Փաստ ինֆո

Այս տողերը, ըստ ամենայնի, կարող են լինել այն եզրակացությունը, որով կամբողջանա ՀՀ վարչապետի կատարած վերջին անպաշտոն այցը՝ ԱՄՆ, Վաշինգտոն։ 

Իսկ մինչ հանդիպման արդյունքների հանրագումարը, արդեն իսկ նրա նրա նկատմամբ ամերիկյան պաշտոնական և հանրային շրջանակների վերաբերմունքի համատեքստում, նրա ունեցած հանդիպումների շրջանակի դիտարկմամբ, կարելի է և կարող ենք հստակ պատկերացում ունենալ, թե որքանո՞վ հետաքրքիր էր Նիկոլ Փաշինյանը ամերիկյան հասարակության և պաշտոնական շրջանակների համար 2025 թվականի սկզբին, երբ իշխանության ղեկը ստանձնել էր պահպանողական Դոնալդ Թրամպը, իսկ փաշինյանական իշխանության սիրելի ժողովրդավարներն՝ իրենց առաջնորդ Ջո Բայդենով այլևս անցյալ էին․․․

Իրականում՝ ԱՄՆ համար կարևոր այս փուլում առանց պետական-պաշտոնական հրավերի ներկայանալով ու ամերիկյան ոչ երևութական շրջանակներում մտահայեցողական տեքստեր արտաբերելով, Փաշինյանը հույժ կարևոր նպատակ է հետապնդում։ Այն է՝ Թրամփի վարչակարգի եթե ոչ խարսխային պաշտոնյաների, ապա՝ երկրորդ էշելոնի ներկայացուցւչների, կանգրեսականների հետ հանդիպման ընթացքում իր համար ամենակարևոր հարցի ՝ իր հետագա պաշտոնավարման վերաբերյալ հստակություն ունենալը։
Իրականում, այդ հարցի պատասխանը, վերջինս դժվար էլ կարողանա ստանալ՝ ընդհուպ այցի ավարտը, քանի որ նախորդող օրերի ընթացքում նրանով որևէ մեկը չի հետաքրքրվել, որևէ կարևոր հանդիպում չի ունեցել նա՝ բացառությամբ փետրվարի 4-ի՝ հանդիպումը՝ ԱՄՆ սենատորի և կոնգրեսականների հետ, որի ընթացքում անդրադարձ է կատարվել Հայաստան-Ադրբեջան խաղաղության գործընթացին։

Այստեղ հայությանը վերագրելով «նահատակ» ազգի իր կոնցեպցիան, ըստ էության, Փաշինյանն այսպիսով փորձել է արդեն իսկ 90-ականներին Արցախյան ազատամարտում հաղթած, Անկախ պետականություն կերտող և այդպիսով Ցեղասպանության բարդույթը հաղթահարած և հաջորդ փուլին անցած, այսինքն՝ Ցեղասպանության ճանաչմանն ու դատապարտմանը հաջորդող՝ ցեղասպանի ներողություն խնդրելու և հատուցման փուլին անցած մեր ժողովրդին «նահատակի» հանդերձ հագցնել։

Իհարկե, հայության մեջ չկա մտայնություն՝ ո՛չ նահատակի, ո՛չ էլ՝ վայելքների կարոտի և կամ՝ բանակում ծառայելուց հրաժարվողների․ այդ ամենը նրա հորինվածքն են, քանի որ այդպիսով միայն նա պիտի կարողանա երկարաձգել իր իշխանությունը։ Եվ այս համատեքստում «դաբրոներ» ստանալուն է միտված իր այցելությունն ԱՄՆ, որքան էլ որ այն կրոնական շղարշի ներքո լինի։ ԱՄՆ այս այցի մանրամասնությունները փաստում են, որ Փաշինյանի իշխանությունն օրեցօր արձանադրում է նոր անկումներ։ Օրօրի նրան մերժողների քանակն ավելանում է՝ զրկելով նրան բազմիցս անգամաներ հպարտորեն կրկնած խոսքերից, թե՝ ինքը ժողովրդից ստացած մանդատ ունի, ոչ միայն հայաստանցիներից ստացած, այլև՝ սփյուռքի մեր հայրենակիցներից․․․Մանդատ չունի այլևս, լեգիտիմություն չունի․․․ Փաստը այս՝ դեռևս շարունակվող ԱՄՆ կատարած այցն է․․․
Փաշինյանին աթոռից գլորող ձնագունդը կմեծանա՝ ուղիղ համեմատական՝ զանգվածային մերժումներին․ ժամանակը գնաց․․․

Փաշինյան և «Կյանքի խոսք» 

Այն, որ Փաշինյանը ԱՄՆ է մեկնել փետրվարի 1-ին՝ իր կնոջ հետ և այն, որ նախատեսվում էր նրա մասնակցությունը՝ փետրվարի 3-7-ը՝ Միջազգային կրոնական ազատությունների գագաթնաժողովին, հայտնի էր, իսկ Փաշինյանի և “Կյանքի խոսք” կրոնական կազմակերպության ղեկավար Արթուր Սիմոնյանի հետ ջերմ ողջագուրվելու պահը վկայում էր ամուսինների և այս աղանդավորական կազմակերպության գուրուի հետ ջերմ կապի մասին։ Ի դեպ, գաղտնիք չէ, որ նիկոլփաշինյանական էլեկտորատի մեջ զգալի թիվ են կազմում այս կազմակերպության ներկայացուցիչ, և ընդհանրապես, աղանդավորական զանգվածը։

 Փաշինյան և ԱՄՆ հայ համայնք

Եթե աղանդավորական միջավայրում գրկախառնություն էր, ապա հայ համայնքի ներկայացուցիչների ընդունելությունը, ներսում՝ ուղեկցվում էր ՀՀ իշխանությունների զգուշավորությամբ, իսկ դրսում՝ ցույցերով, Նիկոլ մերժող ցուցապաստառներով ու հայտարարություններով։ Պաշտոնական հանդիպումների ակնկալիք, չունենալով, Փաշինյանը, բնականաբար, պիտի որ ցանկանար ըստ ավանդույթի բովանդակային հանդիպում ունենալ Հայ համայնքի ներկայացուցիչների հետ, պատասխանելով նրանց հարցերին, որոնց արձագանքները, բնական է, պիտի նաև տեղ գտնեին հայկական լրահոսում։ Այս անգամ նման բան չեղավ․․․

Ըստ ամենայնի հենց Փաշինյանն էր խուսափել հրապարակայնացումից։ Փաշինյանը զգուշացել էր ամերիկահայ համայնքից. անգամ պաշտոնական տեսանյութում ներառված չէին ընտրովի հանդիպման ժամանակ հնչած հարցերը։ Ընդ որում, հետաքրքիր է նաև, որ թեև Փաշինյանն ինքն է առաջարկել քննարկել իր նոր՝ գաղափարաբանությունը, սակայն որևէ քննարկում տեսանյութում այդպես էլ չի երևում․ թե ներկաներն ինչ մտորումներ կամ կարծիք ունեն դրա շուրջ՝ հրապարակած տեսանյութում, պարզապես բացակայում է։

Ըստ ամենայնի՝ հանդիպման ընթաքում հնչած հարցերը կամ արձագաները եղել են այնպիսին, որ Փաշինյանը գերադասել է դրանք չհանրայնացնել։

Ինչ վերաբերվում է գաղափարաբանական փոփոխությանը, իբր՝ “նահատակ”-ի կարգավիճակից հրաժարվելուն, ապա՝ իրականում՝ նահատակի կարգավիճակ հենց ինքն է փորձում տալ հայ ժողովրդին, սպասարկու, հպատակ ազգի կարգավիճակ։ Ի՞նչ է իր կեցվածքը թուրքադրբեջանական տանդեմի առջև քան հլու հպատակություն, տանք, որ խաղաղ ապրենք, չէ, խաղաղ չես ապրելու և նահատակի կարգավիճակն էլ քեզ համար չի լինելու, քոնը խարանն է՝ ճակատիդ վրա և ազգուտակիդ․․․

Փաստենք նաև, որ հանդիպման մասնակիցների մի հատվածը մեր դեսպանատան աշխատակիցներն են եղել, ապա նաև՝ իշխանությունների մտերիմները, նրանց ընտանիքների ներկայացուցիչները։ Մի խոսքով՝ ավտոբուսով Երևանից տարած նախընտրական հանդիպման համակազմ․․․

Ամերիկահայերը նույնպես մերժեցին Նիկոլին

Փաշինյանին մերժեցին ոչ միայն ամերիկացիները՝ ամերիկյան նոր՝ պահպանողական իշխանությունը, կոնգրեսմեններն ու սենատորները, այլև ամերիկահայ երիտասարդությունը մերժեց։

Նիկոլ Փաշինյանի այցի առթիվ Վաշինգտոնում, ՀՀ դեսպանատան դիմաց ամերիկահայ երիտասարդության՝ կազմակերպած ցույցը, որ ուղեկցվում էր՝ ցուցապաստառների գրություններով՝ «Գերիները մոռացված», «Արցախը դավաճանված» դատապարտում էին ոչ այլ ինչ էր, քան Փաշինյանի վարած քաղաքականության դատապարտում և Փաշինյանի մերժում։

Վաշինգտոնյան ցույցերը վկայում են, որ ոչ միայն Հայաստանում է օրօրի նահանջում փաշինյանի վարկանիշը, այլև՝ սփյուռքում։ Ուր հայությունը՝ մեծից փոքր, այլևս հասկացել է՝ փաշինյանական իշխանությունը վտանգի տակ է դրել Հայաստանի ինքնիշխանությունը, կորստյան է մատնել Արցախը, հրաժարվել է՝ Արցախից, իսկ արցախցուն թողել իր պրոբլեմների հետ միայնակ։

Ըստ էության, Փաշինյանի այս այցը՝ Վաշինգտոն փորձ է հաճոյանալու նոր իշխանությանը, վստահեցնելով, որ ինքը պատրաստ է մոռանալ Հայոց ցեղասպանությունը, պատրաստ է անտեսել ավանդական Սփյուռքի գործոնը․․․

«Փաշինյանը նախընտրել է ժամանել Վաշինգտոն՝ մեր քաղաքը, եւ սպասում է, որ մենք իրեն պատվենք, նրա ներկայացման մեկ մասը լինենք՝ լռությամբ ընդունելով հայկական հողերի ու կյանքերի հանձնումը, ժողովրդավարության եւ արժանապատուության կորուստը։ Մենք բացարձակ մերժում ենք այդօրինակ քաղաքականությունը, հավատարիմ՝ մեր իրական ազգային արժեքներին եւ շահերին», - նշվում է ՀՅԴ Վաշինգտոնի «Սեպուհ» կոմիտեության հրապարակված հայտարարության մեջ։

Երիտասարդների բողոքի զանգվածային ցույցերը վկայում են, որ Փաշինյանին ԱՄՆ-ը մերժեց․․․

Իրականում՝ նահատակի կարգավիճակ հենց ինքն է փորձում տալ հայ ժողովրդին, սպասարկու, հպատակ ազգի կարգավիճակ։ Ի՞նչ է իր կեցվածքը թուրքադրբեջանական տանդեմի առջև, քան՝ հլու հպատակություն․․․ Տանք, որ խաղաղ ապրենք, չէ, խաղաղ չես ապրելու և նահատակի կարգավիճա՛կն էլ քեզ համար չի լինելու, քոնը խարանն է՝ ճակատիդ վրա և ազգուտակիդ․․․
Իսկ միակ միջավայրդ, ուր մերժված չես, սեկտանտայինն է։

Աղբյուր` Փաստինֆո