Փաստ ինֆո

ԱԺ «Հայաստան» և «Պատիվ ունեմ» խմբակցությունները հանդես են եկել հայտարարությամբ, որով կոչ են անում միանալ ապրիլի 5-ին՝ ժամը 18.30-ին, «Ազատության» հրապարակում կայանալիք հանրահավաքին։

«Սիրելի՛ հայրենակիցներ,

Ծանր վիճակում է Հայրենիքը, ծանր վիճակում ենք բոլորս։

Այս իշխանությունը պատրաստ է Արցախը թողնել Ադրբեջանի կազմում։

Այս իշխանությունը կատարում է թուրք-ադրբեջանական բոլոր պահանջները։

Պարտված ու անկարող գործող խմբակը միայն մեկ նպատակ ունի՝ երկարաձգել իր իշխանությունը։

Նրանք վտանգում են մեր պետականությունը, մեր ապագան, մեր կյանքը։

Ժողովրդի գլխին կախված նոր սպառնալիքները մտնելու են յուրաքանչյուր տուն, յուրաքանչյուր ընտանիք։

Այս ընթացքը պետք է կասեցնել։

Արցախի կողքին կանգնելով՝ պարտավոր ենք փրկել մեր արժանապատվությունը, մեր հայրենիքը, մեր ապագան։

Մեզ բերել են մի սահմանի, որից այն կողմ ազգային անդառնալի նվաստացումն է եւ ինքնիշխանության կորուստը։

Հարգելի՛ հայրենակիցներ,

Ապրիլի 5-ին, ժամը 18.30-ին բոլորս միասին, անկախ մեր քաղաքական հայացքներից եւ կուսակցական պատկանելիությունից հավաքվենք «Ազատության» հրապարակում։

Դիմում ենք բոլորին, կուսակցություններին եւ անհատներին, մտավորականությանը եւ հասարակական կազմակերպություններին, հայաստանցիներին, արցախահայությանը եւ Սփյուռքին:

Կանգնենք կողք-կողքի, միասին ներկայացնենք մեր պահանջները։

Ապացուցենք, որ հայ մարդը կամք ու վճռականություն ունի։

Պաշտպանելով Արցախը՝ պաշտպանենք Հայաստանը։ Պաշտպանենք մեզ եւ մեր երեխաներին։

Ապրիլի 5, 18.30, «Ազատության» հրապարակ»,- ասված է համատեղ հայտարարության մեջ։

Աղբյուր` Փաստինֆո