«Թորգոմիչ, արի վճիռդ փոխի, գործով ձայնագրություն կա, ԱԱԾ-ն տեղյակ է». Դատախազը՝ դատավորին - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 18:49 Ուժեղ կարկտահարություն՝ Արմավիրում 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 21:24 Արցախցի երիտասարդները միացել են Սրբազանի քայլերթին. ծածանվում են Հայաստանի ու Արցախի դրոշները, վարորդները ողջունում ազդանշաններով (տեսանյութ) 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/05/2024 19:49 Ցանկանում են առանց ընտրությունների իշխանություն վերցնել. Արսեն Թորոսյան 05/05/2024 22:13 Փաշինյանի աշխատակազմի ղեկավարի տեղակալի Facebook-ի էջի ետնանկարում Իլհամ Ալիևին պատկանող հյուրանոցի լուսանկարն է. Ղազարյան 05/05/2024 14:48 Եթե ինձ բարձրացնեք կղզի, ես արարողությունը կանեմ, այդ հոգևորականը Բագրատ Սրբազանն էր». Չարխչյան 05/05/2024 20:44 Երևանում՝ դաշտամիջյան հատվածում, ծառից կախված հայտնաբերվել է տղամարդու մարմին 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան

«Թորգոմիչ, արի վճիռդ փոխի, գործով ձայնագրություն կա, ԱԱԾ-ն տեղյակ է». Դատախազը՝ դատավորին 02/01/2016 15:38 | Դատական ռեպորտաժներ

Խոշոր չափերով խարդախության փորձի մեջ մեղադրվող Էրեբունի և Նուբարաշեն վարչական շրջանների ընդհանուր իրավասության դատարանի դատավոր Վլադիմիր Գրիգորյանի օգնական Արմինե Կարապետյանի գործով այսօրվա նիստում պաշտպանական կողմի միջնորդությամբ հարցաքննվեց փաստաբան Գրիգոր Քալաշյանը:

Հիշեցնենք, որ Գրիգոր Քալաշյանը եղել է այս գործով տուժող Ալինա Հովհաննիսյանի որդու գործով պաշտպանը:

Փաստաբան Քալաշյանի խոսքով՝ տուժող Ալինան իր որդու գործով զանգահարել է և խնդրել, որ դատարանում իրականացնի որդու պաշտպանությունը, միևնույն ժամանակ նաև հայտնել է, թե ցանկանում են որպեսզի գործը քննվի արագացված ընթացակարգով:

Փաստաբանը նշեց, որ նախ ինքը հարցրել է՝ տուժողին պատճառված վնասն ամբողջությամբ հատուցել են, թե ոչ, ապա լսելով, որ հատուցել են և ցանկանում են արագացված դատաքննություն կարգ կիրառվի, խորհուրդ է տվել հանրային պաշտպանի գրասենյակ դիմեն:

Սակայն Ալինան չի համաձայնել ու պնդել է, որ Քալաշյանը իրականացնի որդու շահերը և քանի որ, ըստ փաստաբանի, Ալինան ասել է, որ որդին գլխի հետ կապված առողջական խնդիրներ ունի և ֆինանսապես էլ ապահովված չի, փաստաբանն իր մատուցվելիք ծառայությունների համար գումար չի ցանկացել, ասել է՝ «ինչ կտաս տուր»:

Ըստ նրա՝ Ալինան էլ տվել է 20 000 ՀՀ դրամ:

Իսկ երբ այդ գործով հրապարակվել է դատավճիռը և Ալինայի որդին, խարդախության մեջ մեղավոր ճանաչվելով, դատապարտվել է ազատազրկման, այդ ժամանակ դատարանում իրարանցում է սկսվել՝ «ղալմաղալ էր, կնիկները դատախազ Ափինյանի հետ վիճում էին»,- ասաց փաստաբան Քալաշյանը, իսկ թե ինչի էին վիճում փաստաբանը չէր հիշում:

Ըստ վկա փաստաբանի՝ այդ վիճաբանության մեջ դատախազ Ափինյանը մոտեցել է իրեն, ձեռքից քաշել և ասել, որ «գնա մտի դատավորի մոտ ու ասա վճիռը փոխի», ի պատասխան որի փաստաբանն էլ ասել է «խելառ ես ինչ ես, ինչի՞ ես էտ ով եմ, որ մտնեմ դատավորին ըտենց բան ասեմ»:

Նշենք նաև, որ դատավորի օգնականի կողմից կաշառ ուզելու և գումարի չափի մասին հարցերին փաստաբանը խուսափողական պատասխաններ տվեց, ասելով «Ալինան իրեն կարող է շատ բան է ասել, այդ մասին ինքը հո դատարանում ինքը չի ասելու»:

Սակայն մինչև դատավճռի հրապարակում, ըստ փաստաբան Քալաշյանի տուժողի որդու գործով դատավոր Վլադիմիր Գրիգորյանը իրեն տեսնելով ասել է, որ հազար ու մի կեղտոտ մարդիկ կան ովքեր կարող է իր անունից գան ու փող առաջարկեն, խորհուրդ տալով փաստաբանի նմանատիպ գործարքների մեջ չմտնել:

