ԲՈԼՈՐ ՆՅՈՒԹԵՐԸ
«Նարինե Խաչատուրյանի համակարգման տակ գտնվող մշակույթի ոլորտում ողբալի վիճակ է». Արմեն Աբրոյան 06/18/2020 17:00 | Հարցազրույց
«ՀՀ ԿԳՄՍ նախարար Արայիկ Հարությունյանի հրամանի համաձայն նախարարությունում այլևս չեմ աշխատում: Հրամանը մինչ օրս չեմ տեսել, ինձ պատշաճ չի ծանուցվել այդ մասին, այն կատարվել է օրենքի խախտումով»,- ֆեյսբուքյան տիրույթում արված այս հայտարարության հեղինակը ՀՀ ԿԳՄՍ նախարարության Պատմության և մշակույթի հուշարձանների պահպանության գործակալության պետ Արմեն Աբրոյանն է։
«Փաստինֆո» լրատվական գործակալությունը կապ է հաստատել Մշակույթի նախարարության երկարամյա առաջատար մասնագետի հետ, լսել օրենքի խախտումով աշխատանքից ազատման հրամանի մանրամասները.
- Պարոն Աբրոյան, ինչպե՞ս է հնարավոր որևէ մեկին աշխատանքից ազատեն՝ առանց ազատման հրամանը նրան պատշաճ ներկայացնելու։
- Ես տեղյակ էի, որ վերակազմակերպման արդյունքում ինձ նոր պաշտոն են առաջարկելու, և միայն դրանից հետո ես՝ կամ պետք է տայի իմ համաձայնությունը, կամ մերժեի այն։ Նոր պաշտոնի՝ ավագ մասնագետի առաջարկը (ի դեպ ավելի ցածր պաշտոնի), որ արվել էր ինձ առաջին անգամ, չէր տեղադրվել կայքում։ Այստեղ պետք է ուշադրություն դարձնենք քաղծառայության տրամաբանությանը՝ սա մասնագետի և երկար տարիների փորձ ունեցող վարչարարին, բարձրաստիճան պաշտոնյային ոչ հարիր առաջարկ է, ընդ որում, առանց որևէ հիմնավորման։ Ինչևէ, տվել եք, տվեք, բայց՝ ո՛չ համապատասխան վարչության կայքում, ո՛չ տվյալ բաժնի կանոնադրություններում, որտեղ ես ենթադրաբար պետք է աշխատեի, որևէ հայտարարություն չկա։ Ստացվում է, որ ինչ – որ պաշտոնի անվանում են ասում և հարց են տալիս՝ ուզո՞ւմ եք այս պաշտոնում աշխատել, թե՞ ոչ։ Ես բարձրաձայնում եմ, որ այս ամենը նորմալ չէ, խնդրում եմ տրամադրել ինձ համապատասխան նյութերը, որպեսզի ես կարողանամ օրենքի սահմաններում որոշել և ասել՝ ուզո՞ւմ եմ աշխատեմ, թե՞ ոչ։ Ոչ պատշաճ տեղեկացնելով, ինձ տրամադրում են համապատասխան նյութեր, որից հետո, օրենքով սահմանված եռօրյա ժամկետում ես պետք է պատասխանեմ՝ ուզո՞ւմ եմ աշխատել, թե՞ ոչ և միայն իմ չպատասխանելու դեպքում նրանք կարող ինձ ազատել աշխատանքից։ Ստացվում է, որ առանց սպասելու օրենքով սահմանված եռօրյա ժամկետի ավարտին, նրանք տվել են հրամանն ու միանգամից փակել են պաշտոնական փաստաղթղի տեղաշարժի համակարգը։ Արդյունքում, ստացվել է այնպես, որ մինչև այս պահը ես չեմ տեսել իմ աշխատանքից ազատման հրամանի տեքստը՝ ո՛չ էլեկտրոնային փոսոտով, ո՛չ թղթային տարբերակով։ Սա ուղղակի անհասկանալի իրավիճակ է։
- Պարոն Աբրոյան, կարո՞ղ եք ինձ բացատրել, թե այս ամենն ինչպե՞ս կարելի է մեկնաբանել, ի՞նչ է սա նշանակում։
- Սա նշանակում է, որ նախարարությունում սուտ խոստումների կողքին դեռևս շարունակվում են մինչ այս՝ նախադեպը չունեցող ապօրինություններ։ Իրենց անհասկանալի ամբիցիաներով և ոչ կոմպետենտ վարքագծով, ոչ համապատասխան մասնագիտական կարողություններ ունեցողներին բերում և խիստ պատասխանատու պաշտոնների են նշանակում՝ միաժամանակ, ազատվելով կոմպետենտ, ճշգրիտ և օրենքով աշխատող մասնագետներից։
- Ո՞րն է այս ամբողջի նպատակը։
- Սա ցույց է տալիս, որ իրենք, իմ կարծիքով դիտավորյալ, փորձում են հավաքել այնպիսի թույլ համակարգ, որտեղ միայն կամակատարներ կլինեն։
- Եթե նրանց կամակատարների խումբ է պետք, կարելի է ենթադրել, որ պատրաստվում են այդ խմբին օգտագործել որևէ աշխատանքում կամ իրավիճակում։
- Ազատվելով ինձանից՝ որպես տվյալ բնագավառում ծառայություն մատուցած պատասխանատու անձից, պետք է նկատենք հետևյալը՝ ես չեմ տվել իմ թույլտվության համաձայնությունը, շարունակելու կոնկրետ աշխատանքներ, որոնք իմ որոշումների արդյունքում այս պահին կիսատ վիճակում են մնացել։ Ենթադրում եմ, որ ինձ և իմ նմաններին փոխարինելով կամակատարների խմբով, նրանք հնարավորություն կունենան շարունակելու որոշ աշխատանքներ, արդյունքում՝ անարգելք ավարտին կհասցնեն մեր քաղաքի աղավաղման իրենց ողջ ծրագիրը։
- Ի՞նչ ծրագրի մասին է խոսքը, պարոն Աբրոյան, Ֆիրդուսի թաղամասի շուրջ վերջին օրերին բարձրացված աղմուկի՞, թե քանդման ենթակա այլ շինություններ ևս կան օրակարգում։
- Արամի 23-ի շինությունն, օրինակ, որ պատմամշակութային հուշարձանի կարգավիճակ ունի և, որը չեն վերականգնում։ Փոխարենը զբաղված են բանակցությունների շնորհիվ ժամանակ ձգելով, մինչև կհասնեն հուշարձանի քանդմանը։ Հստակեցնենք, որ դրանք տարբեր տեսակի և ոչ օրինական բանակցություններ են։ Հետևաբար, կամակատարների խումբը նրանց պետք է օրենքի պահանջներն անտեսելով, հենց այսպիսի իրավիճակներում, անարգելք համաձայնություններ ստանալու համար։ Նույն իրավիճակն այս պահին Ֆիրդուսի թաղամասում է, որի առնչությամբ մենք մեր կարծիքը փաթեթով ներկայացրել ենք, բայց բացարձակ ոչ մի վստահություն չունեմ, որ գործը նորմալ հանգուցալուծում կստանա։ Կարծում եմ առաջիկայում կշարունակվեն նաև մյուս բոլոր անթույլատրելի գործառույթներն ու կառուցապատումները, որոնց ես մասնագիտական համաձայնության թույլտվություն չեմ տվել։ Առաջինն էլ կլինի հենց Ֆիրդուսի թաղամասը։ Այսինք, մեծ մտավախություն ունեմ, որ նախկինից կիսատ մնացած բազմաթիվ պատմամշակութային հուշարձաններ՝ խմբակային շահերով պայմանավորված կքանդվեն կամ քաղաքական շահի՝ ներդրման անվան տակ կոչնչանան, իսպառ խաթարելով՝ մասնավորապես Երևան քաղաքի պատմական միջավայրը։
- Նախօրեին ձեր ֆեյսբուքյան տիրույթում փաստաթուղթ էիք հրապարակել, որում, հղում անելով ԿԳՄՍ նախարարի տեղակալ Նարինե Խաչատուրյանին, բարձրաձայնել էիք, որ վերջինիս անգործության արդյունքում ստիպված եք եղել ինքներդ օրենքով պահանջվող գործառույթ իրականացնել։ Կմանրամասնե՞ք ինչի մասին էր խոսքը։
- Խաչատուրյանը շարունակում է բացահայտ սուտ հայտարարություններ տարածել, որի փաստական տվյալները ես հրապարակել եմ իմ հրավիրած վերջին մամուլի ասուլիսում։ Փոխնախարար Խաչատուրյանի ակնհայտ ստերից մեկն այն է, թե իբր Ֆիրդուսի թաղամասի հետ կապված շինությունները արժեք չունեն, այնինչ, ձայների մեծամասնության արձանագրությամբ, այդ կառույցների արժեքը խիստ հստակեցված է։ Պետական հաշվառման տակ վերցված Ֆիրդուսի թաղամասում պատմամշակութային արժեք ունեցող 2 օբյեկտների ապօրինի քանդման աշխատանքների վերաբերյալ ես, արդեն իսկ, դիմել եմ ՀՀ ոստիկանությանը: Հաջորդ սուտը, որ Խաչատուրյանը հրապարակում է ավագանու արտահերթ նիստում, այն է, թե իբր գործակալությունն՝ իմ գլխավորությամբ պատշաճ չի կատարել իր աշխատանքն ու հանձնարարություն չի տվել համապատասխան ՊՈԱԿ-ին՝ արժևորման գործառույթը շարունակելու համար։ Նայեք, թե քանի տեսակի սուտ հայտարարությունների է ընդունակ այս տիկինը։ Ստացվում է, որ նա սկզբում հայտատարում էր, թե իբր շինություններն արժևորված չեն, բայց պարզվեց, որ դա այդպես չէ և նա ստիպված եղավ հերքել իր իսկ սուտը։ Հետևություններ չանելով դրանից, նա երկրորդ սուտն ավելացրեց դրան, թե իբր Աբրոյանը չի կատարել իր պարտականությունը և ես ստիպված եղա իմ ֆեյսբուքյան էջում հրապարակել համապատասխան պաշտոնական գրությունը։ Երրորդ սուտն այն է, թե իբր ինքն այդ ժամանակ չի պաշտոնավարել, բայց զվարճալին այն է, որ այդ գրությունը հենց ինքն է ստորագրել։
- Պարոն Աբրոյան, Խաչատուրյանի ինչի՞ն են պետք իրար հաջորդող այսօրինակ ստերը, որոնք ինքը հետո ստիպված է լինում հերքել։
- Պատճառը մի դեպքում նրա բացարձակ ոչ կոմպետենտությունն է, մյուս պարագայում՝ պաշտոնավարումը երկարաձգելու մարմաջը, թաքցնելու իր գիտելիքների բացարձակ չիմացությունը, ինչպես նաև, հեռացնելով իր հետ կապված գործառույթների պատասխանատվության շրջանակներն ու թաքցնելով այն քաղաքաշինական բնագավառի գործառույթների և քաղաքաշինության բնագավառի պատասխանատուների վրա, դուրս հանել պատմամշակութային ժառանգության խնդիրները։ Ենթադրենք, Երևանի պատմական կենտրոնում շինարարություն է կատարվում, որի լիազոր մարմինը մեր նախարարությունն է, չգիտես ինչու դրա պատասխանը պետք է տա Արթուր Մեսչյանը, քաղաքապետը, քաղաքաշինության կոմիտեն, Կառավարությունը, այսինքն՝ բոլորը, բացի իրենցից։ Իրականում այս կինն այնքան անտեղյակ է ոլորտի խնդիրներից, որ, եթե անգամ որևէ պարագայում ստիպված է լինում ինքը պաշտոնական հայտարարությամբ հանդես գալ, խորհուրդ է հարցնում նախարարի պակաս ոչ կոմպետենտ խորհրդական Արթուր Հովսեփյանից, և իրենց քննարկաման արդյունքում միայն որևէ բան է հայտարարում։ Այսինքն, այս կինն անգամ սեփական կարծիք կամ տեսակետ արտահայտելուց անգամ ինքնուրույն չէ, ինչի մասին է խոսքը։
- Այսպիսի պարագայում չեմ կարող հարց չտալ՝ իսկ ի՞նչ մթնոլորտ է տիրում ոչ կոմպետենտ փոխանախարարի ղեկավարությամբ գործող այդ կառույցում։
- Մշակույթի փոխնախարար Նարինե Խաչատուրյանի համակարգման տակ գտնվող մշակույթի ոլորտում ողբալի վիճակ է։ Մի օրինակ եմ ուզում բերել՝ մոտ մեկ տարի առաջ, իր իսկ դիմումի համաձայն, աշխատանքից ազատվեց գործակալության պատասխանատու մի աշխատակից՝ վերականգնման բաժնի պետը, ում անգործության պատճառով պետությանը մոտ 70 մլն. դրամի վնաս հասցվեց։ Խնդիրը Ոսկեվազի եկեղեցու խախտումներով իրականացված վերականգնման մասին էր, որտեղ կոռուպցիոն սխեմա կար և այս ամենը՝ ոչ կոմպետենտ նոր աշխատակցի անգործության պատճառով։ Հիմա չզարմանաք, եթե ասեմ, որ այսօր Նարինե Խաչատուրյանը գնումներում որպես մասնագետ – փորձագետի պատասխանատու գործառույթը