Փաստ ինֆո

Այսօր ուժի մեջ կմտնի պարետի որոշումը, համաձայն որի կարգելվեն ՀՀ ողջ տարածքում տնտեսական առևտրի իրականացման վայրերում տնտեսական գործունեության որոշ տեսակներ: Այս մասին այսօր մամուլի ասուլիսի ժամանակ ասաց Էկոնոմիկայի փոխնախարար Վարոս Սիմոնյանը նշելով, որ բացառություն կգործի ներկայացված վայրերում պարենային ապրանքով զբաղվող օբյեկտների, դեղատների և գյուղատնտեսական ապրանքների շուկաների համար:

Փոխնախարարի խոսքով սահմանափակումներ կգործեն նաև ամբողջ Հայաստանում բարերի, խմիչքների մատուցման կետերի հետ կապված, կինոթատրոնների նկատմամբ, ինչպես նաև սպորտի, զվարճությունների կազմակերպման բնագավառում:

«Սահմանափակումները կտարածվեն նաև անհատական այլ ծառայությունների տնտեսական գործունեության վրա բացառությամբ թաղումների կազմակերպման և համանման այլ ծառայությունների»,-ասաց Վարոս Սիմոնյանը:

Վերջինս նկատեց սահմանափակումները չեն տարածվի սրճարանների գործունության վրա: Շահումով խաղերի կազմակերպման հետ կապված սահմանափակումներից բացառություններ կարվեն ինտերնետի միջոցով իրականացվող շահումով խաղերը և վիճակախաղերը:

«Հնարավոր է, որ տնտեսական գործունեության դասակարգիչներով սահմանված գործունեությունների այսօր ուժի մեջ մտնող ցանկը կարող է նաև ընդլայնվել: Սահմանափակումները կգործեն մինչև արտակարգ դրության ժամկետը, բայց հնարավոր է, որ ավելի շուտ դադարեցվի կախված ՀՀ-ում տիրող իրավիճակից»,-հավելեց Վարոս Սիմոնյանը:

Աղբյուր` Փաստինֆո