր է հանդիպելու Փաշինյանի հետ. «Հրապարակ» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 18:49 Ուժեղ կարկտահարություն՝ Արմավիրում 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել 05/03/2024 18:55 Մոսկվան Երևանից ակնկալում է պատասխանել ռուս խորհրդարանականների կոչին՝ կապված Սիմոնյանի հայտարարությունների հետ. Զախարովա 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան

Արայիկ Հարությունյանն այսօր է հանդիպելու Փաշինյանի հետ. «Հրապարակ» 10/12/2022 10:41 | Մամուլ

«Հրապարակ» թերթը գրում է. «Արցախի նախագահ Արայիկ Հարությունյանի գլխավորած պատվիրակությունը երկուշաբթի օրն է ժամանել Երեւան, սակայն ՀՀ իշխանությունները, որոշ տեղեկություններով, տարբեր պատրվակներով դեռ չեն հյուրընկալել արցախցի գործընկերներին։ Հիշեցնենք, որ կիրակի երեկոյան, երբ պրահյան հանդիպումից ու Նիկոլ Փաշինյանի ձեռք բերած պայմանավորվածություններից հետո Արցախում բողոքի ալիք բարձրացավ, Արայիկ Հարությունյանի խոսնակ Լուսինե Ավանեսյանն «Արցախպրեսին» հայտնեց, թե Արցախի Հանրապետության նախագահ Արայիկ Հարությունյանի գլխավորությամբ աշխատանքային պատվիրակություն է մեկնելու Երեւան՝ ՀՀ իշխանությունների հետ քննարկելու Արցախի եւ ՀՀ-ի շուրջ ստեղծված իրավիճակը:

«Այցի հիմնական նպատակն է՝ քննարկել 2022թ․ հոկտեմբերի 6-ի Պրահայի քառակողմ հայտարարությունը, ըստ որի՝ Հայաստանն ու Ադրբեջանը հաստատել են իրենց հանձնառությունը ՄԱԿ-ի կանոնադրությանը եւ 1991թ. Ալմա-Աթայի հռչակագրին, որոնց միջոցով ճանաչում են միմյանց տարածքային ամբողջականությունն ու ինքնիշխանությունը: Արցախյան պատվիրակության կազմում են ԱՀ ԱԺ նախագահ Արթուր Թովմասյանը, արտաքին գործերի նախարար Դավիթ Բաբայանը, ԱՀ ԱԺ արտաքին հարաբերությունների հանձնաժողովի նախագահ Վահրամ Բալայանը եւ ԱՀ նախագահի խորհրդական Մասիս Մայիլյանը»,- մանրամասնել էր Ավանեսյանը:

Մենք տեղեկացանք, որ երեկ երեկոյան ժամը 18։00-ի դրությամբ դեռ որեւէ ֆորմատով հանդիպման մասին տեղեկատվություն չկար, իսկ իշխանական կուլիսներից տեղեկություններ էինք ստանում, որ Նիկոլ Փաշինյանը ձգձգում է հանդիպումը։ Արտգործնախարարն էլ դեռ չէր ընդունել, իսկ ԱԺ նախագահը երկրում չէ, մի քանի օր է՝ պաշտոնական այցով Մոսկվայում է։

Ուշագրավ է, որ նախօրեին Փաշինյանի գլխավորությամբ տեղի ունեցավ Անվտանգության խորհրդի նիստ․ մենք գրել էինք, որ Փաշինյանը կարող էր մեկ օր սպասել, եւ այդ նիստին կմասնակցեին նաեւ Արցախի հյուրերը, ավանդույթի համաձայն՝ կքննարկեին հերթական՝ պրահյան պայմանավորվածությունները։ Սակայն, ըստ ամենայնի, նա Ալիեւին փորձում է նման կերպ սիրաշահել, որ իսկապես ձեռքերը լվացել է Արցախից եւ ճանաչելով Ադրբեջանի տարածքային ամբողջականությունը՝ ըստ էության, Արցախը ճանաչում է Ադրբեջանի մաս։

Երեկ ողջ օրը Արցախի` Հայաստան ժամանած պատվիրակության անդամներից եւ ոչ մեկի հետ մեզ կապ հաստատել չհաջողվեց, հեռախոսազանգերին չէին պատասխանում անգամ ԱՀ նախագահի խոսնակն ու խորհրդականը։ Երեկոյան կապ հաստատեցինք ԱՀ ՀՅԴ խմբակցության ղեկավար Արթուր Մոսիյանի հետ՝ հարցնելով, թե տեղյա՞կ է կուսակցի` Վահրամ Բալայանի հանդիպումների մասին։ Սակայն պատգամավորն ասաց, որ երկու ժամ առաջվա տվյալներով՝ պարոն Բալայանը որեւէ մեկի հետ դեռ չէր հանդիպել․ «Եթե հանդիպած լիներ, ինձ կասեր, չգիտեմ՝ ինչն է պատճառը, բայց ինձ ասաց, թե փոխանցել են՝ ում հետ պիտի հանդիպեին, այս պահին հանրապետությունում չէ»։

Պատգամավորն այլ մանրամասներ չհայտնեց։ Խոսքը, թերեւս, ԱԺ նախագահի մասին է, ով Հայաստանում չէր, իսկ Նիկոլ Փաշինյանն էլ որեւէ հանդիպման կամ միջոցառման երեկ չի մասնակցել՝ համաձայն պաշտոնական կայքի։ Վերջին հանդիպումը եղել է նախօրեին, ընդունել է ԵՄ խորհրդում ֆրանսիական նախագահության ներկայացուցիչ, Ֆրանսիայի նախագահի գրասենյակի խորհրդական Իզաբել Դյումոնին եւ ԵԱՀԿ Մինսկի խմբի Ֆրանսիայի համանախագահ Բրիս Ռոքֆոյին: Նույն պատկերն էր նաեւ արտգործնախարարության կայքում։

Ուշ երեկոյան տեղեկացանք, որ Արայիկ Հարությունյանի եւ Նիկոլ Փաշինյանի հանդիպումը կայանալու է այսօր` երեկ այդպես է որոշվել»:

Հոդվածն ամբողջությամբ կարող եք կարդալ «Հրապարակ» թերթի՝ 12․ 10.22թ համարում։

Աղբյուր` Փաստինֆո