Փաստ ինֆո

Վոլգոգրադում կալանավորվել է 26- ամյա տղամարդը, ով մեղադրվում էր մի շարք գողությունների և 2018-ի հուլիսին 70- ամյա կենսաթոշակառու կնոջ սպանության մեջ:

«Նախորդ տարվա հուլիսի 29-ին 26- ամյա վոլգոգրադցին թմրանյութի ազդեցության տակ ներխուժել է Վոլգոգրադի Վոռոշիլովսկի շրջանի 70- ամյա բնակչուհու տուն: Մինչ այդ՝ նա նախ մուրճով թակել է տան դուռ ու պատուհանը, եւ համոզվել, որ տանը ոչ ոք չկա, ինչից հետո կոտրել է նկուղի պատուհանը և ներս է մտել», - ասվում է ՌԴ քննչական կոմիտեի հաղորդագրությունում:

Գողութունը կատարելու ընթացքում տղամարդը որոշել է ճաշել:

Մեղադրյալն սառնարանից հանել է սնունդը, սեղան գցել իր համար և սկսել ճաշել: Քիչ անց սենյակ է մտել տան տիրուհին, ով քնած լինելով չէր լսել ձայները։ Կինը սկսել է ճչալ, հանցագործը վերցրել է մուրճը ու հարձակվել նրա վրա:

Ստացած վնասվածքներից կինը մահացել է, ում դին չարագործը թաքցրել է սառնարանի մեջ ու փախել: Հարազատները կնոջ մահը հայտնաբերել են մի քանի օր անց:

Անմիջապես հարուցվել է քրեական գործ, բայց ենթադրյալ հանցագործի ինքնությունը պարզել են միայն 2019-ի հունվարին եւ նրան ձերբակալել:

Պարզվել է, որ դա տղամարդու կողմից կատարված միակ ծանր հանցագործությունը չէր: Նախկինում նա սպանել է նաեւ համադասարանցուն, ինչի համար պատասխանատվութան է ենթարկվել 2008 թ.-ին: Բացի այդ՝ պարզվել, որ նա առնչություն է ունեցել նաև քաղաքի տարբեր ծայրամասերում կատարված մի շարք գողությունների հետ:
Գողոնը տղամարդը պահել է իր տանից քիչ հեռու գտնվող թաքստոցում: Խուզարկության ժամանակ հայտնաբերվել է բիժուտերիա, գրենական պիտույքներ, հին հագուստ, նոութբուք, գումար, ոսկյա զարդեր, ինչպես նաև Մեծ Հայրենական Պատերազմի վետերանների շքանշաններ:

Մեղադրյալը խոստովանել է սպանությունն ու կատարած գողությունները։ Ներկայումս նա կալանավորված է։

Աղբյուր` Փաստինֆո