Փաստ ինֆո

Աղիքային վարակիչ հիվանդություններին բնորոշ է սեզոնայնությունը, հետևաբար հիվանդության դեպքերը, ինչպես նաև բռնկումները ավելի հաճախ արձանագրվում են տարվա տաք շրջանում՝ հիմնականում գարնան և ամռան ամիսներին, երբ առկա են նպաստավոր պայմաններ աղիքային վարակների հարուցիչների աճման և բազմացման համար: Այսպես՝ սննդամթերքը բարենպաստ պայմաններում մանրէների աճման և բազմացման համար դառնում է սննդային միջավայր: Ամռանը լավ չլվացված մրգերը և բանջարեղենը, համապատասխան պայմաններում չպահված սննդամթերքը, ոչ ճիշտ պատրաստված ուտեստները ավելի հաճախ են դառնում աղիքային վարակիչ հիվանդությունների առաջացման և տարածման պատճառ:

Վիճակագրություն

Աղիքային վարակիչ հիվանդություններով առավել հաճախ հիվանդանում են երեխաները (ՀՀ-ում աղիքային վարակների ընդհանուր մոտ 70% արձանագրվում է մինչև 6 տարեկանների շրջանում), ծերերը, քրոնիկական հիվանդություններով տառապող անձինք, որոնց իմուն համակարգը թույլ է:

Ի՞նչ է անհրաժեշտ աղիքային վարակիչ հիվանդություններից խուսափելու համար

Մրգերը և բանջարեղենը օգտագործելուց առաջ լավ լվացե՛ք հոսող ջրով,
Սննդամթերքը պահե՛ք փակ տարաներում՝ աղտոտումից խուսափելու համար,
Շուտ փչացող սննդամթերքը պահե՛ք սառնարանում,
Լվացե՛ք ձեռքերը ուտելուց առաջ և զուգարանից օգտվելուց հետո,
Խուսափե՛ք գնել սննդամթերք, որը վաճառվում է դրա համար չնախատեսված վայրերում,
Չօգտագործել կասկածելի ջուր, եթե ձեր բնակության վայրում գրանցվել են խմելու ջրի մատակարարման անջատումներ, ապա ջուրն օգտագործել միայն եռացնելուց հետո
Անհապաղ դիմե՛ք բժշկի՝ աղիքային վարակիչ հիվանդությունների ախտանշանների (ջերմության, նարձրացում, սրտխառնոց, փսխում, ցավ որովանյի շրջանում, լուծ, ընդհանուր թուլություն և այլն) առկայության դեպքում,
Խմելու ջրի համի և գույնի փոփոխություն և նստվածք նկատելիս, ինչպես նաև ջրմուղ-կոյուղու վթարների առաջացման դեպքում, ջուրը մի՛ օգտագործեք կամ օգտագործե՛ք միայն եռացնելուց հետո և անհապաղ ահազանգե՛ք համապատասխան սպասարկող կազմակերպություններին, տեղական կառավարման մարմիններին (ջրմուղ, համայնքապետարաններ, թաղապետարաններ, համատիրություններ)
Ծորակի ջուրը օգտագործել միայն 10-15 րոպե հոսելուց հետո:

Աղբյուր` Փաստինֆո