Տուժող Ալինային վրդովվեցնում էր փաստաբանի ցուցմունքները, նա հայտարարեց, որ փաստաբանը ստում է և որ նրան տվել է 60 000 ՀՀ դրամ, ապա երբ զանգահարել է նրան, փաստաբանը հարցրել է, թե ով է տվել իր համար, ի պատասխան որի Ալինան ասել, թե դատավոր Վլադիմիր Գրիգորյանի օգնական Արմինե Կարապետյանը: Փաստաբանն էլ պատասխանել է, «թե նրանք գիտեն ինչ են անում»:

Հաջորդիվ ևս պաշտպանական կողմի միջնորդությամբ հարցաքննվեց վկա Ոստիկանության Էրեբունի վարչական շրջանի ավագ օպերլիազոր Հովհաննես Դավթյանը, ով դատարանում դժվարությամբ որ հիշում դեպքի մանրամասները:

Նա հայտնեց, որ դատավճռի հրապարակման օրը իր գործընկերոջ հետ գնացել են Էրեբունի դատարան ամբաստանյալին կալանքի վերցնելու և բանտ տեղափոխելու:

Եվ քանի որ վկան չէր հիշում դեպքի մանրամասները պաշտպանական կողմի միջնորդությամբ հրապարկվեց նրա նախաքննական ցուցմունքը, որը հրապարակման ավարտին վկան նաև պնդեց:

Ըստ նրա նախաքննական ցուցմունքի՝ ինքը գործընկերոջ հետ վերադասի հանձնարարականով գնացել է դատարան: Վկայի ցուցմունքի համաձայն՝ վճռի հրապարակումից հետո ամբաստանյալի հարազատները՝ կանայք բղավել են, և միայն ամեն բան հանդարտվելուց հետո օպերլիազորը մտել է դատավորի աշխատասենյակ կալանավորի փաստաթղթերի ստանալու, այդ ժամանակ այնտեղ եղել են դատավոր Վլադիմիր Գրիգորյանը նրա օգնական Արմինե Կարապետյանը, ապա նաև եկել է մեղադրող դատախազ Ավետիս Ափյանը:

Դատավորի աշխատասենյակում եղել են 4-ով և ըստ այդ ցուցմունքի՝ դատավորը և դատախազը տաքացած զրուցել են, սակայն խոսակցության բովանդակությունը օպերլիազորը չի հիշել, քանի որ փաստաթղթեր է լրացրել:

Սակայն այդ ցուցմունքի համաձայն՝ դատախազն ասել է «Թորգոմիչ արի վճիռդ փոխի, գործով ձայնագրություն կա, ԱԱԾ-ն տեղյակ է», ի պատասխան դատավորը դատախազին ասել է, թե «դու քո առողջ բանականությունը կորցրել ես և որ իրեն չանհանգստացնեն»:

Հիշեցնենք, որ նախորդ դատական նիստին երբ հարցաքննվում էր դատախազ Ափինյանը վերջինս ընդհանրապես հերքեց, որ ինքը դատավճռի հրապարակումից հետո գնացել է դատավորի աշխատասենյակ և նրա հետ զրուցել:

Նշենք նաև, որ դատավորի օգնականի գործով 3 վկաների նկատմամբ բերման որոշում էր կայացվել և այսօր դատարանը կողմերին տեղեկացրեց, որ ոստիկանությունից համապատասխան գրություն են ստացել, այն մասին, որ բերման ենթարկված վկաները Հայաստանից բացակայում են:

Որոշում կայացվեց հրապարկվեց նրանց նախաքննական ցուցմունքները:

Այդ վկաների մեջ էր նաև այս գործով տուժող Ալինայի որդին, ում գործից էլ սկիզբ է առել դատավորի օգնականի գործը:

Տուժողի որդին իր նախաքննական ցուցմունքում հայտնել էր, որ իր գործով, երբ դատախազությունից կանչել են ու գնացել է մեղադրական եզրակացությունը ստանալու, իր հարցին, թե իրեն խիստ են դատելու դատախազ Ափինյանը պատասխանել է, որ տուգանք է միջնորդելու, նշելով անգամ տուգանքի չափը՝ 500 000 ՀՀ դրամ:

Ի դեպք ճիշտ այնքան որքան դատախազը միջնորդել է հետագայում այդ գործով մեղադրական ճառը հրապարակելիս:

Ալինայի որդին հետագայում մորից տեղեկացել է, որ իր գործով՝ դատավորի օգնական Արմինե Կարապետյանը մորից 1500 ԱՄՆ դոլար կաշառք է պահանջել, որպեսզի իրեն չկալանավորեն:

Ինչ վերաբերում է իրեն, ապա տղան հայտնել է, որ որևէ մեկը իրենց անձամբ գումար չի պահանջել ազատազրկման հետ կապ չունեցող պատիժ չնշանակելու համար:

Հրապարակված ցուցմունքից հետո պաշտպանական կողմը դատարանի ուշադրությունը հրավիրեց այն հանգամանքի վրա, որ տուժողի որդին իր նախաքննական ցուցմունքում հայտնել է, որ դատախազ Ափինյանը իրեն ասել, որ տուգանք է միջնորդելու՝ նշելով նաև գումարի չափը: