Դատավոր Դավիթ Գրիգորյանի հարցազրույցի ձայնագրությունը չի պահպանվել, լրատվամիջոցը չի տրամադրել ձայնագրությունը ԲԴԽ-ին

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 18:49 Ուժեղ կարկտահարություն՝ Արմավիրում 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել 05/03/2024 18:55 Մոսկվան Երևանից ակնկալում է պատասխանել ռուս խորհրդարանականների կոչին՝ կապված Սիմոնյանի հայտարարությունների հետ. Զախարովա 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան

Դատավոր Դավիթ Գրիգորյանի հարցազրույցի ձայնագրությունը չի պահպանվել, լրատվամիջոցը չի տրամադրել ձայնագրությունը ԲԴԽ-ին 08/05/2021 16:13 | Դատական ռեպորտաժներ

Երևանի ընդհանուր իրավասության դատարանի դատավոր Դավիթ Գրիգորյանին կարգապահական պատասխանատվության ենթարկելու միջնորդության քննության շրջանակներում դատավորի հետ հարցազրույցի ձայնագրությունն ուսումնասիրության առարկա չի դարձվի, լրատվամիջոցը չի տրամադրել ձայնագրությունը՝ նշելով, որ այն չի պահպանվել։

Նշենք, որ նախորդ նիստը հետաձգվել էր, քանի որ ԲԴԽ-ն անհրաժեշտություն է գտել լրագրողից ձայնագրությունը պահանջելու, ուստի՝ ծանուցում է ուղարկել խմբագրություն։

«Փաստինֆո»-ի թղթակցի հաղորդմամբ՝ ԲԴԽ նիստի մեկնարկին Խորհրդի նախագահի պաշտոնակատար Գագիկ Ջհանգիրյանը հրապարակել է լրատվամիջոցից ստացած գրավոր պատասխանն առ այն, որ ձայնագրությունը չի պահպանվել, հետևաբար, տրամադրել չեն կարող։

Լրատվամիջոցի կողմից տրամադրված պատասխանում մասնավորապես նշվել էր, որ աշխատանքային պրակտիկայում աուդիոձայնագրությունները պահպանվում են առավելագույնը երեք ամիս, ինչը բոլոր չափորոշիչներով ողջամիտ ժամկետ է, դատավոր Դավիթ Գրիգորյանի հետ համապատասխան հարցազրույցն արվել է սույն թվականի մարտի 30-ին և, հետևաբար, նյութական կրիչի վրա այն չի պահպանվել։

«Դատավոր Դավիթ Գրիգորյանը այս ողջ ընթացքում որեւէ առարկություն, դիտողություն, կամ պարզաբանման պահանջ չի ներկայացրել լրատվամիջոցին հարցազրույցի վերաբերյալ։ Եթե նույնիսկ հիպոթետիկ պատկերացնենք, որ դատավորը հարցազրույցի հրապարակումից հետո չէր կարդացել հարցազրույցը դրա հրապարակման մասին տեղեկացված չլինելու պատճառով, ապա առնվազն համապատասխան կարգապահական վարույթի հարուցումից հետո նա պետք է, որ պատշաճ ծանուցված լիներ հարցազրույցի առկայության մասին։ Հայտնում ենք, որ նշված կարգապահական վարույթի հարուցումից հետո ևս, մինչ օրս լրատվամիջոցը որևէ անհամաձայնություն կամ հերքման պահանջ չի ստացել պարոն Գրիգորյանից»,- նշել է լրատվամիջոցը՝ հավելելով, որ դատավոր Դավիթ Գրիգորյանի խոսքերը մեջբերվել են բառացի՝ առանց որևէ փոփոխության։

Ինչպես արդեն տեղեկացրել ենք՝ ՀՀ արդարադատության նախարարության կողմից Երևանի ընդհանուր իրավասության դատարանի դատավոր Դավիթ Գրիգորյանի նկատմամբ կարգապահական վարույթ է հարուցվել՝ լրատվամիջոցներից մեկին տված հարցազրույցի ընթացքում, ՀՀ քրեական օրենսգրքի 300.1-րդ հոդվածի մեղադրանքով գործով վարույթը կարճելու մասին որոշման վերաբերյալ, իբրև կարծիք արտահայտելու համար։ Ըստ ԱՆ-ի՝ դատավորի կողմից թույլ են տրվել դատավարական առերևույթ խախտում, միջամտություն է եղել արդարադատության իրականացմանը, ազդեցություն է եղել դատարանների հեղինակությանը, մինչդեռ, դատավոր Գրիգորյանն անդրադարձել էր ՍԴ որոշմանը, իսկ մեղադրանքի վերաորակման վերաբերյալ հարցին ի պատասխան նշել էր, որ այդ հոդվածով մեղադրանքը գոյություն չունի, հետևաբար, մեղադրանքի վերաորակման մասին խոսելն ավելորդ է։

ԲԴԽ-ում այսօր կայացած նիստի ընթացքում Երևանի ընդհանուր իրավասության դատարանի դատավոր Դավիթ Գրիգորյանը հետաքրքրվեց՝ արդյոք հարցազրույցի հրապարակման պահին դատավոր Աննա Դանիբեկյանի վարույթում գտնվող քրեական գործով դատախազը մեղադրանքը փոխելու հարց բարձրացրել էր, թե ոչ, ինչին ի պատասխան ՀՀ արդարադատության նախարարի տեղակալ Սուրեն Գրիգորյանը նշեց, որ այդ հարցը չի քննարկվում; Իսկ դատավորի հարցին, թե արդյո՞ք մեղադրանքը կարող է վերաորակվել, Սուրեն Գրիգորյանը նշել էր, թե կարծում էր՝ իրեն հարց պետք է տար, ոչ թե՝ ստուգեր իր գիտելիքները քրեական դատավարության վերաբերյալ, ինչն արդեն ստուգվել է համալսարանում։

Հեղինակ՝ Իզաբել Սահակյան

Աղբյուր` Փաստինֆո