Փաստ ինֆո

«Հայկական Ժամանակ»-ը գրում է անցյալ տարվա հունիսի 2-ին Սուրիկ Խաչատրյանի առանձնատան մոտ տեղի ունեցած միջադեպի մասին:

Լրատվամիջոցը մեջբերել է Բուդաղյանների պաշտպան Հայկ Ալումյանի խոսքն այն մասին, որ կրակոցների գործով կան այնպիսի նյութեր, որոնք ակնհայտորեն հաստատում են Սուրիկ Խաչատրյանի, նրա որդու և թիկնապահի մեղավորությունն այդ օրը տեղի ունեցած իրադարձությունների մեջ:

Փաստաբանի խոսքով՝ Ս.Խաչատրյանի առանձնատան տեսախցիկներից մեկը ֆիքսել է նաև խոհանոցում տեղի ունեցած  խոսակցությունները, որի մասին Խաչատրյանների ընտանիքի անդամները տեղյակ չեն եղել: Հետագայում փորձագետներին հաջողվել է խոսակցությունը վերծանման ձևով ներկայացնել:

Խոսակցություններից մկում Զարզանդը քննարկում է նախկին մարզպետի ավտոմեքենայում տեղի ունեցածը. բաց տեքստով խոսվում է այն մասին, որ Ավետիք Բուդաղյանին ավտոմեքենայում ծեծել են. «Ընդ որում, պարզ երևում է, որ ծեծողը կամ ծեծողներից առնվազն մեկը եղել է Սուրիկ Խաչատրյանը»,- ասել է Ալումյանը:

Խոսակցության մեկ յալ հատված, որը վերաբերում է բուն դեպքերին, վերաբերում է տանը գտնվող կանանց խոսակցությանը, որի ժամանակ հնչում է հետևյալը. «Ցավդ տանեմ, Տիգրան, ինչի՞ համար տվիր սպանիր, մի կրակի էլի, մի կրակի, կրակում ա:  Տիգրան, բոյդ թաղեմ»,- մեջբերել է Հայկ Ալումյանը:

Իսկ հրաձգությունից հետ, ըստ փաստաբանի, նույն այդ ձայնագրության մեջ խոսվում է «Նագան» ատրճանակի մասին, որն այդպես էլ ոչ մի տեղ չի երևում:

Միաժամանակ փաստաբանը նաև նշել է, որ առանձնատան խուզարկությունը եղել է դեպքի հաջորդ օրը և տևել է 35 րոպե, իսկ խուզարկությունը քննիչը կատարել է միայնակ՝ համաձայն խուզարկության մասին արձանագրության:

Փաստաբան Ալումյանը նաև ներկայացրել է փաստեր, ըստ որոնց՝ Սուրիկ Խաչատրյանը 1971-1981թթ. ընթացքում տարբեր հոդվածներով՝ գողություն, խուլիգանություն, պարբերաբար դատապարտվել է ազատազրկման:

Հոդվածն ամբողջությամբ կարող եք կարդալ «Հայկական Ժամանակ» օրաթերթի` 06.09.2014թ. համարում: