Փաստ ինֆո

Հրապարակախոս, ռեժիսոր Հովհաննես Իշխանյանը ֆեյսբուքյան իր էջում տեսանյութ է հրապարակել, որում Աղավնոյի բնակիչ Արմեն Բարսեղյանը, որը 1994թվականից գյուղում  դիմակայել է բոլոր դժվարությունները և հասել բարվոք կյանքի, ներկայացնում է իրավիճակը։

Նա պատմել է, որ 1994թվականից Աղավնոյում է, երեխեքին պահել մեծացրել են գոմում, մի կերպ դիմացել են, սպասել, որ լավ կլինի,  ուրախացել են, որ տուն են ստացել, հիմա էլ՝ պետք է տան։

«Եթե ասում են՝ շենքից մի բան հանած եղավ, 10 մլն-ը չես ստանա, ուրեմն նատուռի ծախած ա: Ասում են՝ ոչ մի բանի ձեռք մի տվեք, կարող ա որոշ ժամանակ հետ գանք: Ասում եմ՝ նաղդ ստեղ կանգնած եք, չեք կարում պահեք, դու հետո ի՞նչ զենք ես առնելու, որ մենք գանք նորից գրավենք։ Էն վախտ պետք է գա՞նք կոտորվենք, հիմա զենքը տվեք՝ հիմա կոտորվենք, մնանք տեղում, նաղդ ստեղ ենք։ Ի՞նչ հետ գալու մասին է խոսքը։ Դարերին ի վեր մենք հարյուր հազարավոր զոհեր ենք տվել, որ ազգը մնա, այսօր 4000 երեխա ենք կորցրել, ասում են՝ պատերազմ չենք ուզում, բա էն կորցնողի մորն ի՞նչ ես ասելու, որ քո երեխեն գնում է գործի, գալիս, ընտանիք կազմում, իրենը՝ չկա, բա դրա արյան վրեժը ո՞վ պետք է լուծի։ Երեք տղայի տեր էլ ես եմ, էնպես չի՝ դատարկ եմ խոսում»,-նշեց նա՝ ընդգծելով, որ մարդիկ չեն ուզում հեռանալ գյուղից։

Աղբյուր` Փաստինֆո