Փաստ ինֆո

Թուրք-ադրբեջանական տանդեմը օգտվում է ռուս-ուկրաինական պատերազմական իրավիճակից և ամեն ինչ անում է, որպեսզի հասնի իր վաղեմի նպատակին՝ ստանա Սյունիքով միջանցք, որով կմիավորեն թուրքական երկու աշխարհները: Արցախում էլ տեսնում են, եթե առաջ գալու հնարավորություն կա, այնտեղ ևս առաջ են շարժվում: Լրագրողների հետ զրույցում նման դիտարկում է արել «Հայաստան» խմբակցության պատգամավոր Վահե Հակոբյանը:

Պատգամավորն այս իրավիճակում անհասկանալի է համարում այս իրավիճակում Հայաստանի իշխանության վարքագիծը.

«Այս ֆոնի վրա բանակցել թուրքական կողմի հետ, խոսել խաղաղության դարաշրջանի մասին, անհեթեթ է: Հետաքրքիր է՝ այս իրավիճակում ի՞նչ է բանակցում մեր կառավարությունը Թուրքիայի հետ»,-ասաց Հակոբյանը:

Լրագրողի հարցին՝ ի՞նչ կաշկանդվածություն ունեն իշխանությունները Արցախի Հանրապետության անկախությունը ճանաչելու հարցում՝ Վահե Հակոբյանը պատասխանեց.

«Չեմ կարող ասել, թե ինչ կաշկանդվածություն կարող են ունենալ, բայց կարող եմ ենթադրել, որ խնդիր է դրվել ամեն գնով կարգավորել հարաբերությունները թուրքերի հետ՝ չգիտեմ իրե՞նք են իրենց առաջ են դրել, թե՞ մեկ ուրիշն է դրել»:

Անդրադառնալով ցորենի արտահանումները սահմանափակելու ՌԴ որոշմանը, Վահե Հակոբյանը նշեց, որ Հայաստանը և Արցախը համատեղ օգտագործում էին 500-600 հազար տոննա հացահատիկ, որից 30%-ը մինչև պատերազմն ապահովում էր Արցախը, և քանի որ այդ հնարավորությունն այլևս չկա, հիմա Հայաստանը 99 %-ով կախվածություն ունի ՌԴ-ից:

Իսկ թե ի՞նչ է անում կառավարությունն այս խնդիրը լուծելու համար,  Վահե Հակոբյանն ասաց.

«Հիմա իրենք ինչ պետք է անեն՝ գնան ՌԴ կառավարության դռները կոտրեն, խնդրեն, հիստերիկայի մեջ ընկնեն, ինչ ուզում են անեն, բայց պետք է ստանան մեզ անհրաժեշտ հացահատիկի քանակը»:

Աղբյուր` Փաստինֆո