Ըստ «Դատալեքս»-ի՝ Պերմյակովի դեմ գործը կքննվի արտագնա նիստում՝ զորամասում - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/10/2024 14:50 Որ համալսարաններն են միացել Սրբազանի կոչին ու դասադուլ հայտարարել 05/09/2024 10:57 Ճանապարհ փակելը լավ բան չէ․ Հակոբ Արշակյան 05/09/2024 20:00 Նիկոլ Փաշինյանի մամուլի խոսնակն արձագանքել է Սրբազանի պահանջին՝ հրապարակելով Փաշինյանի լուսանկարը 05/10/2024 10:33 Հրատապ. փակ է Երեւանի մուտքը՝ Արարատի մարզից (տեսանյութ) 05/09/2024 19:58 Քպականները արձագանքում են հրաժարականի պահանջին 05/09/2024 21:41 Հավես չունեմ ամիսներով փողոցներում պտտելու, 7-10 օր. Սրբազան (տեսանյութ) 05/09/2024 21:55 ՔԿ-ն շտապում է կատարել հրահանգը. օրակարգում Սրբազանին մեկուսացնելն է 05/10/2024 13:14 Դավիթ Գյուրջինյանի ղեկավարած համալսարանի՝ Բրյուսովի, դռները փակված են Բագրատ Սրբազանի և դասախոսների առջև 05/10/2024 17:24 Սահմանային սյուների տեղադրումն ավարտվում է. Բայրամով 05/10/2024 11:32 Սրբազանը մայր բուհում է. նրան դիմավորեցին ծափերով 05/09/2024 20:42 Առաջիկա մեկ ժամվա ընթացքում վարչապետը չի երկխոսելու Բագրատ սրբազանի հետ. Ալեքսանյան. «Ազատություն» 05/10/2024 00:04 Հանրապետության մի շարք հասցեներում կդադարեցվի ջրամատակարարումը 05/09/2024 20:11 Նիկոլ Փաշինյանի ընտանեկան թերթը հայտնում է հնարավոր ձերբակալությունների մասին 05/10/2024 08:16 Բագրատ սրբազանի դեմ վարույթ են սկսել․ «Հրապարակ» 05/10/2024 15:03 Հոգևորական Վազգեն Գալստանյանը վարչապետին հրավիրեց իր մոտ, նման բան չէինք լսել. Անդրանիկ Քոչարյան 05/09/2024 14:48 Սրբազանը գնդակ է խաղում՝ իրեն միացող երեխաների հետ 05/09/2024 23:59 Ոչ Քոչարյանի մոտ եմ, ոչ Սերժ Սարգսյանի. ոչ էլ Լեւոն Տեր-Պետրոսյանի, Սրբազանը հայտնել է, որ ոտքերը վնասվել են 05/09/2024 11:59 Բագրատ Սրբազանի առաջնորդությամբ երթն Աբովյանից շարժվում է դեպի Երևան․ երթի առջևից քայլում են 44-օրյա պատերազմի մասնակիցներ՝ զոհված ընկերների նկարներով շապիկներով 05/09/2024 18:41 Նիկոլ Փաշինյան, մեկ ժամ ժամանակ ունես՝ հրաժարական ներկայացնելու համար․ Բագրատ Սրբազան 05/10/2024 07:40 Հետևելով ՔՊ-ականի կոչին` տվյալներ հավաքեցինք` չգրանցված մարզիչ կնոջ մասին. «Ժողովուրդ»

Ըստ «Դատալեքս»-ի՝ Պերմյակովի դեմ գործը կքննվի արտագնա նիստում՝ զորամասում 12/10/2015 11:05 | ՀՐԱՏԱՊ ԹԵՄԱ

Գյումրիում Ավետիսյանների ընտանիքի բոլոր անդամների դաժան սպանության գործով առաջին դատական նիստը տեղի կունենա 2015թ. դեկտեմբերի 18-ին՝ ժամը 12:00-ին։

Ինչպես այսօր տեղեկանում ենք «Դատալեքս» տեղեկատվական համակարգից, գործով նախագահող դատավոր Հարություն Մովսեսյանի կողմից գործով դատական քննություն նշանակելու մասին որոշումը կայացվել է երեկ՝ դեկտեմբերի 9-ին:

Ըստ որոշման, դատական քննությունն պետք է անցկացվի արտագնա դատական նիստում ՌԴ 102-րդ ռազմաբազայի N զորամասում, հասցե՝ ք.Գյումրի Մեծ Բերդ:

Հիշեցնենք, որ գործով մեղադրյալը ՌԴ քաղաքացի, Գյումրիում տեղակայված 102-րդ ռազմաբազայի զինծառայող Վալերի Պերմյակովն է, ով մեղադրվում է ՀՀ քրեական օրենսգրքի 104-րդ հոդվածի 2-րդ մասի 1-ին, 5-րդ և 8-րդ կետերով՝ առանձին դաժանությամբ, ավազակությամբ զուգորդված երկու կամ ավելի անձանց սպանություն, 175-րդ հոդվածի 2-րդ մասին 3-րդ և 4-րդ կետերով՝ բնակարան ապօրինի մուտք գործելով, զենքի գործադրմամբ ավազակություն, և 34-329-րդ հոդվածի 1-ին մասով՝ պետական սահմանն ապօրինի հատելու փորձ:

Դատական քննություն նշանակելու որոշման նշվում է, որ Քաղաքացիական, ընտանեկան և քրեական գործերով իրավական օգնության և իրավական հարաբերությունների մասին 1993 թվականի հունվարի 22-ի Մինսկի կոնվենցիայի 77-րդ հոդվածի համաձայն «Մեկ կամ մի խումբ անձանց մի քանի այնպիսի հանցագործությունների կատարման մեջ մեղադրելիս, որոնց վերաբերյալ գործերն ընդդատյա են երկու կամ ավելի Պայմանավորվող կողմերի դատարաններին, դրանք քննելու համար իրավասու է այն Պայմանավորվող կողմի դատարանը, որի տարածքում ավարտվել է նախնական քննությունը: Նման դեպքում գործը քննվում է այդ Պայմանավորվող կողմի դատավարական կանոններով»:

Ռուսաստանի Դաշնության և Հայաստանի Հանրապետության միջև կնքված 1997 թվականի օգոստոսի 29-ի` Հայաստանի Հանրապետության տարածքում ռուսաստանյան ռազմակայանի գտնվելու հետ կապված գործերով իրավազորության և փոխադարձ իրավական օգնության հարցերով համաձայնագրի (այսուհետ նաև` Համաձայնագիր) 4-րդ հոդվածը սահմանում է, որ` «Ռուսաստանյան ռազմակայանի կազմի մեջ մտնող անձանց (…) կողմից Հայաստանի Հանրապետության տարածքում կատարված հանցագործություններով (…) կիրառվում է Հայաստանի Հանրապետության օրենսդրությունը, գործում են նրա իրավասու մարմինները»:

Վերոնշյալ միջպետական փաստաթղթերում առկա իրավական կարգավորումների հիման վրա՝ քրեական գործն ըստ մեղադրանքի՝ Վալերի Պավելի Պերմյակովի վերաբերյալ ՀՀ քրեական օրենսգրքի 104-րդ հոդվածի 2-րդ մասի 1-ին, 5-րդ, 8-րդ կետերով, ՀՀ քրեական օրենսգրքի 175-րդ հոդվածի 2-րդ մասի 3-րդ, 4-րդ կետերով և ՀՀ քրեական օրենսգրքի 34-329-րդ հոդվածի 1-ին մասով, ընդդատյա է Շիրակի մարզի ընդհանուր իրավասության առաջին ատյանի դատարանին։

Որոշման մեջ նշվում է նաև, որ ՀՀ քրեական դատավարության օրենսգրքի 41-րդ հոդվածի 3-րդ մասի համաձայն, գործը քննող դատավորի որոշմամբ կարող է անցկացվել արտագնա դատական նիստ, եթե դա բխում է արդարադատության արդյունավետության շահերից։

Նշվում է, որ գործով ամբաստանյալը՝ ՌԴ քաղաքացի Վալերի Պերմյակովը, ծառայել է ՀՀ-ում տեղակայված ՌԴ 102-րդ ռազմաբազայի N զորամասի տանկային գումարտակի 1-ին տանկային վաշտում՝ որպես ժամկետային զինծառայող, 12.08.2015թ. ՌԴ 5-րդ կայազորային զինվորական դատարանի դատավճռով ՌԴ քրեական օրենսգրքի 338-րդ հոդվածի 2-րդ մասով և ՌԴ քրեական օրենսգրքի 226 հոդվածի 3-րդ մասի «գ» կետով, ՌԴ քրեական օրենսգրքի 222-րդ հոդվածի 1-ին մասով (խոսքը դասալքության, զենք հափշտակելու, ապօրինի զենք կրելու մասին է) դատապարտվել է 10 տարվա ազատազրկման և պատիժը կրում է զորամասի կայազորային կալանատանը։

ՀՀ քրեական դատավարության օրենսգրքի 41-րդ հոդվածի 3-րդ մասի համատեքստում զնահատելով այն հանգամանքը, որ ամբաստանյալը ՌԴ կայազորային զինվորական դատարանի դատավճռով ազատազրկման է դատապարտվել և պատիժ է կրում ՌԴ կայազորային կալանատանը, գործով նախագահող դատավորը գտել է, որ սույն գործով արտագնա դատական նիստ անցկացնելու պարագայում հնարավոր է արդյունավետ կերպով ապահովել ամբաստանյալի մասնակցությունր դատական նիստերին և այդպիսով երաշխավորել նրա արդար դատաքննության իրավունքի իրացումը։ Այլ խոսքով՝ սույն գործով արտագնա դատական նիստի անցկացումը բխում է արդարադատության արդյունավետության շահերից և անձի արդար դատաքննության իրավունքի արդյունավետ իրացման երաշխիք է ստեղծում։

Քրեական գործի նյութերում բացակայում են քրեական վարույթր կարճելու կամ կասեցնելու հիմքերր։

Գործով մինչդատական վարույթում թույլ տրված քրեադատավարական օրենքի էական խախտումներ առերևույթ առկա չեն։

Դատավորի ինքնաբացարկի հիմքեր չկան, դատավարության մասնակիցները միջնորդություններ, բացարկներ և այլ հայտարարություններ չեն ներկայացրել։

Նախաքննության ընթացքում Պերմյակովի պաշտպանությունն իրականացրել են փաստաբաններ Հայկ Իսրայելյանն ու Արմեն Պողոսյանը:

Գործով մեղադրողը ՀՀ գլխավոր դատախազության ՀԿԳ քննության վարչության ավագ դատախազ Գևորգ Գևորգյանն է: