Փաստ ինֆո

44-օրյա պատերազմի մասնակիցներ Նվեր Կիրակոսյանն ու Արթուր Ավագյանը հայտարարում են անժամկետ հացադուլ` Արցախի շուրջ ստեղծված իրավիճակի վրա ուշադրություն սեւեռելու համար:

Ֆեյսբուքյան հայտարարության մեջ ասվում է. 

«.չլինելով կուսակցականապես և ֆինանսապես մոտիվացված,
.առանց իշխանական և կարգավիճակային շարժառիթների,
.որպես Անկախության սերնդի ներկայացուցիչներ.

ՀԱՅՏԱՐԱՐՈՒՄ ԵՆՔ անժամկետ ՀԱՑԱԴՈՒԼ և առավոտյան ժամը 09։00֊ից լինելու ենք Ազատության հրապարակում։

Հացադուլի նպատակը մեր սերնդի ներկայացուցիչների ուշադրության սևեռումն է Արցախի շուրջ ստեղծված իրավիճակին և կոնկրետ՝ ԳՈՐԾՆԱԿԱՆ ՔԱՅԼԵՐԻ կատարման ուղղորդումը։

Քայլը ծայրահեղական է, ինքնաբուխ, բայց համարժեք իրավիճակին։

Այն ԿՈՉ Է, ծառայելու օրինակ։

Մեր լավ և ազնիվ ընկերներ, հարազատներ, բարին կամեցողներ կարող եք միանալ մեզ ցանկացած՝ ձեր հնարավորությունների սահմանների կարգավիճակով։

Արցախում ապրում են մեզ պես և մեզնից ուժեղ մարդիկ, ընտանիքներ, երեխաներ՝ ՀԱՅՐԵՆԿԻՑՆԵՐ։ Հիմա ոչինչ չանելը հավասար է ուրացման։
Կամքը ուժ է։ Երիտասարդությունը կարգավիճակ։

Եկե՛ք միավորենք անհրաժեշտը, որովհետև «թշնամին նույն թշնամին է..., մենք էլ՝ նույն մենք»։

«Փաստինֆո»-ն արդեն տեղեկացրել է, որ ապրիլի 17-ին  ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը փողոցային պայքարի մեկնարկը դրեց` միայնակ գնալով «Ազատության» հրապարակ` հայտարարելով, որ պահն այլեւս կրիտիկական է, ելույթների ու ֆեյսբուքյան ստատուսների ժամանակը չէ: Նա նշել է, որ այլեւս մնալու է հրապարակում` կոչ անելով քաղաքացիներին` միանալ ու միասին քննարկել վիճակը: Կոչին արձագանքել են ինչպես մի շարք քաղաքական ու հասարակական գործիչներ, այնպես էլ` քաղաքացիներ:

Լուսանկարում` հացադուլ հայտարարած Արթուր Ավագյանը:

Աղբյուր` Փաստինֆո