Փաստ ինֆո

Այս իշխանության համար շատ ավելի կարևոր օրակարգ կա՝ ինչպես ավելացնել կալանքի սանկցիա տվող դատավորների թիվը, որովհետև բազմաթիվ պարկեշտ դատավորներ հրաժարվում են Նիկոլ Փաշինյանի «վնգստացող» դատավորները լինել և հրաժարվում են կատարել կեղտոտ քաղաքական պատվեր: Այս մասին ԱԺ-ում ելույթի ժամանակ ասաց ԲՀԿ պատգամավոր Նաիրա Զոհրաբյանը.

Պատգամավորի խոսքով՝ իշխանությունը փորձում է անընդհատ կեղծ օրակարգեր ստեղծել.

Զոհրաբյանն ասաց, որ ԱԺ նախագահը պետք է պատվիրակություն կազմեր, գնային Զվարթնոց օդանավակայան և տեսնեին՝ ինչ է կատարվում.

«Երևան-Մոսկվա միակողմանի տոմսը երեկ որոշ ավիաընկերություններ դարձրին 1050 դոլար: Նախօրեին Գագիկ Ծառուկյանը զրուցել է որոշ ավիափոխադրողների տնօրենների հետ, որոնք թեստերի պատճառով չէին թողնում, որ քաղաքացիները գնային: Մարդիկ գնում են, բա չե՞ք ուզում գնանք հարցնենք՝ ինչո՞ւ են այդ մարդիկ գնում, բա այդ մարդիկ 2018 թվականին մեծ հույսով քվեարկում էին ձեր օգտին»,-ասաց Զոհրաբյանը:

Վերջինս տեղեկացրեց, որ ավիաընկերություններն այսուհետ տոմս վաճառելուց կբացատրեն՝ ինչպես ներբեռնել և լրացնել թեստը.

«Սա մեր ողբերգությունն է, որ այսօր մարդիկ տնով, տեղով ամբողջ գույքով լքում են հայրենիքը, և փոխանակ հիմա մենք այնտեղ լինեինք և փորձեինք հասկանալ՝ ինչ կարող ենք անել, որ հայը մնա հայրենիքում, մենք այստեղ քննարկում ենք՝ ինչպես ավելացնենք Նիկոլ Փաշինյանի համար «վնգստացող» դատավորերի թիվը, որովհետև պարկեշտ դատավորները հրաժարվում են տալ կալանքի սանկցիաներ, որոնք ուզում է երկրի գլխավոր ֆեյքը»,-ասաց Նաիրա Զոհրաբյանը:

Աղբյուր` Փաստինֆո