Փաստ ինֆո

«Armsport.am»-ի հաղորդմամբ` Չեմպիոնների լիգայի խմբային փուլում այսօր կայանալու են E, F, G եւ H խմբերի երկրորդ տուրի հանդիպումները:

E խումբ

«Մոնակո» - «Բայեր»

Մոնակո, «Լուի II» ստադիոն

Սկիզբը՝ 22:45

Առաջին տուրում ֆրանսիական ակումբի հաղթանակը «Տոտենհեմի» նկատմամբ շատերի համար անակնկալ էր: Հաջողությունը ամրապնդելու համար «Մոնակոյին» շատ կօգնի հաղթանակը «Բայերի» հետ խաղում: «Մոնակոյին» չի կարող օգնել թիմի հարձակվող Ռադամել Ֆալկաոն, որը վնասվածի պատճառով հայտավորված չի լինելու խաղին: Լեւերկուզենի «Բայերը» առաջին տուրում ոչ-ոքի էր խաղացել Մոսկվայի ԲԿՄԱ-ի հետ (2:2), թեպետ հանդիպման արդեն 15-րդ րոպեին երկու գնդակի առավելությամբ հաղթում էր մրցակցին: Գերմանական ակումբը Չեմպիոնների լիգայի նախորդ խաղարկության խմբային փուլում՝ հավասար միավորներով փլեյ-օֆում իր տեղ զիջել էր իտալական «Ռոմային»: Երկրորդ տարին անընդմեջ փլեյ-օֆում խաղալու հնարավորությունից չզրկվելու համար «Բայերը» պետք է միավորներ վաստակի նաեւ խմբի մյուս թիմերի հետ խաղերում:

ԲԿՄԱ - «Տոտենհեմ»

Մոսկվա, «ԲԿՄԱ Արենա» ստադիոն

Սկիզբը՝22:45

«Մոնակոյից» կրած պարտությունից հետո լոնդոնյան ակումբը սխալվելու իրավունք այլեւս չունի, հատկապես, խմբի հետնապահ համարվող ԲԿՄԱ-ի հետ խաղում: Պոչետինոյի թիմի կազմում բացակայելու է հարձակվող Հարի Քեյնը, ինչն ավելի է դժվարեցնելու անգլիացիների խնդիրը: Ռուսական թիմը, իր հերթին, փորձելու է վերջ դնել Չեմպիոնների լիգայի խմբային փուլում անհաջողություններին: Վերջին երեք տարիների ընթացքում Լեոնիդ Սլուցկիի թիմը չի կարողացել հաղթահարել խմբային փուլը, իսկ թիմի դարպասապահ Իգոր Ակինֆեեւը դարպասապահների հակառեկորդ է գրանցել՝ բաց թողնելով վերջին 38 խաղերում:

F խումբ

«Բորուսիա» Դ. - «Ռեալ» Մադրիդ

Դորտմունդ, «Սիգնալ Իդունա Պարկ» ստադիոն

Սկիզբը՝ 22:45

Խաղային օրվա, միգուցե նաեւ ամբողջ տուրի կենտրոնական հանդիպումը կայանալու է Դորտմունդի «Սիգնալ Իդունա Պարկ» ստադիոնում: Դորտմունդյան ակումբի լավ մեկնարկը մրցաշրջանում եւ «Արքայական ակումբի» վերջին ոչ-ոքիներն ավելի են սրում առանց այն էլ թեժ մթնոլորտը: «Ռեալը» Չեմպիոնների լիգայում Դորտմունդի «Բորուսիայի» հետ վերջին հինգ արտագնա խաղերում չի կարողացել հաղթել: Բացի այդ, Զիդանի թիմը պետք է ապացուցի, որ Լիսաբոնի «Սպորտինգի» հետ խաղի (2:1) մինչեւ 89-րդ րոպեի պարտությունը պատահականություն էր: «Բորուսիան» հրաշալի վիճակագրություն ունի Չեմպիոնների լիգայի տնային հանդիպումներում: Խմբային փուլի վերջին 9 խաղերում դորտմունդցիները 7 հաղթանակ են տոնել: «Ռեալը» բարդ մրցակից է նույնիսկ սեփական հարկի տակ խաղացող «Բորուսիայի» համար, սակայն դատելով դորտմունդցիների մարզավիճակից, կարելի է փաստել, որ «Բորուսիան» «Ռեալի» հետ մրցավեճում հաղթելու հնարավորություն կունենա:

