Փաստ ինֆո

Իսրայելը Իրանին թույլ չի տա միջուկային զենք մշակել, դրա համար կարող է պահանջվել ԱՄՆ-ից անկախ համարձակ որոշումների ընդունում, հայտարարել է հրեական պետության վարչապետ Բենիամին Նեթանյահուն «Մոսսադ» արտաքին հետախուզության գործակալներին վարչապետի մրցանակների հանձնման արարողության ժամանակ:

«Իսրայելի պետությունը Իրանին թույլ չի տա միջուկային զենք ստանալ։ Ես շատ եմ գնահատում մեր բարեկամ ԱՄՆ-ին, ով աջակցում է մեզ տարիների ընթացքում: Դա մեր ազգային անվտանգության մի մասն է։ Բայց կարող է մի իրավիճակ ստեղծվել, երբ մեր բարձր նպատակը՝ երաշխիքն այն բանի, որ այաթոլլաները (Իրան - խմբ.)չեն ընդհատի հրեա ժողովրդի հազարամյա գոյությունը, մեզանից կպահանջի համարձակ եւ անկախ որոշումներ կայացնել», - ՏԱՍՍ-ի փոխանցմամբ Նաթանյահուի հայտարարությունն է տարածել նրա գրասենյակը:

«Որպեսզի «Մոսադն» ու Իսրայելի Պետությունը շարունակեն գնալ ձեռքբերումների ճանապարհով, անհրաժեշտ է երաշխավորել Իսրայելի անվտանգությունը։ Ձեզանից յուրաքանչյուրի առաջնային խնդիրը՝ Իրանին՝ միջուկային զինանոց ձեռք բերելը թույլ չտալն է։ Սա բարձրագույն առաքելություն է», - ասել է Նեթանյահուն՝ դիմելով արտաքին հետախուզության սպաներին։ «Ամեն դեպքում, Իրանի միջուկային ծրագրի հետ կապված՝ համաձայնագրով թե առանց համաձայնագրի, ամեն ինչ կանենք, որպեսզի Իրանը միջուկային ներուժ չստանա, քանի որ խոսքը մեր կյանքի մասին է, դա ձեր առաջնային խնդիրն է», - շարունակել է նա:

Աղբյուր` Փաստինֆո