Գերմանիայի կողմից արտահանձնված Սահակ Նիկողոսյանն ազատ կարձակվի՝ գրավի դիմաց

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 18:49 Ուժեղ կարկտահարություն՝ Արմավիրում 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել 05/05/2024 14:48 Եթե ինձ բարձրացնեք կղզի, ես արարողությունը կանեմ, այդ հոգևորականը Բագրատ Սրբազանն էր». Չարխչյան

Գերմանիայի կողմից արտահանձնված Սահակ Նիկողոսյանն ազատ կարձակվի՝ գրավի դիմաց 12/24/2014 09:00 | Քրեական խրոնիկոն

32-ամյա Սահակ Նիկողոսյանը Գերմանիայի կողմից արտահանձնվել է Հայաստանին՝ թեև Գերմանիայի համապատասխան դատարանը թույլ է տվել արտահանձնում միայն մեկ դրվագով, սակայն Հայաստանում նրան մեղադրանք է առաջադրվել 13 դրվագով:

Ըստ այդ մեղադրանքի՝ նա «ուրիշի առանձնապես խոշոր չափի գույք խարդախությամբ հափշտակելու միասնական հանցավոր դիտավորությամբ, 2008-2010թթ. ընթացքում խաբեությամբ և վստահությունը չարաշահելու եղանակով հափշտակել է մի շարք քաղաքացիներին պատկանող ընդհանուր 49.209.592 ՀՀ դրամին համարժեք գումար»:

Մեղադրողն միջնորդեց մեկ ամիս ժամանակով հետաձգել դատական նիստը. ՀՀ գլխավոր դատախազության միջազգային իրավական կապերի բաժինը հարցումներ է ուղարկել ՀՀ ԱԳՆ հյուպատոսական վարչությանը և ՀՀ ոստիկանության Ինտերպոլի ազգային կենտրոնական բյուրոյին՝ ակնկալելով նրանց միջոցով ճշտելու, թե Գերմանիայի իրավասու մարմինները, թույլ տալով արտահանձնել մեկ դրվագով, բավարարե՞լ են միջնորդությունն ամբողջությամբ, թե՝ մասնակի:

Մեղադրողը հայտնեց, որ ՀՀ գլխավոր դատախազությունը մինչև օրս պատասխան չի ստացել: Մեղադրողը հայտնեց, որ Հայաստանի հիշյալ երկու մարմիններն արդեն հարցումները ուղարկել են:

Մինչ դատարանի կողմից հիշյալ միջնորդության բավարարումը՝ պաշտպանական կողմն իր հերթին միջնորդեց փոխել ամբաստանյալի խափանման միջոց կալանավորումը՝ չհեռանալու ստորագրության կամ գրավի դիմաց ազատ արձակել:

Պաշտպանական կողմը միջնորդությունն արեց՝ հաշվի առնելով, որ անորոշ է, թե երբ կստացվի հարցումների պատասխանը: «Կարող ենք մեկ տարի ևս սպասել»,- ասաց պաշտպանը:

Դատարանը՝ դատավոր Մեսրոպ Մակյանի նախագահությամբ, բավարարեց պաշտպանական կողմի միջնորդությունը. սահմանեց գրավի չափը՝ մեկ մլն դրամ: Հենց որ դատարանին ներկայացվի ապացույց առ այն, որ գումարը փոխանցվել է դատարանի դեպոզիտ հաշվին, ամբաստանյալն անհապաղ ազատ կարձակվի՝ գրավի դիմաց:

Նշենք, որ Սահակ Նիկողոսյանը համարյա երկու տարի գտնվում է ճաղերի հետևում:

«Փաստինֆո»-ի թղթակցի հետ զրույցում Սահակ Նիկողոսյանի պաշտպան Տիգրան Աթանեսյանը հայտնեց, որ պաշտպանական կողմին հաջողվել է ձեռք բերել Գերմանիայի դատարանի դատական ակտի բնօրինակը՝ ապոստիլով վավերացված՝ արտահանձնումը թույլ տալու մասին՝ մեկ դրվագով:

Գլխավոր դատախազությունը պարզապես չի ուզում ընդունել պարտությունը, այն է՝ նախաքննական մարմնի փնթի աշխատանքը և դատախազական թերի հսկողությունն նախաքննության օրինականության նկատմամբ, փակուղային վիճակ է ստեղծվել, մեղադրող կողմը «ժամանակ է ձգում»:

13 դրվագներն էլ, ըստ պաշտպանի, խարդախության նման չեն՝ որոշ դեպքերում ֆինանսական խնդիրներ են, որոշ դեպքերում՝ «պարզապես տուժողների մոգոնածն է»:

Տ.Աթանեսյանը հայտնեց, որ 2-3 դրվագով իր պաշտպանյալն ընդունել է, որ պարտք է, պարտք ու պահանջի հարաբերություններ են, երբեք չի թաքնվել, չի խաբել, խնդիրների առաջ է կանգել, ինչպես շատերը Հայաստանում, ի վիճակի չի եղել վերադարձրել, այսինքն՝ խարդախություն չկա:

Ընդամենը մարդիկ փողն ստանալու՝ իրենց խնդիրները լուծում են իր պաշտպանյալին կալանավորելով, իրավապահ մարմիններին օգտագործելով:

Տիգրան Աթանեսյանը հայտնեց, որ ինքը միջնորդել է կարճել քրեական գործը 12 դրվագով, որովհետև վարույթ իրականացնող մարմինն իրավունք չունի այդ դրվագներով քրեական հետապնդում իրականացնել, իսկ մեկ դրվագով պաշտպանական կողմը վստահ է՝ ամբաստանյալը կարդարացվի: