Սեյրան Օհանյան. Հայտարարվել է ողջ անձնակազմի հավաք, բերվել են ծառայության ուժեղացված ռեժիմի, իրականացվում է ավիացիայի ակտիվություն

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 18:49 Ուժեղ կարկտահարություն՝ Արմավիրում 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/05/2024 22:13 Փաշինյանի աշխատակազմի ղեկավարի տեղակալի Facebook-ի էջի ետնանկարում Իլհամ Ալիևին պատկանող հյուրանոցի լուսանկարն է. Ղազարյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/05/2024 21:24 Արցախցի երիտասարդները միացել են Սրբազանի քայլերթին. ծածանվում են Հայաստանի ու Արցախի դրոշները, վարորդները ողջունում ազդանշաններով (տեսանյութ) 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/05/2024 19:49 Ցանկանում են առանց ընտրությունների իշխանություն վերցնել. Արսեն Թորոսյան 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 22:25 Դեպի Երեւան երթը կմեկնարկի Սեւանի թերակղզու խաչմերուկից 05/05/2024 20:44 Երևանում՝ դաշտամիջյան հատվածում, ծառից կախված հայտնաբերվել է տղամարդու մարմին 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/05/2024 22:07 Արտակարգ դեպք՝ Երևանում. պայթյուն-հրդեհ՝ «Տոչկա» ակումբում 05/05/2024 14:48 Եթե ինձ բարձրացնեք կղզի, ես արարողությունը կանեմ, այդ հոգևորականը Բագրատ Սրբազանն էր». Չարխչյան 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան

Սեյրան Օհանյան. Հայտարարվել է ողջ անձնակազմի հավաք, բերվել են ծառայության ուժեղացված ռեժիմի, իրականացվում է ավիացիայի ակտիվություն 08/07/2014 14:02 | ՀՐԱՏԱՊ ԹԵՄԱ

Կառավարության այսօրվա նիստում ՀՀ վարչապետ Հովիկ Աբրահամյանը, մինչ օրվա օրակարգով նախատեսված խնդիրների քննարկումը, անդրադարձել է վերջին տասն օրերի ընթացքում շփման գծում ստեղծված աննախադեպ լարվածությանը: Ստեղծված իրավիճակը ներկայացրել է

Պաշտպանության նախարար Սեյրան Օհանյանը:

ՀՀ պաշտպանության նախարար Սեյրան Օհանյանն իր խոսքում մասնավորապես ասել է.

«Մեծարգո պարոն վարչապետ, հարգելի գործընկերներ, ընդհանուր առմամբ 2014 թվականը Հայաստանի, Արցախի, հայկական բանակի համար լարված ժամանակահատված էր:

Ադրբեջանի Հանրապետության ռազմաքաղաքական ղեկավարության ռազմական հռետորաբանության արդյունք էին հրադադարի ռեժիմի խախտումը, դիվերսիոն-հետախուզական գործողությունները, սպառազինությունների մրցավազքը, որոնք հանգեցրին նրան, որ 2014 թվականին, ի տարբերություն 2013 թվականի, հրադադարի ռեժիմի խախտման շուրջ 18 հազար դեպքեր եղան՝ այն դեպքում, երբ 2013 թվականին միայն ամբողջ տարվա ընթացքում՝ 13 հազար խախտում է եղել: Հակառակորդի կողմից այս ժամանակահատվածում եղել են նաեւ 26 դիվերսիոն-հետախուզական գործողություններ կամ փորձեր, որոնց շուրջ 65 տոկոսը, այսինքն՝ 15 դեպքը՝ հուլիսի 25-ից մինչեւ հիմա, այս ժամանակահատվածում էր:

Լարված իրավիճակը դեռեւս պահպանվում է: Ադրբեջանական կողմն իրականացնում է իր ծավալներով եւ բնույթով աննախադեպ ռազմական բնույթի գործողություններ, այդ թվում՝ հրադադարի ինտեսիվ խախտումներ եւ խաղաղ բնակավայրերի գնդակոծություններ մեծ տրամաչափի զինատեսակներով, դիվերսիոն-հետախուզական ակտիվ գործողություններ, ինչպես նաեւ՝ շփման գծում եւ թիկունքում զորքերի տեղաշարժեր, տեղեկատվական եւ քարոզչական ակտիվ գործունեություն:

Ինչպես ցույց է տալիս վերլուծությունը, օգոստոսի 1-ից սկսած՝ հակառակորդի կողմից հրադադարի խախտման ինտենսիվությունը չի նվազել: Բացի հայկական դիրքերի ուղղությամբ կրակոցներից, մշտական գնդակոծության տակ են գտնվում սահմանամերձ խաղաղ բնակավայրերը, հիմնականում Տավուշի մարզում: Հակառակորդի կողմից օգտագործվում են մեծ տրամաչափի զինատեսակներ, ինչպիսիք են ձեռքի հակատանկային եւ հաստոցային ավտոմատ նռնականետեր, 23 միլիմետրանոց զենիթային կայանքներ, 82 միլիմետրանոց ականանետեր:

Նշված ժամանակահատվածում իրականացված դիվերսիոն-հետախուզական ներթափանցման գործողությունները եւ փորձը թույլ են տալիս ասելու, որ այդ գործողությունները դժվար է որակել որպես զուտ դիվերսիոն բնույթի՝ իրենց ինտեսիվությամբ եւ ծավալներով, քանի որ շատ անգամ իրականացվել են նաեւ ցերեկային պայմաններում, մեծ խմբերով՝ բացահայտ կերպով ուղղված հայկական հենակետերի գրավմանը, ինչը նրանց հաղորդում է ակնհայտ հարձակողական մարտական գործողությունների բնույթ:

Ինչպես գիտեք, այդ բոլոր փորձերը ձախողվել են: Ցավոք սրտի, մենք ունեցել ենք կորուստներ. մարտական գործողությունների ժամանակ հայկական կողմից զոհվել են զինծառայողներ Զորիկ Ժիրայրի Գեւորգյանը, Գոռ Բաբկենի Գրիգորյանը, Արարատ Վաչիկի Խանոյանը, Սարգիս Արմենի Մովսիսյանը, Ազատ Արթուրի Ասոյանը, Խաչատուր Լեւոնի Բադասյանը, Արամ Մկրտչի Գրիգորյանը: Նրանք հետմահու արժանացել են Հայաստանի Հանրապետության եւ Լեռնային Ղարաբաղի Հանրապետության պետական պարգեւների:

Ես գտնում եմ, որ նշված զինծառայողների, ինչպես նաեւ զինված ուժերի հրամանատարական կազմի եւ դիվերսիոն-հետախուզական գործողությունները հետ մղած համազորային ստորաբաժանումների եւ նաեւ պատժիչ գործողություններ իրականացրած հատուկ նշանակության ստորաբաժանումների գործունեության արդյունք է, որ մենք կարողացանք արժանապատվորեն այդ մարտահրավերից դուրս գալ եւ բարձրացնելով զինծառայողների մարտական ոգին՝ Հայաստանի Հանրապետությունում նաեւ ստեղծել ընդհանուր միաբանության, միասնականության, համախմբման Հակառակորդի կողմից իրականացվում են այս ժամանակահատվածում նաեւ այլ գործողություններ. հայտարարվել է ողջ անձնակազմի հավաք, բերվել են ծառայության ուժեղացված ռեժիմի, մտցվել են զորանոցային վիճակներ, արձանագրվել են անձնակազմի զինտեխնիկայի տեղաշարժեր գրեթե բոլոր զորամիավորումների պահպանության գոտիների դիմաց, իրականացվում է ավիացիայի՝ ինքնաթիռների եւ ուղղաթիռների ակտիվություն առաջնային գծի երկայնքով, որոշ ստորաբաժանումներ՝ խոցման եւ նաեւ երկրորդ շարակազմի, բերվել են մարտական պատրաստականության բարձր աստիճանի, հրամանատարական կետերի բացազատում, առաջնագծում ակտիվացել են հակառակորդի անօդաչու թռչող սարքերի թռիչքները, տեղեկատվական եւ քարոզչական միջոցառումների շրջանակներում Ադրբեջանի ռազմաքաղաքական ղեկավարությունը շարունակում է ապատեղեկատվության տարածումը:

Ինչպես գիտեք, ադրբեջանական մի քանի ԶԼՄ-ներում նրանք ներկայացնում են այնպես, որ հաղթանակն իրենք են տարել, եւ հայկական կողմը մեծ կորուստներ է տվել: Կորուստների հարաբերակցությունը, եթե այսօր համեմատենք, 1/8 եւ 9, այսինքն՝ 8-9 անգամ նրանք ավելի շատ կորուստներ են ստացել: Որոշ սահմանամերձ բնակավայրերում, շրջաններում իրավիճակի սրումը Ադրբեջանի Հանրապետության գյուղի բնակիչների մոտ առաջացրել է խուճապ եւ արտահոսք:

Այդ կապակցությամբ սահմանամերձ նորակառույց բնակավայրերում ուժեղացվել է վարչական եւ ոստիկանական ռեժիմը: Նաեւ որոշակի քայլեր են իրականացնում զորահավաքային պլանների ճշգրտման, զգուշացման ուղղությամբ: Հակառակորդի կողմից նման գործողություններն աննախադեպ են 1994 թվականից հետո: Տվյալ գործողությունների վերլուծությունը ցույց է տալիս, որ ադրբեջանական կողմը չի սահմանափակվում զուտ հրադադարի խախտումներով եւ իրականացնում է ավելի լայնամասշտաբ գործողությունների նախապատրաստական աշխատանք: Այս ամենը, կարծում եմ, հետեւանք է նրանց հռետորաբանության եւ նպատակ ունի բանակցային գործընթացի վրա ազդելու եւ նաեւ ներքին լսարանի համախմբման եւ պարտվածի թերարժեքության վերացման եւ զինված ուժերի ոգու բարձրացման:

Պաշտպանության նախարարության կողմից իրականացվել են մի շարք միջոցառումներ. առաջին հերթին զինված ուժերն առանց մարտական պատրաստականության բարձր աստիճանի բերելու ուժեղացրել է իր ծառայությունը եւ՛ սահմանամերձ հատվածում, եւ՛ ռեզերվային բոլոր զորամասերում: Հրամանատարական կետերը, ղեկավարման ամբողջ համակարգը, միջոցներն ու օրգանները գործում են շուրջօրյա ռեժիմով, խոցման, ահազանգման, երկրորդ շարակազմի շատ-շատ ստորաբաժանումներ բերվել են մարտական պատրաստականության եւ գտնվում են անմիջապես առաջին գծում միանգամից ահազանգելու համար: Հատկապես գիշերային պայմաններում ծառայության ռեժիմն ուժեղացված է:

Զինված ուժերի մարտական ոգին չափազանց բարձր է՝ առաջին հերթին արտահայտված այդ հաջողություններով, երկրորդը՝ մեր բնակչության, հատկապես Կառավարության, Ազգային ժողովի, հասարակության լայն խավերի եւ նաեւ մեր մարտական ընկերների, ազատամարտիկների, երկրապահների, վետերանների աջակցությամբ, որոնք մասնակցում են մարտական հերթապահության եւ իրենց փորձի փոխանակմամբ ոգեւորում են զինված ուժերի ստորաբաժանումներին:

ամբողջովին գտնում ենք, որ հակասում է ԵԱՀԿ Մինսկի խմբի շրջանակներում հակամարտության կարգավորման բանակցությունների ոգուն եւ տրամաբանությանը: Հայաստանի Հանրապետությունը, հավատարիմ մնալով հակամարտությունը բացառապես խաղաղ ճանապարհով լուծելուն, բարձր գնահատելով ԵԱՀԿ Մինսկի խմբի պետությունների կառուցողական ջանքերը, միջազգային հանրության՝ իրադրության վերաբերյալ պաշտոնական հայտարարությունները, միջազգային կառույցների, օտարերկրյա պետությունների ներկայացուցիչների հետ հանդիպումների ընթացքում իր պաշտոնական հայտարարություններում պարբերաբար կոչ է անում ադրբեջանական կողմին զերծ մնալ իրավիճակի հետագա սրմանն ուղղված քայլերից եւ ջանքեր գործադրել ղարաբաղա-ադրբեջանական շփման գծում իրադրությունը կայունացնելու ուղղությամբ:

Ստեղծված իրավիճակում իրադրության հետագա թեժացումը կանխելու նպատակով մեր զինված ուժերը եւ Լեռնային Ղարաբաղի պաշտպանության բանակն ստիպված են լինում խստորեն պատժելու խախտման ցանկացած դեպք, որի հետեւանքով, ինչպես ես ասացի, հակառակորդը կրում է զգալի մարդկային կորուստներ: Գտնում եմ, որ այդ մարդկային կորուստները եւ թափված արյունն ընկնում է Ադրբեջանի ռազմական, ռազմաքաղաքական ղեկավարության խղճի վրա: Այս իրավիճակում, կարծում եմ, որ իրենք իրենց իսկ ստի զոհը դարձան, որովհետեւ տարիներ ի վեր իրենց ժողովրդին քարոզում էին, որ հզոր բանակ ենք, անընդհատ համալրում ենք սպառազինությամբ եւ ռազմական տեխնիկայով, անպարտելի ենք, բայց գտնում եմ, որ, այսպես պետք է ասեմ, թուրքը մնում է թուրք եւ մենք նրա հետ գործելու ենք այն կանոններով, որով ինքն ուզում է մեր հետ գործել:

Առկա լարվածությունը սաստկացնելուն ուղղված ադրբեջանական կողմի գործողությունների շարունակման դեպքում հայկական զինուժն ստիպված կլինի իրականացնելու համարժեք գործողություններ, էլ ավելի խստացնելու Ադրբեջանի պաշտպանության նախարարության ղեկավարության՝ ռազմական տրամաբանությունից զուրկ եւ անմիտ վրեժխնդրության դրսեւորումների նկատմամբ պատժամիջոցները:

Ես գտնում եմ, որ, պարոն վարչապետ, իրենք այս իրավիճակում չեն հանգստանալու մինչեւ օգոստոսի 9-ը եւ դրանից հետո, եւ Հայաստանի Հանրապետության զինված ուժերը պատրաստ են իրականացնել իրենց առջեւ դրված խնդիրը: Այս պահին ես պարզապես նաեւ ուզում եմ իմ շնորհակալությունը հայտնել եւ ́ կառավարության բոլոր անդամներին, եւ ́ հասարակությանը: Անհրաժեշտության դեպքում աջակցությունը զինված ուժերին, մեր զինվորին, հատկապես զոհված եւ վիրավոր ազատամարտիկների եւ զինծառայողների ծնողներին, հարազատներին, այցելությունները պետք է մեր հանրության կողմից շարունակվեն, եւ նրանք մեր ուշադրության կենտրոնում պետք է լինեն:

Շնորհակալություն»:

ՀՀ վարչապետ Հովիկ Աբրահամյանը, Հայաստանի Հանրապետության կառավարության անունից խորին ցավակցություն հայտնելով նրանց ծնողներին ու հարազատներին եւ միասին սգալով այս անփարատելի վիշտը, առաջարկել մեկ րոպե լռությամբ հոտնկայս հարգել զոհված հերոսների հիշատակը: