Փաստ ինֆո

Շրջանառության հարկի բարձրացումից դժգոհող տնտեսվարողները հենց հիմա նախարարությունում են։ Այս մասին կառավարության նիստից հետո լրագրողների հետ ճեպազրույցում ասաց Էկոնոմիկայի նախարար Գևորգ Պապոյանը։

Նա կարծիքով՝ կան դեպքեր, որ դժգոհությունները որոշակի օբյեկտիվություն ունեն, կան դեպքեր, որ տեղեկատվության պահաս կա։ «Մենք որոշ տնտեսվարողների ցույց տվեցինք, որ նոր համակարգի դեպքում ինքն ավելի քիչ է վճարելու, քան նախկինում, դրա համար նա պարզապես իր մատակարարներից պետք է համապատասխան թղթեր պահանջեր։ Այսինքն, մի դեպքում գոյություն ունի տեղեկատվության պակասի խնդիր։ Արդյունքում, անգամ լավ բանը ներկայացվում է որպես վատ բան։ Նույնը վերաբերում է հայտարարագրման համակարգին, Արդեն 4000-ից ավելի մարդ հայտարարագիր է ներկայացրել, ու ամեն մեկը 100 000 դրամ գումար է հետ ստացել։ Մեզ չէր հաջողվել ժողովրդին հասցնել, որ եթե ամեն բան հայտարարագրում են ու թաքցնելու բան չունեն՝ սա իր համար դրական բան է։ Սա հասարակությանը հնարավորություն է տալիս մինչև 70 մլրդ դրամ փող հետ ստանա, բայց սա ներկայացվում է հասարակությանը հարկելու միջոց»,-ասաց նա՝ ընդգծելով, որ մարդիկ, ովքեր թաքցնելու բան չունեն՝ գոհ են համակարգից։

Անդրադառնալով բողոքող տնտեսվարողների հայտարարություններին, թե 2018 –ից հետո շարունակաբար աճող հարկային բեռին՝ Պապոյանը վստահեցրեց, որ Հայաստանում հարկերն ու տուրքերը չեն ավելացել, հակառակը նվազել են։ «Շահութահարկը իջելէ բիզնեսի համար, եկամտային հարկի մասով միջինը 25.3տոկոսից իջել է 20 տոկոս, Ամբողջ խնդիրն այն է, որ աշխատավարձերն են աճել և միջինում մոտենում են 300 000 դրամի, արդյունքում՝ շատ եկամտահարկ են վճարում»։

Աղբյուր` Փաստինֆո