Պրոբացիոն ծառայության ներդրման համար հարկ է փոխել մտածելակերպը

ԲՈԼՈՐ ՆՅՈՒԹԵՐԸ

Բոլորը

05/09/2024 10:57 Ճանապարհ փակելը լավ բան չէ․ Հակոբ Արշակյան 05/10/2024 14:50 Որ համալսարաններն են միացել Սրբազանի կոչին ու դասադուլ հայտարարել 05/09/2024 20:00 Նիկոլ Փաշինյանի մամուլի խոսնակն արձագանքել է Սրբազանի պահանջին՝ հրապարակելով Փաշինյանի լուսանկարը 05/10/2024 10:33 Հրատապ. փակ է Երեւանի մուտքը՝ Արարատի մարզից (տեսանյութ) 05/09/2024 19:58 Քպականները արձագանքում են հրաժարականի պահանջին 05/08/2024 18:56 Շիրակի հոգևորականների առաջնորդությամբ երթը միացավ Բագրատ Սրբազանի նախաձեռնած երթին 05/09/2024 21:41 Հավես չունեմ ամիսներով փողոցներում պտտելու, 7-10 օր. Սրբազան (տեսանյութ) 05/09/2024 21:55 ՔԿ-ն շտապում է կատարել հրահանգը. օրակարգում Սրբազանին մեկուսացնելն է 05/10/2024 11:32 Սրբազանը մայր բուհում է. նրան դիմավորեցին ծափերով 05/09/2024 20:42 Առաջիկա մեկ ժամվա ընթացքում վարչապետը չի երկխոսելու Բագրատ սրբազանի հետ. Ալեքսանյան. «Ազատություն» 05/10/2024 13:14 Դավիթ Գյուրջինյանի ղեկավարած համալսարանի՝ Բրյուսովի, դռները փակված են Բագրատ Սրբազանի և դասախոսների առջև 05/09/2024 20:11 Նիկոլ Փաշինյանի ընտանեկան թերթը հայտնում է հնարավոր ձերբակալությունների մասին 05/10/2024 00:04 Հանրապետության մի շարք հասցեներում կդադարեցվի ջրամատակարարումը 05/08/2024 17:57 Արցախցիները հավաքվել են Աբովյան քաղաքի կամրջի մոտ՝ միանալու Սրբազանի քայլերթին 05/10/2024 08:16 Բագրատ սրբազանի դեմ վարույթ են սկսել․ «Հրապարակ» 05/09/2024 14:48 Սրբազանը գնդակ է խաղում՝ իրեն միացող երեխաների հետ 05/09/2024 18:41 Նիկոլ Փաշինյան, մեկ ժամ ժամանակ ունես՝ հրաժարական ներկայացնելու համար․ Բագրատ Սրբազան 05/09/2024 11:59 Բագրատ Սրբազանի առաջնորդությամբ երթն Աբովյանից շարժվում է դեպի Երևան․ երթի առջևից քայլում են 44-օրյա պատերազմի մասնակիցներ՝ զոհված ընկերների նկարներով շապիկներով 05/10/2024 07:40 Հետևելով ՔՊ-ականի կոչին` տվյալներ հավաքեցինք` չգրանցված մարզիչ կնոջ մասին. «Ժողովուրդ» 05/10/2024 08:07 Հողերը բարեհաջող հանձնելու դիմաց՝ գեներալի կոչում են խոստացել․«Հրապարակ»

Պրոբացիոն ծառայության ներդրման համար հարկ է փոխել մտածելակերպը 03/02/2015 11:15 | ԼՐԱՀՈՍ

ՀՀ-ում պրոբացիոն ծառայության ներդրման հիմնական խնդիրը ոլորտի մասնագետները և հենց իրենք` աշխատանքային խմբի անդամները, համարում են կարծրացած մտածողությունը:

Որպեսզի մեր երկրում սկսի լիարժեք գործել եվրոպական ստանդարտներին համապատասխան պրոբացիոն համակարգը, դրա համար նախ պետք է փոխվի հասարակության ու ոլորտի աշխատողների մտածելակերպը: Ի դեպ պրոբացիոն ծառայությունը նախատեսվում է ներդնել մինչև 2016թ-ը։ (ՀՀ արդարադատության փոխնախարարի հարցազրույցը՝ այստեղ)

Ինչպես նշեց ծրագրի ղեկավար, ԵԽ երևանյան գրասենյակի ներկայացուցիչ Հայկ Խեմչյանը, այս տարի, ապրիլ ամսին նախատեսվում է կազմակերպել պրոբացիոն ծառայության փորձնական փուլի անձնակազմի համար առաջին վերապատրաստման դասընթացը:

ՀՀ երկու մարզերում գործարկվելիք այս պիլոտային կառույցների անձնակազմը հիմնականում համալրված է լինելու այլընտրանքային պատիժների կատարման ստորաբաժանման աշխատակիցներով:

«Բայց հնարավորության դեպքում կփորձենք նաև ներգրավել այլ մասնագիտությունների տեր անձանց`սոցիալական աշխատողների, հոգեբանների»,- ասաց Հայկ Խեմչյանը:

«Այլընտրանքային պատիժների կատարման բաժինը, որքան էլ կատարում է իր ֆունկցիաները, այն մեծապես տարբերվում է պրոբացիոն համակարգից: Թեև որոշակի մտածելակերպի փոփոխությունն ակնհայտ է,- ասաց Այլընտրանքային պատիժների կիրառման բաժնի պետ Լևոն Ավետիսյանը,- մեր ծառայությունում աշխատողների և ՔԿ հիմնարկում աշխատողների մտածելակերպն արդեն իսկ տարբեր է, որովհետև այս մարդիկ չեն աշխատում այն ներքին կանոնակարգով, որը կա ՔԿՀ-ներում, կոպիտ ասած` այդ ռեժիմային գոտու, պահպանվող տարածքի կանոնակարգով: Այսինքն` արդեն ավելի ազատ գոտի է: Եվ այս նորամուծությունը սահուն կերպով կարող են անել: Այս աշխատողների առավելությունը լինելու է այն, որ նրանք արդեն իսկ ունեն որոշակի ձևավորված փորձ` աշխատելու դատապարտված անձանց հետ: Բայց ֆունկցիաները լինելու են լիովին տարբեր»:

Եվ, այդուհանդերձ, Լևոն Ավետիսյանը փաստեց, որ պրոբացիոն ծառայության պիլոտային ծրագրում ներգրավվելուց առաջ անգամ այս մարմնի աշխատակիցներին անհրաժեշտ կլինի վերապատրաստվել:

Այն, որ կա մտածելակերպի արմատական փոփոխության կարիք, չհերքեց նաև արդարադատության փոխնախարար Սուրեն Քրմոյանը:

«Անկեղծ ասած, մեզ համար էլ է դժվար: Օրինակ, գալիս է մարդասպանի հարազատը, ասում է` իմ հարազատին ինչո՞ւ չեք պայմանական վաղաժամկետ ազատում: Եթե դու կարդում ես այդ գործը, վերհիշում ես այդ մարդու կատարած հանցանքը, օրինակ`մի քանի հոգու դիտավորյալ սպանություն»,- ասաց փոխնախարարը` խոստովանելով, որ հոգեբանորն դժվար է լինում համակերպվել այն մտքի հետ, որ այդ մարդը կարող է հայտնվել ազատության մեջ: «Բայց պետք է փոխենք, երևի մեր մտածելակերպը»,- հավելեց Սուրեն Քրմոյանը:

«Հարկ է ավելի շատ այլընտրանքային խափանման միջոցների ու այլընտրանքային պատժատեսակների ընտրությունն ակտիվացնել` այդ թվում նաև գործող օրենսդրության պայմաններում,- առաջարկեց փոխնախարարը,- այսօր գրավն ավելի քիչ է կիրառվում, կամ դեպքեր կան, երբ կալանավորումը կարող է չընտրվել խափանման միջոց, բայց ընտրվում է»:

Լևոն Ավետիսյանն էլ կարծիք հայտնեց, որ իր դիտարկմամբ, ՀՀ-ում պատիժը պայմանականորեն չկիրառելու, պատժից պայմանական վաղաժամկետ ազատելու և պատժի հետաձգման ինստիտուտներից, որոնց նկատմամբ իրենց ստորաբաժանումը վերահսկողություն է իրականացնում, «որոշակի քանակով կատարվում են միայն ազատազրկման հետ չկապված պատիժները»:

«Ուղղակի մի տրամաբանություն է գործում. Երբ որ խափանման միջոց է ընտրվում կալանավորումը, հետագայում դատապարտումը արդեն տրվում է ազատազրկում: Այսինքն խնդիր ենք ունենում հենց սկզբից, երբ որ ընտրվում է խափանման միջոցը,- ասաց Լևոն Ավետիսյանը` հավելելով,- Էլեկտրոնային մոնիթորինգի ինստիտուտը Հայաստանում ներդնելուց հետո կունենանք որոշակի չափով նաև քրեակատարողական հիմնարկների գերբնակեցման նվազեցում»:

Իսկ արդարադատության փոխնախարար Սուրեն Քրմոյանի կարծիքով էլ մտածելակերպի փոփոխությունը կարող է իրականացվել համակարգի աշխատակիցների կրթական ու վերապատրաստման ծրագրերի միջոցով, այդ թվում` ծրագրի գործընկեր արտասահմանյան երկրներում:

«Որպեսզի դատավորը շփվի դատավորի, դատախազը` դատախազի հետ, և փորձի փոխանակման արդյունքում տեղում հասկանա, թե ինչում է խնդիրը»,- ասաց նա:

Մի բանում, սակայն, բանախոսները լիաովին միակարծիք են. մտածելակերպի փոփոխության հիմնական պայմանը օրենսդրության բարեփոխումն է:

Հիշեցնենք, որ ծրագրի ժամանակացույցով նախատեսված է օրենսդրական փոփոխությունների ամբողջական փաթեթը մարտ ամսվա կեսերին դնել շրջանառության մեջ, ներկայացնել կառավարություն, իսկ ապրիլ ամսին արդեն ներկայացնել ԱԺ քննարկմանը:

Իսկ Պրոբացիոն ծառայության ներդրումը ՀՀ-ում նախանշված է մինչև 2016թ-ը: