Փաստ ինֆո

«Բարգավաճ Հայաստան» կուսակցության փոխնախագահ Միքայել Մելքումյանը «Եդինայա Ռոսիա» կուսակցության հոբելյանին նվիրված տեսակոնֆերանսի ժամանակ բարձրաձայնել է 44-օրյա պատերազմից հետո առաջացած մի շարք խնդիրների մասին:

Գործիչը, մասնավորապես, տեսակոնֆերանսի մասնակիցների ուշադրությունն է հրավիրել Ադրբեջանի ագրեսիվ քաղաքականության և Սյունիքի նկատմամբ վերջին հարձակման վրա.

«Նոյեմբերի 16-ին ադրբեջանական զորքերը ներխուժել են Հայաստանի սուվերեն տարածք, սա ուղիղ ագրեսիա է Ադրբեջանի կողմից: Այս և 44-օրյա պատերազմի ընթացքում Ադրբեջանի բոլոր գործողությունները խրախուսվել են Թուրքիայի կողմից, ինչպես ռազմական, այնպես էլ՝ դիվանագիտական ճանապարհով:

Թուրքիան նպատակ ունի կյանքի կոչել Մեծ Թուրանի թուրքալեզու պետությունների միավորման ծրագիրը, որը ձգվում է Թուրքիայից մինչև Մոնղոլիա:

Մենք չպետք է ձեռքներս ծալած նստենք և հետևենք Էրդողանի գործողություններին: Պատմությունը ցույց է տալիս, որ Թուրքիայի գործողություններում միշտ կա ագրեսիվ և ոչ ադեկվատ հռետորաբանություն»,-ասել է  նա:

Միքայել Մելքումյանը անդրադարձել է նաև Հայաստանի և Ադրեջանի միջև սահմանազատման և սահմանագծման աշխատանքներին և ընդգծել, որ գործընթացը պետք է սկսել Արցախի կարգավիճակի քննարկմամբ:

Աղբյուր` Փաստինֆո