Փաստ ինֆո

Պատերազմի ողջ ընթացքում մեր կուսակիցները, համախոհները սառեցրել են ներքաղաքական օրակարգը և սատար կանգնել հայոց բանակին, հայկական երկու պետություններին,- այս մասին քիչ առաջ ուղիղ եթերում հայտնեց ՀՀԿ խոսնակ Էդուարդ Շարմազանովը:

«2.5 տարի Հայաստանի կառավարությունը փակուղի է մտցրել բանակցային գործընթացը անզգույշ, հակասական հայտարարություններով,ինչպես օրինակ՝ Արցախը Հայաստան է և վերջ,ինչ պետք է այն էլ բանակցում եմ, պետք է լուծում, որ ձեռնտու կլինի նաև Արցախի ժողովրդին:Այս հայտարարությունները թուլացրել են հայկական կողմի դիրքերը բանակցային գործընթացում»,-ասաց Էդուարդ Շարմազանովը:

Վերջինիս խոսքով՝Փաշինյանը և նրա շրջապատը այս ընթացքում միակողմանի խաղաղասիրական կոչեր էին անում այն ժամանակ, երբ Ալիևն ու Էրդողանը համատեղ շքերթներ էին կազմակերպում և պատերազմի կոչեր անում:

«Այս պատերազմի ընթացքում իշխանությունները, հաղթական կոչերով խաբելով ժողովրդին, թե հաղթում ենք, հասցրեցին նրան, որ ստորագրվեց, հայտարարություն, որը կապիտուլացիայի ակտ է, 90 ականներից մինչ այսօր որևէ փաստաթուղթ նման անհայենպաստ պայմաններ չէր պարունակում, չկար նախկին ԼՂԻՄ տարածքների վերադարձ Ադրբեջանին»,-ասաց ՀՀԿ խոսնակը:

Էդուարդ Շարմազանովը նաև ընդգծեց, որ վարչապետի հանդիպման ժամանակ ասել է, որ այս ամենի քաղաքական պատասխանատուն ինքն է.

«Ավելին՝ վարչապետը ծածուկ ժողովրդից ստորագրում է հայտարարություն, դա այն վարչապետն է, որ ասում էր՝ Լեռնային Ղարաբաղի հարցը կքննարկվի Հանրապետության հրապարակում»:
ՀՀԿ խոսնակը նաև հայտնեց, որ հանդիպել է ՀՀ ԶՈՒ ԳՇ պետ Օնիկ Գասպարյանի հետ և քննարկել իրավիճակը:

Աղբյուր` Փաստինֆո