«Սպորտինգ» - «Լեգիա» Լիսաբոն

«Ժոզե Ալվալադե» ստադիոն

Սկիզբը՝ 22:45

Խմբի մյուս խաղում Լիսաբոնի «Սպորտինգը» ընդունելու է լեհական «Լեգիային»: «Լեգիայի» համար Չեմպիոնների լիգայի խմբային փուլում հայտնվելն արդեն հաջողություն է: Փլեյ-օֆի հույսերը գրեթե անիրական են, սակայն կարելի է փորձել միավորներ կորզել «Սպորտինգի» հետ խաղերում եւ պայքարել Եվրոպա լիգա տեղափոխվելու համար: «Սպորտինգը», իր հերթին, «Ռեալի» հետ խաղում ապացուցեց, որ մարտական է տրամադրված եւ համաձայն չէ խմբի ֆավորիտների՝ անհոգ ապագայի տեսլականին: «Լեգիայի» հետ խաղում հաղթանակը Ժորժե Ժեզուշի թիմին կմոտեցնի Մադրիդի «Ռեալին» եւ «Բորուսիային»:

G խումբ

«Լեսթեր Սիթի» - «Պորտու»

Լեսթեր«Քինգ Փաուեր» ստադիոն

Սկիզբը՝ 22:45

Ամենահավասար եւ անկանխատեսելի համարվող G խմբում Անգլիայի չեմպիոն «Լեսթեր Սիթին» փորձելու է զարգացնել առաջին տուրի հաջողությունը «Պորտուի» հետ խաղում: «Բրյուգեն» Եվրոպայի ամենաուժեղ թիմը չէ, սակայն «Լեսթեր Սիթիի» վստահ հաղթանակը (3:0) ցույց տվեց, որ անգլիացիները հոգեբանորեն նույնպես պատրաստ են Չեմպիոնների լիգային: Դժվար է ասել, թե Ռանյերիի ֆուտբոլիստներին հաջորդ անգամ երբ կհաջողվի խաղալ ֆուտբոլային կարեւորագույն ակումբային մրցաշարում, ուստի Վարդին եւ ընկերները պետք է առավելագույնը քաղեն հենց այս տարվա մրցաշարից: «Պորտուն», միգուցե նույնքան զորեղ չէ, որքան նախորդ տարի, սակայն պորտուգալական ակումբը միավորներ բաժանող թիմերից չէ:

«Կոպենհագեն» - «Բրյուգե» Կոպենհագեն

«Տելա Պարկեն» ստադիոն

Սկիզբը՝ 22:45

«Կոպենհագեն» - «Բրյուգե» զույգում դժվար է նախապատվությունը տալ թիմերից որեւէ մեկին: Մի բան հստակ է, G խմբում ֆավորիտներ չկան եւ երկու թիմներն էլ խաղալու են հաղթանակի համար:

H խումբ

«Դինամո» Զ. - «Յուվենտուս»

Զագրեբ, «Մաքսիմիր» ստադիոն

Սկիզբը՝ 22:45

Խմբային փուլի առաջին տուրում «Յուվենտուսի» գոլազուրկ ոչ-ոքին «Սեւիլյայի» հետ խաղում ինչ-որ չափով անակնկալ էր, թեեւ իսպանական ակումբը եւս նորեկ չէ եվրոպական ակումբային ֆուտբոլում: Այդուհանդերձ, խմբի ակնհայտ ետնապահ՝ Զագրեբի «Դինամոյի» հետ խաղում Մասիմիլիանո Ալեգրիի թիմից միայն տպավորիչ հաղթանակ են սպասում: 

«Սեւիլյա»- «Օլիմպիկ»

Լ. Սեւիլյա, «Ռամոն Սանչես Պիսխուան» ստադիոն

Սկիզբը՝ 22:45 Լիոնի

«Օլիմպիկը» հաջող չի սկսել պայքարը երկրի առաջնությունում, իսկ Զագրեբի «Դինամոյի» նկատմամբ տոնած հաղթանակն (3:0) առայժմ լուրջ հայտ չէ փլեյ-օֆի ուղեգրի պայքարում: Ֆրանսիացիների իրական ուժը կերեւա «Սեւիլյայի» հետ խաղում, որը լիոնցիների հետ խաղին մոտենում է Լա լիգայում՝ Բիլբաոյի «Աթլետիկից» կրած պարտությունից հետո (1:3):

Աղբյուր` Փաստինֆո