Փաստ ինֆո

Ուկրաինայի նախագահ Վլադիմիր Զելենսկին այսօր հրապարակված տեսաուղերձում խոսել է պատերազմի հինգերորդ օրվա իրավիճակի, ինչպես նաև Ուկրաինային ցուցաբերվող աննախադեպ աջակցության մասին, հայտնում է Korrespondent-ը:

«Մեզ հաճախ ասում էին, որ ուկրաինացիներն ի վիճակի չեն պայքարել, բայց մենք մեզ առավելագույնս դրսևորեցինք», - ասել է նախագահը:

Նա հայտնել է, որ 4 օրվա ընթացքում սպանվել է 16 ուկրաինացի երեխա, ևս 45-ը վիրավորվել է։

«Ռուսաստանի Դաշնությունից արդեն 4,5 հազար զինվոր է զոհվել, ինչո՞ւ եք եկել այստեղ, թողեք ձեր տեխնիկան և հեռացեք, մի հավատացեք ձեր հրամանատարներին և քարոզիչներին, փրկեք ձեր կյանքը» – ասել է Զելենսկին՝ դիմելով ռուսներին:

Զելենսկին հաստատել է, որ մարտական փորձ ունեցող մարտիկները կազատվեն կալանքից և կմասնակցեն մարտական գործողություններին՝ պատերազմի ամենաթեժ կետերում։

«Երբ ես դարձա նախագահ, ասացի, որ մեզանից յուրաքանչյուրը նախագահ է: Որովհետև մենք բոլորս պատասխանատու ենք մեր պետության, մեր գեղեցիկ Ուկրաինայի համար: Եվ հիմա այնպես ստացվեց, որ մեզանից յուրաքանչյուրը ռազմիկ է: Ռազմիկ՝ իր տեղում, ես վստահ եմ, որ մեզանից յուրաքանչյուրը կհաղթի, ասել է Զելենսկին:

Աղբյուր` Փաստինֆո