ԲՈԼՈՐ ՆՅՈՒԹԵՐԸ
Հայկ Եսայանի տեսաուղերձը. ես փողով չեմ վաճառվում 04/11/2020 21:50 | ԼՐԱՀՈՍ
Ucom ընկերության շուրջ իրադարձությունների հետ կապված ընկերության հիմնադիրներից Հայկ Եսայանը հանդես է եկել տեսաուղերձով՝ հայտարարելով, որ չի պատրաստվում վաճառել իր բաժնետոմսերը եւ թե որոնք են լինելու իր ու իր թիմի հաջորդ քայլերը:
Նախ նա ներկայացրել է Ucom-ի ստեղծման իր պատմությունը.
Դեռեւս 1999 թվականին, երբ մենք երիտասարդ էինք, Ալիկի (իր եղբայրը՝ Ալեքսանդր Եսայանը) հետ՝ 17-18 տարեկան, սկսեցինք մեր առաջին փորձերը այս ոլորտում: Սկսեցինք առաջին հեռախոսակապի ծառայությունները մատուցել. Այն ժամանակ մենք մարդկանց միացնում էինք արտերկիր զանգելու, որը բավականին թանկ էր: Մեզ թվում էր լավ գործ ենք անում եւ բավական հետաքրքիր էր մեզ համար: Հետո բացեցինք առաջին ինտերնետ-սրճարանը: Այդտեղ մեղ շատ օգնեցին մեր ծնողները, որ մեր տունը գրավադրեցին եւ այդ ֆինանսական միջոցներով սկսեցինք մեր գործունեությունը: Ոչ ոք չգիտեր, թե դա ինչ գործունեություն է, դրան միայն ես ու Ալիկն էինք հավատում, իսկ մեր ծնողները մեզ վստահեցին:
2005-ից մենք սկսեցինք Ucom-ի նախագծի մասին մտածել, իսկ 2007-իվ ռեալ սկսեցինք այդ նախագծով զբաղվել: Հետո 2009-ին հասկացանք, որ պետք է փոխվել, որովհետեւ մենք այլ մոդելով էինք շարժվում: Գնացինք օկտիկայով, եւ ամեն ինչ շարժվեց առաջ: Այսօր ունենք այն, ինչ ունենք: Ոչ թե դա ունենք ես ու Ալիկը, այլ ունենք շատ հզոր թիմ, եւ այդ թիմն ունի Յուքոմը: Մենք ուզում էինք ընկերության անունը դնել Unet: Մեզ պետռեգիստրից ասացին, որ Unet անունով արդեն ընկերություն կա, կարող եք Ucom դնել, այսինքն մենք փող չենք ծախսել անունի վրա, որ բրենդ ունենանք: Մեր բրենդը դուք եք, մեր հզորությունը դուք եք եւ այն անձնակազմն է, որ այսօր որակյալ ծառայություններ է մատուցում:Այն ուղին, որ այդ թիմը 2007-ից անցել է, այն ուղին է, այն մարդիկ են, որ այսօր կան, արժեք են ստեղծում:
Ուզում եմ շնորհակալություն հայտնել, որ այսօր շատ-շատերդ շարունակում եք խնդիրներ լուծել ընկերության համար, հանրության համար՝ նույնիսկ հրաժարականի դիմում գրելուց հետո: Ես էլ դիմում գրելուց հետո շարունակում եմ պահանել այնպես, որ ընկերությունն ունենա շարունակականություն»,-հայտարարեց Հայկ Եսայանը:
Ի՞ՆՉ ԽՆԴԻՐՆԵՐ ԿԱՆ UCOM-ՈՒՄ
Անդրադառնալով Ucom-ում առկա խնդիրներին, Եսայանն ասաց. «Այս խնդիրները բավական երկար ժամանակ է, որ կան: Բավական լուրջ տարաձայնություններ կան ընկերության ռազմավարական տեսլականի շուրջ: Շուրջ 1 տարի ես փորձում եմ իմ տեսլականը բացատրել բաժնետերերին եւ իմ տեսլականը եւ իմ ուղիով տանել: Ցավոք, դա լավ չի ստացվել, որովհետեւ ես իմ տեսլականը չեմ կարողացել կիսել իրենց հետ, ունենք մոտեցումների տարբերություն: Այդ տարբերությունը բերեց նրան, որ ես գնացի հրաժարականի դիմումով:
Դա խնդիր չի, գուցե դա առավելություն է եւ բոլորիս համար նոր դռներ է բացում: Կա լուրջ տեսլականի տարբերություն: Մինչ այդ ընկերությունը զարգացել է հենց իմ ու Ալիկի տեսլականով: Վստահ եմ՝ մեզ մոտ դա ստացվել է, որովհետեւ այսօր ունենք Ucom, որը իրականում շատ հզոր եւ ուժեղ է:
Մոտ 1 ամիս առաջ մենք դիմեցինք բաժնետերերի՝ առաջարկելով իրենց բաժնեմասը վաճառելու ընկերությանը եւ ստացանք դրական պատասխան: Դա շատ լավ էր, ֆինանսների ներգրավվածության հարցը լուծելուց հետո մենք ստացանք բացասական պատասխան, ինչն ինձ համար մի քիչ վիրավորական էր: Եթե պատրաստ են վաճառել, քեզ ասում են՝ այո, գիտակցելով, որ դու ֆինանսի խնդիր կունենաս եւ չես կարողանա ձեռք բերել բաժնեմասերը, այդ մտադրությամբ են ասում այ, հետո ֆինանսի հարցը լուծվում է, դրանից հետո ասում են՝ ոչ, ինձ համար դա ընդունելի չի:
Այդ պարագայում մենք հասկացանք, որ գուցե մենք վաճառենք մեր բաժնեմասը եւ ստեղծենք մերը՝ ավելի լավը: Մենք վստահ ենք, որ այն թիմը, որ կա, եթե այն սկզբունքով չաշխատի, վաղը հաստատ այս Ucom-ը չի լինելու, ուրիշ Ucom է լինելու, որը նկատմամբ ես հետաքրքրություն չունեմ: Ես ինձ չեմ տեսնում այդ Ucom-ում: Հետո հասկացանք, որ պետք չի վաճառել:
Հիմա հասկանում եմ, որ չի կարող վաճառվել մեր կտորը: Մենք պետք է լրիվ նորից սարքենք այդ ամենը ու էդտեղ գումարը չի, որ կլինի 100 մլն, թե 10 մլրդ, դա ինձ համար նշանակություն չի ունեցել: Ով ինձ ճանաչում է, գիտի, որ ինձ փողով չեն կարող առնել, ես փողով չեմ վաճառվում: Ես պաշտոնապես ասում եմ՝ որ ես մեր բաժնետոմսը չեմ վաճառելու: Ես իմ բաժնետոմսերը պահելու եմ, քանի դեռ մեր տսլականը կա, քանի դուք կաք:
Մենք իրենց առաջարկ արեցինք բոլոր մյուս բաժնետերերի բաժնեմասերը գնել 22 մլրդ 100 մլն դրամով: Մենք հասկանում ենք, որ ունենք հզոր թիմ, իրական ռազմավարություն, որը կյանքն ապացուցեց, որ ճիշտ է: Ես վստահ եմ, որ մեր տեսլականն ապագայի համար ավելի լավն է, քան մյուս ընկերությունները, որոնք շուկայում կան:
«Ինչ ունենք մենք, մենք ունենք 6 տոկոս բաժնետոմս, ունենք շատ ուժեղ թիմ եւ իրար շատ հասկացող թիմ: Մենք գնում ենք 6 տոկոս բաժնետոմսով գնելու մնացած 94 տոկոս բաժնետոմսը մյուս բաժնետերերից: Երկրորդ քայլով այդ 100 տոկոս բաժնետոմսից 20 տոկոսը արտոնյալ պայմաններով բաշխում ենք մեր աշխատակիցների մեջ, որպեսզի նրանք հնարավորություն ունենա, օրինակ, 1 դրամով բաժնետոմս գնելու, երբ շուկայում բաժնետոմսն արժի օրինակ 10 հազար դրամ:
Ինչու 20 տոկոս, որովհետեւ 25 տոկոսից ավելին չենք կարող, օրենսդրական սահմանափակում ունենք: Ուզում ենք 20 տոկոսով առաջին քայլը անել, որ եթե ապագայում առաջ շարժվելու խնդիր ունենանք, 21-22 տոկոսի հասցնենք, միանգամից չայրենք մաքսիմալ հնարավորությունը:
Մենք ապագան տեսնում ենք մի գերհզոր ընկերություն, որը տրանսֆորմացիա է լինում տելեկոմ ծառայություններից դեպի բազմատիպի ծառայություններ: Մեր ընկերությունը պետք է լինի մի շարք ծառայություններ մատուցող ընկերությունների փունջ: Մենք ունենք հեռուստատեսություն, քլաուդ սերվիսներ, «յուդրայվ» ենք անում, ու դա պետք է անենք: Ես վստահ եմ, որ մեր տեսլականը իմ հետ կիսում է մեր ողջ թիմը:
Այս տեսլականն առաջ տանելով մեր ընկերությունը պետք է լինի առաջինը: Մենք պետք է լինենք խոշոր հարկատուների առաջին եռյակում: Տելեկոմը արդեն տելեկոմ չի, ինքը դառնում է IT, դառնում է միտք, իսկ միտքը չափելի չի: Գնահատել մտքի գինը, անհնար է: Մենք այս ընկերությունը պետք է սարքենք լավագույնը:
Ուզում եմ ասել, որ գործարքի բնույթից ելնելով Եսայանները չեն գնում բաժնեմասը, բաժնեմասը գնելու է Ucom ընկերությունը եւ ֆինանսական միջոցները ներգրավվելու են ֆինանսական հաստատություններից: Դա կլինեն բանկեր, բոնդեր, թե այլ գործիքներ կկիրառվեն, դա նշանակություն չունի:
Երկրորդ, լուրեր են պտտվում, որ Եսայան եղբայրներն արդեն վաճառել են իրենց բաժնեմասը, նման բան չկա եւ չի կարող լինել: Մենք հստակ որոշել ենք, որ նման բան չի կարող լինել: Մենք հստակ որոշել ենք, որ ընկերությունը գնալու է բաց բաժնետիրական ընկերության, ունենալու է շատ լայն սփռում, շատ բաժնետերեր եւ պարտադիր է, որ այն աշխատակիցները, որոնք երկար տարիներ աշխատել, ջանք են թափել, պետք է ունենան բաժնեմաս:
Որոշ մարդիկ սկսել են զանգել մեր աշխատակիցներին, առաջարկել ինչ-որ կրկնակի աշխատավարձեր: Ես ուզում եմ ասել, որ մեր բաժնետերերը մեկ տարուց ավելի ինձ ճնշում են, որ ես կարողանամ աշխատավարձերը կրճատել: Ու երբ ես ստիպված եմ լինում նոր աշխատակիցների ներգրավումը կանգնեցնել, երբեք չեմ գնացել աշխատակիցների կրճատման, որովհետեւ խնդիր է դրվել աշխատավարձի ֆոնդի 10-15 տոկոս նվազման: Ու այսօր զանգել աշխատակիցներին ու կրկնակի աշխատավարձ խոստանալ, այդ առաջարկողը չի հասկանում բիզնեսից: Եթե մարդիկ կան, որ կարծում են, որ Ucom-ում հնարավորություն կար աշխատավարձերը երկու անգամ բարձրացնել ու դա ես չեմ արել, ուրեմն ես իօրավունք չունեմ որեւէ մեկի աչքերի մեջ նայելու: Նման հնարավորւթյուն չի եղել: Մենք ունենալու ենք մի հատ ընկերություն, որի մասին պետք է ֆիլմ նկարել, թե ինչ է արել այսքան կարճ ժամանակում:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/11/2024 08:37 2018-ին հեղափոխությո՞ւն էր, թե՞ կռիվ լափամանի համար. «Ժողովուրդ»
- 05/11/2024 08:34 Ինչն է «պաշտպանել» իր հայտարարագրի եկամուտների 3-րդ տողում Նիկոլ Փաշինյանը. «Ժողովուրդ»
- 05/11/2024 08:30 ՆԳՆ-ն երկու գործառույթ է իրականացնում․ պաշտպանում է կառավարության շենքն ու ճոխ սարքեր գնում. «Ժողովուրդ»
- 05/11/2024 08:28 Դուք լեզու եք գտել՝ մենք ի՞նչ կարող ենք անել․ «Հրապարակ»
- 05/11/2024 08:24 ԿԳՄՍ-ից զգուշացրել են․ «Հրապարակ»
- 05/11/2024 08:20 Հրապարակի առաջին իսկ կադրերը խուճապ են առաջացրել իշխանական շարքերում․«Հրապարակ»
- 05/11/2024 08:13 Դատավոր Արուսյակ Ալեքսանյանի գործով դատարան կներկայանա Երեւան քաղաքի ընդհանուր իրավասության դատարանի նախագահը․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/11/2024 19:46 Ադրբեջանին զիջումների իրական դեմքը սա է. հաջորդը դու ես ու քո տունը. Վարուժան Գեղամյան
- 05/11/2024 17:44 Հանդիպեցի ԳՇ ռազմատեղագրական ծառայության պետին` հասկանալու, թե ի՞նչ քարտեզների հիման վրա է իրականացվում դելիմիտացիան. Աբրահամյան
- 05/11/2024 17:34 Տիգրան Ուրիխանյանը մեկնաբանել է՝ ինչ հիմքով է ազատ արձակվել
- 05/11/2024 15:43 Նիկոլ, ես գալու եմ քո հետևից․ Տիգրան Ուրիխանյանը լուսանկար է հրապարակել մեկուսարանից
Արխիվ
Արտակարգ պատահարներ
- 05/12/2024 21:04 Երևանի Սեբաստիայի փողոցի շենքերից մեկի բակում առկա է հաստաբուն ծառի ընկնելու վտանգ
- 05/12/2024 20:38 Երևանում ծառն ընկել է «Nissan» և «Mazda» մակնիշների ավտոմեքենաների վրա
- 05/12/2024 17:31 Պայթյուն՝ Արարատ գյուղի Գրիբոյեդովի փողոցում գտնվող ավտոտնակում
- 05/12/2024 15:46 Պայթյուն՝ Արարատ գյուղի բենզալցակայաններից մեկում․ ժամանել է հրշեջների 2 մարտական հաշվարկ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/12/2024 09:57 «Եվրատեսիլ 2025»-ը տեղի կունենա Շվեյցարիայում. Մրցանակը կոտրվեց բեմի վրա
- 05/11/2024 18:50 Նիդեռլանդների ներկայացուցիչը եզրափակիչ փուլից ժամեր առաջ հեռացվել է Եվրատեսիլ մրցույթից
- 05/10/2024 22:22 Ամուսնացած տղամարդուց ծննդաբերած կինը տարօրինակ առաջարկ է ստացել նրա կնոջից
- 05/09/2024 23:56 Ուղղիչ դպրոցի աշխատակցին հեռացրել են աշխատանքից էրոտիկ նկարահանումների համար
Հետաքրքիր է իմանալ
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը