«Ջրահարս» է հրավիրել գիշերային թիթեռնիկների ու… - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 18:49 Ուժեղ կարկտահարություն՝ Արմավիրում 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ» 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը

«Ջրահարս» է հրավիրել գիշերային թիթեռնիկների ու… 01/08/2013 15:18 | ԼՐԱՀՈՍ

Վերջին շուրջ մեկ տասնամյակում Հայաստանում արագորեն, մեկը մյուսի հետևից կառուցվեցին փոքր ու միջին բազմաթիվ հյուրանոցներ ու հյուրանոցային համալիրներ: Դրանք հայտնվեցին ինչպես սնկերն անձրևից հետո:

Նշված օբյեկտների մեծ քանակությունը և այն հանգամանքը, որ տարվա մեծ մասի ընթացքում դրանցում օտարերկրյա զբոսաշրջիկներ կամ Հայաստանի այլ բնակավայրերից եկած հյուրեր, գիշերողներ գրեթե չկան, բնականաբար, տեղիք է տալիս կասկածների` այդ դեպքում ինչո՞ւ են կառուցվել, ինչպե՞ս են ապահովում իրենց շահույթները… Հերթական քրեական գործերը վկայում են, որ բազմաթիվ հյուրանոցների, հյուրանոցային համալիրների ադմինիստրատորներ «մասնագիտացել» են նշված հաստատություններում պոռնկությանը նպաստելու ու դրա միջոցով գումարներ ձեռքբերելու ուղղությամբ: Նման դեպքերում միշտ էլ հարց է առաջանում` իսկ տնօրենները, հյուրանոցների սեփականատերերն անտեղյա՞կ են եղել, թե ինչ է կատարվում իրենց ղեկավարած, իրենց պատկանող այդ օբյեկտներում:

Գյումրիի բնակչուհի Վալենտինա Ժիբելենկոյին մեղադրանք է առաջադրվել այն բանի համար, որ վերջինս նպաստել է պոռնկությամբ զբաղվելուն: Ըստ մեղադրական եզրակացության, նա 2012 թ. հունվարից մինչև հոկտեմբեր ժամանակահատվածում աշխատելով Գյումրիի Խրիմյան Հայրիկ փողոցում գտնվող «Ջրահարս» հյուրանոցային համալիրում որպես ադմինիստրատոր, գույքային օգուտ ստանալու նպատակով նպաստել է մարմնավաճառներ Ն. Ավագյանի, Գ. Ապինյանի, Մ. Պետրոսյանի, Ն. Խալիֆյանի և Լ. Մելիքյանի պոռնկությամբ զբաղվելուն: Մասնավորապես` հիշյալ անձանց հրավիրել է հյուրանոց, որտեղ մարմնավաճառներն իրեն վճարել են որպես միջնորդավճար 2000-ական դրամ և սեռական հարաբերություններ են ունեցել անծանոթ մարդկանց հետ՝ յուրաքանչյուր հաճախորդից ստանալով 5000-7000 դրամ կանխիկ գումար:

Մեկ այլ քրեական գործով Իջևան քաղաքի բնակչուհի Կարինե Օթարյանին մեղադրանք է առաջադրվել այն բանի համար, որ նա 2011-2012 թթ. աշխատելով «Իսրայելյան» ՍՊԸ-ին պատկանող, Իջևան քաղաքի Անկախության փողոցի թիվ 177 հասցեում գտնվող սննդի և հանգստի կազմակերպման համալիրում (հայտնի է «Կոծոյենց օբյեկտ» անվամբ) որպես հյուրանոցի ադմինիստրատոր, հյուրանոցի սենյակները պոռնկությամբ զբաղվելու, հաճախորդ տղամարդկանց հետ հանդիպելու նպատակով պարբերաբար տրամադրել է մարմնավաճառներ Ալիսա Գրիգորյանին, Անժելա Ղազարյանին, Անան Խաչինյանին, Զառա Փարսադանյանին և Ալվարդ Մկրտումյանին, դրանով իսկ նպաստելով նրանց պոռնկությամբ զբաղվելուն: Տավուշի մարզի ընդհանուր իրավասության դատարանում Կարինե Օթարյանն ասել է, որ գանձած գումարները հաջորդ օրը տվել է տնօրենին, և իրեն ոչ ոք չի ասել, որ մարմնավաճառներին սենյակ չտրամադրի:

Վալենտինա Ժիբելենկոյին և Կարինե Օթարյանին մեղադրանք է առաջադրվել ՀՀ քրեական օրենսգրքի 262-րդ հոդվածի 2-րդ մասի 5-րդ կետի հատկանիշներով: Հիշյալ դատարանը (նախագահող դատավոր` Ռաֆիկ Մելքոնյան) Կարինե Օթարյանին դատապարտել է ազատազրկման 3 տարի ժամկետով: Սակայն ամբաստանյալի շահերի պաշտպանը վերաքննիչ բողոք է ներկայացրել ՀՀ քրեական և զինվորական վերաքննիչ դատարան, որպեսզի Տավուշի մարզի ընդհանուր իրավասության դատարանի հիշյալ դատավճռով նշանակված պատիժը ՀՀ քրեական դատավարության օրենսգրքի 70-րդ հոդվածի հիման վրա չկիրառվի և սահմանվի 4 տարի ժամկետով փորձաշրջան: Տեսնենք, թե ինչ կվճռի վերաքննիչ ատյանը:

Վերոնշյալ հյուրանոցները նկատի չունենք, բայց բազմաթիվ նմանատիպ դեպքեր դրդում են մտածելու, որ Երևանում և հատկապես մարզերում մի շարք հյուրանոցներ ի սկզբանե կառուցվել են որպես ընդհատակյա հասարակաց տներ, իսկ թե կողքից էլ սովորական հյուր կամ գիշերող եկավ` սեփականատիրոջ համար ավելի լավ:

Հեղինակ` Արթուր Հովհաննիսյան