ԲՈԼՈՐ ՆՅՈՒԹԵՐԸ
Խորհրդարանականների դիրքորոշումը ԱԺ հայտարարության նախագծի քննարկման ժամանակ 09/06/2012 00:58 | ԼՐԱՀՈՍ
Ազգային ժողովի սեպտեմբերի 5-ի արտահերթ նիստում` 2004 թ. փետրվարին Բուդապեշտում ՆԱՏՕ-ի դասընթացների ժամանակ հայ սպա Գուրգեն Մարգարյանին սպանած հանցագործին Հունգարիայի իշխանությունների կողմից Ադրբեջանին փոխանցելու և Ադրբեջանի նախագահի կողմից վերջինիս ներում շնորհելու կապակցությամբ ՀՀ ԱԺ հայտարարության նախագծի քննարկման ժամանակ առավելապես ընդգծվում էր միասնական լինելու անհրաժեշտությունը:
Սա, իհարկե, չի նշանակում, որ շուրջ 7 ժամ տևած քննարկումների ընթացքում բոլոր ելույթ ունեցողները միակարծիք էին քննարկվող նախագծի հարցում:
Ընդդիմադիր` «Ժառանգություն» խմբակցության անդամներն ընգծեցին Հայաստանի կողմից Լեռնային Ղարաբաղի Հանրապետության ճանաչման, իսկ ՀՅԴ պատգամավորները` ԼՂՀ-ի հետ ռազմաքաղաքական դաշինք կնքելու և ճանաչման գործընթաց սկսելու հրատապությունը:
«Ժառանգություն»
«Ժառանգություն» խմբակցության ղեկավար Ռուբիկ Հակոբյանի կարծիքով, այս «փաստաթուղթը թույլ է» և կենացներ հիշեցնող: Խմբակցության քարտուղար Զարուհի Փոստանջյանն էլ իր ելույթում, մասնավորապես, ընդգծեց, որ եթե Հայոց խորհրդարանը ցանկանում է «արդարացի գնահատական տալ թուրքական Ադրբեջանի վարքագծին և նրա հետ գործարք իրականացնող ԵՄ անդամ պետությանը, ապա առնվազն անհապաղ պետք է ճանաչի Լեռնային Ղարաբաղի (Արցախի) Հանրապետության անկախությունը, այնուհետև գործադիր իշխանությունից պահանջի ռազմական օգնության պայմանագիր կնքել Լեռնային Ղարաբաղի` Արցախի Հանրապետության իշխանությունների հետ, նաև պահանջ ներկայացնի ՀՀ նախագահին` Հայ-թուրքական արձանագրություններից ու Մադրիդյան սկզբունքներից հրաժարվելու վերաբերյալ»:
ՀՅԴ
ՀՅԴ խմբակցության անունից վերջինիս քարտուղար Աղվան Վարդանյանն էլ, մասնավորապես, առաջարկեց Արտաքին գործերի նախարարությանը հրապարակել այս հարցի կապակցությամբ հունգարական իշխանությունների հետ գործին առնչվող գրագրությունն ու նամակները:
«Հայ ագգային կոնգրես»
Ընդդիմադիր մյուս` «Հայ ագգային կոնգրես» խմբակցության ղեկավար Լևոն Զուրաբյանն էլ հայտարարեց, որ ՀԱԿ-ը, «ունենալով կոշտ հակասություններ իշխող քաղաքական ուժի հետ, այնուամենայնիվ գիտակցում է ստեղծված իրավիճակում Հայաստանի քաղաքական ուժերի միասնական ճակատով հանդես գալու անհրաժեշտությունը»: «Ուստի մենք որոշել ենք առանց այլևայլ բարդություններ ստեղծելու միանալ ներկայացված հայտարարության նախագծին»,-ընդգծեց նա:
Այդուհանդերձ նա վերահաստատեց ՀԱԿ-ի գնահատականներն առ այն, որ «Հայաստանի իշխանությունները նույնպես պատասխանատվություն են կրում կատարվածի համար, քանի որ ժամանակին համարժեք կանխարգելիչ քայլեր չեն կատարել, ոչ' հետախուզության, ոչ' էլ դիվանագիտության ասպարեզներում»:
«Բարգավաճ Հայաստան»
Կատարվածի համար Հայաստանի պատկան մարմինների, մասնավորապես, Արտաքին գործերի նախարարության, պատասխանատվության, նաև` որոշակի առումով անգործության մասին քննադատական ելույթներ ունեցան մի շարք այլ պատգամավորներ ևս: Նրանց թվում էին «Բարգավաճ Հայաստան» խմբակցության քարտուղար, ԱԺ եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը և նույն խմբակցության անդամ, ՀՀ նախկին արտգործնախարար Վարդան Օսկանյանը:
«Անընդունելի և անհասկանալի է, որ մեր ժողովրդի անվտանգության և իրավունքների պաշտպանը՝ Հայաստանի կառավարությունը՝ իր համապատասխան գերատեսչություններով, այս ամենի մասին իմանում է ոճրագործի՝ Բաքու ժամանելուց հետո: Պարզապես անբացատրելի է, որ շաբաթներ առաջ հունգարահայ համայնքի, հայկական կազմակերպությունների ահազանգերից հետո ոչինչ չի արվել մեր գերատեսչությունների կողմից»,-նշեց Վ. Օսկանյանը` կարծիք հայտնելով, որ խորհրդարանը պետք է բացատրություն պահանջի կառավարությունից:
Արտգործնախարար. «Հունգարիայի ժողովուրդը խստորեն դատապարտում է»
Այս քննադատություններին, ինչպես նաև միջազգային գործարքին ու դրա արձագանքներին իր ելույթում անդրադարձավ ՀՀ արտգործնախարար Էդուարդ Նալբանդյանը:
Նա, մասնավորապես, նշեց, որ հայկական կողմը շարունակաբար հունգարական իշխանությունների ուշադրությունը հրավիրել է ոճրագործի հանձնման անթույլատրելիության վրա ու բազմաթիվ անգամներ ստացել է միանշանակ հավաստիացումներ, որ նման քայլը բացառված է: «Հազարավոր հունգարացիների, կրոնական առաջնորդների, տարբեր հասարակական քաղաքական կառույցների արձագանքները, նամակներն ու հայտարարությունները, բողոքի ակցիաները վկայում են այն մասին, որ Հունգարիայի ժողովուրդը չի կիսում և խստորեն դատապարտում է կառավարության այս անընդունելի քայլը, իր զորակցությունն է հայտնում հայ ժողովրդին: Վստահաբար բարեկամության դարավոր ավանդույթներ ունեցող հայ և հունգար ժողովուրդները կկարողանան հաղթահարել Հունգարիայի ներկա կառավարության կողմից պարտադրված այս փորձությունը»,-ընդգծեց Է. Նալբանդյանը` հավելելով, որ նաև միջազգային հանրության «միահամուռ, հասցեագրված բացասական գնահատականը այդ խայտառակությանը վկայում է, որ նման երևույթները չեն կարող հանդուրժվել»:
Հայտարարությանը միանալու մասին հայտնեցին նաև «Օրինաց երկիր» և
«Բարգավաճ Հայաստան» խմբակցությունները:
ՀՀԿ
ՀՀԿ խմբակցության ղեկավար Գալուստ Սահակյանն ավելի շատ կարևորեց միահամուռ լինելու անհրաժեշտությունը, առավել ևս, որ, իր կարծիքով, այս փաստաթուղթը մեկնարկային է, և հետագայում այն «դեռևս հզորանալու տեղ ունի»:
ԱԺ նախագահ
«Իր այս քայլով Ադրբեջանը ԵՄ անդամ Հունգարիային ներքաշելով քաղաքական խարդավանքների մեջ` փորձում է ամենաթողության մթնոլորտ ստեղծել եվրոպական ընտանիքում: Հետևաբար, այդ ընտանիքից անպայմանորեն պետք է հնչեն դատապարտող խոսքեր, կատարվեն կոնկրետ գործողություններ»,- իր հերթին հայտարարեց ԱԺ նախագահ Հովիկ Աբրահամյանը: Նա նշեց նաև, որ Ազգային ժողովի ընդունած հայտարարությունը կուղարկվի միջազգային խորհրդարանական կառույցներին և ազգային խորհրդարաններին, որոնք, իր կարծիքով, համարժեք գնահատական կտան և կդիմեն գործնական քայլերի:
Ամփոփում
Քննարկման արդյունքում քվեարկության դրվեց հայտարարության նախագծի վերջնական տարբերակը, որում միայն խմբագրական բնույթի փոփոխություններ էին կատարվել:
Հիշեցնենք, որ ԱԺ-ն հայտարարությունն ընդունեց 96 «կողմ» և 1 «դեմ» ձայներով: Դեմ քվեարկած միակ պատգամավորը «Ժառանգություն» խմբակցության քարտուղար Զարուհի Փոստանջյանն էր:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/08/2024 08:21 Հայոց ցեղասպանության ճանաչման մասով ոչինչ չի արվում. Նիկոլ Փաշինյանը խաբել է. Մաս 204. «Ժողովուրդ»
- 05/08/2024 08:16 Երթին մասնակցեն՝ պետական աջակցությունից կզրկվեն․ «Հրապարակ»
- 05/08/2024 08:09 Ինչո՞վ է բացատրվում Փաշինյանի ատելությունը Վանեցյանի հանդեպ․«Հրապարակ»
- 05/08/2024 08:04 Սրբազանը դեռ տարիներ առաջ է երդվել, որ ձեռքերը ծալած չի նստելու․«Հրապարակ»
- 05/08/2024 08:01 2019 թ.-ին գրանցվել է զինծառայողի` խաղաղ պայմաններուն մահվան 32, 2023-ին`53, 2024-ի առաջին 5 ամսում` 30 դեպք. ԱՄՆ պետքարտուղարության զեկույցը. «Ժողովուրդ»
- 05/08/2024 07:58 Քերոբյանի գործով առաջիկայում որոշում կկայացվի. «Ժողովուրդ»
- 05/08/2024 07:56 Իրավապահ համակարգում որոշ գործընթացներ կանգ են առել. միգուցե երթը հասնի Երեւան ու գործընթացներ սկսվեն. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/08/2024 12:30 Հայաստանի համար այս վճռորոշ օրերին պարտավոր ենք նորի՛ց համախմբվել. Սեյրան Օհանյան
- 05/08/2024 10:19 Իշխանությունը կոնկրետացումից խուսափելու նպատակով մշտապես զրույցը տեղափոխում է վիրավորանքի դաշտ. Աբրահամյան
- 05/07/2024 11:07 Նորից ժամանակն է ազգովի մաքրելու դաշտը մոլախոտերից և տնկելու մեր ապագա հաղթանակի առողջ սածիլները. Արշավիր Ղարամյան
- 05/07/2024 10:51 Վերջ տվեք կեղծ տեղեկատվությանը, անհեռանկար էժանագին զբաղմունք է. Դանիելյանը՝ ՀԱԵ դեմ արշավի մասին
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/06/2024 23:32 Ուսուցչուհին աշակերտներին հարբեցրել է ալկոհոլով եւ քնել նրանցից մեկի հետ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն