Փաստ ինֆո

Երևանի ավագանու արտահերթ ընտրություններին մասնակցության հայտ է ներկայացրել 13 քաղաքական ուժ, ամփոփելով երեկ կուսակցությունների և կուսակցությունների դաշինքների կողմից ներկայացված ցուցակները՝ հրապարակել է ԿԸՀ մամուլի ծառայությունը:

ՀՀ ընտրական օրենսգրքի 128-րդ հոդվածի 4-րդ մասի համաձայն՝ Երևանի ավագանու արտահերթ ընտրությունների դեպքում ընտրություններին մասնակցող կուսակցությունների, կուսակցությունների դաշինքների ընտրական ցուցակների գրանցման համար անհրաժեշտ փաստաթղթերը Կենտրոնական ընտրական հանձնաժողով կարող էին ներկայացվել քվեարկության օրվանից ոչ ուշ, քան 25 օր առաջ՝ մինչև ս.թ օգոստոսի 29-ը՝ ժամը 18.00-ն։

Սահմանված ժամկետում Կենտրոնական ընտրական հանձնաժողով գրանցման համար փաստաթղթեր է ներկայացրել 9 կուսակցություն և կուսակցությունների 4 դաշինք՝

Ռեֆորմիստների կուսակցություն՝ քաղաքապետի թեկնածուն՝ Արտակ Ավետյան
«Ժառանգություն» կուսակցություն, թեկնածուն՝ Արմեն Մարտիրոսյան
«Լույս» կուսակցությունների դաշինք, թեկնածուն՝ Արտակ Զեյնալյան
«Երևանի հանրություն» կուսակցությունների դաշինք, թեկնածուն՝ Անահիտ Թարխանյան
«Բարգավաճ Հայաստան» կուսակցություն, թեկնածուն՝ Նաիրա Զոհրաբյան
«Հայք» (Հայկազուններ) կուսակցություն, թեկանծուն՝ Գևորգ Հովսեփյան
«Հայաստանի ժողովրդավարական ազատական միություն» կուսակցություն, թեկնածուն՝ Գևորգ Սանդալյան
«Երկիր Ծիրանի» կուսակցություն, թեկնածուն՝ Զարուհի Փոստանջյան
«Ժողովրդական Ուղի» կուսակցություն, թեկնածուն՝ Մանուել Գասպարյան 
«Իմ քայլը» կուսակցությունների դաշինք, թեկնածուն՝ Հայկ Մարության
«Օրինաց Երկիր» կուսակցություն, թեկնածուն՝ Մհեր Շահգելդյան 
«Հայ Յեղափոխական» Դաշնակցություն կուսակցություն, թեկնածուն՝ Միքայել Մանուկյան
«Երևանցիներ« կուսակցությունների դաշինք, թեկնածուն՝ Արարատ Զուրաբյան:

ՀՀ ընտրական օրենսգրքի և Կենտրոնական ընտրական հանձնաժողովի կողմից սահմանված ժամանակացույցի համաձայն՝ Երևանի ավագանու արտահերթ ընտրություններին մասնակցող կուսակցությունների, կուսակցությունների դաշինքների ընտրական ցուցակների գրանցումը կիրականացվի մինչև ս.թ. սեպտեմբերի 3-ը:

Աղբյուր` Փաստինֆո