Փաստ ինֆո

Այս տարին,2019թ-ի համեմատ, կավարտենք 6% տնտեսական ցածր ցուցանիշով, բայց հաջորդ տարում կունենանք 5%-ի հասնող տնտեսական աճ,-այս մասին ճեպազրույցի ընթացքում ասաց Էկոնոմիկայի նախարար Տիգրան Խաչատրյանը:

Վերջինիս խոսքով՝ թուրքական ապրանքների ներմուծման արգելքի մասին որոշումը վերաբերում է միայն վերջնական սպառման ապրանքներին,իսկ միջանկյալ սպառման ապրանքների դեպքում սահմանափակումներ չեն լինելու.
«Վստահ եմ, որ բիզնեսով զբաղվող անձիք գիտեն, որ այն ապրանքները, որոնք 2021թ-ից չեն կարողանալու ներկրել Թուրքիայից, կարող են ներկրել Ռուսաստանից,Բելառուսից, Իրանից, Չինաստանից»,-ասաց Տիգրան Խաչատրյանը:

Էկոնոմիկայի նախարարը նաև վստահեցրեց, որ թուրքական ապրանքների ներմուծման սահմանափակումից հետո, գնաճ չի լինի.
«Մենք խոսում ենք ամբողջ մեր շուկայի սպառման ծավալի նկատմամբ շատ փոքր տեսակարար կշիռ ունեցող թուրքական ապրանքների քանակի մասին: Որպեսզի գնաճ լինի, պետք է այդ սեգմենտում առաջարկվող ապրանքների մեծ մասը առաջարկվեն հենց թուրքական ապրանք ներկրողների կողմից: Մենք ունենք գնահատականներ, որ առանձին վերցրած որևէ ապրանքային սեգմենտ չկա, որտեղ թուրքական ապրանքներն ունեն գերակշիռ նշանակություն, ուստի վստահաբար գնաճ չի լինի»,-ասաց նախարարը:

Աղբյուր` Փաստինֆո