վստահել է նույն այդ մարդուն, ում անգործության շնորհիվ մենք ահռելի չափով ֆինանսական կորուստներ գրանցեցինք, և ով, իր իսկ դիմումի համաձայն դուրս եկավ աշխատանքից։ Այսինքն, Նարինե Խաչատուրյանի գլխավորած համակարգը հետ է վերադարձնում, մեղմ ասած, ոչ պատշաճ և ոչ բարեխիղճ աշխատակիցներին, միևնույն ժամանակ՝ ձերբազատվելով փորձառու կադրերից, ինչի մասին վերևում արդեն խոսեցինք։ Ուրեմն, եթե մի նախադասությամբ ամփոփոմ ձեր տված հարցի պատասխանը, ապա պետք է ասեմ՝ բնագավառի միտումնավոր քայքայում են իրականացնում։
- Ինչո՞ւ։
- Ենթադրելի է՝ ինչ – որ շահեր սպասարկելու նպատակով, ինձ համար դեռևս անհասկանալի, բայց, ակնհայտորեն, շատ վտանգավոր ուժերի շահեր։
- Ի՞նչ քայլեր եք նախատեսում անել անօրինական կերպով աշխատանքից ազատվելուց հետո։
- Անարդյունավետ եմ համարում այս պահին և այսպիսի իրավիճակում ասել, թե կգնամ դատարան։ Խնդիրը նրանում չէ, որ ես կարող եմ գնալ դատարան և ապացուցել, որ նրանք իմ նկատմամբ իրավունք են խախտել։ Մի բան հստակ է՝ ես շարունակելու եմ ձեռքս զարկերակին պահած մնալ և իր մեջ ապօրինություն պարունակող յուրաքանչյուր քայլին, անկասկած իրավական գնահատական եմ տալու։ Այլ կերպ ասած՝ ես մշտապես մնալու եմ բնագավառում և վերահսկելու եմ կատարվող աշխատանքների օրինականությունն ու թափանցիկությունը, ինչ կարգավիճակով էլ որ լինեմ։
Հեղինակ՝ Նվարդ Մանվելյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/08/2024 08:21 Հայոց ցեղասպանության ճանաչման մասով ոչինչ չի արվում. Նիկոլ Փաշինյանը խաբել է. Մաս 204. «Ժողովուրդ»
- 05/08/2024 08:16 Երթին մասնակցեն՝ պետական աջակցությունից կզրկվեն․ «Հրապարակ»
- 05/08/2024 08:09 Ինչո՞վ է բացատրվում Փաշինյանի ատելությունը Վանեցյանի հանդեպ․«Հրապարակ»
- 05/08/2024 08:04 Սրբազանը դեռ տարիներ առաջ է երդվել, որ ձեռքերը ծալած չի նստելու․«Հրապարակ»
- 05/08/2024 08:01 2019 թ.-ին գրանցվել է զինծառայողի` խաղաղ պայմաններուն մահվան 32, 2023-ին`53, 2024-ի առաջին 5 ամսում` 30 դեպք. ԱՄՆ պետքարտուղարության զեկույցը. «Ժողովուրդ»
- 05/08/2024 07:58 Քերոբյանի գործով առաջիկայում որոշում կկայացվի. «Ժողովուրդ»
- 05/08/2024 07:56 Իրավապահ համակարգում որոշ գործընթացներ կանգ են առել. միգուցե երթը հասնի Երեւան ու գործընթացներ սկսվեն. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/08/2024 12:30 Հայաստանի համար այս վճռորոշ օրերին պարտավոր ենք նորի՛ց համախմբվել. Սեյրան Օհանյան
- 05/08/2024 10:19 Իշխանությունը կոնկրետացումից խուսափելու նպատակով մշտապես զրույցը տեղափոխում է վիրավորանքի դաշտ. Աբրահամյան
- 05/07/2024 11:07 Նորից ժամանակն է ազգովի մաքրելու դաշտը մոլախոտերից և տնկելու մեր ապագա հաղթանակի առողջ սածիլները. Արշավիր Ղարամյան
- 05/07/2024 10:51 Վերջ տվեք կեղծ տեղեկատվությանը, անհեռանկար էժանագին զբաղմունք է. Դանիելյանը՝ ՀԱԵ դեմ արշավի մասին
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/06/2024 23:32 Ուսուցչուհին աշակերտներին հարբեցրել է ալկոհոլով եւ քնել նրանցից մեկի հետ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն