Փաստ ինֆո

«Խաղաղության պայմանագրին» այն տեսքով, որ հիմա մատուցվում է՝ ես կողմ կքվեարկեմ, այս պահին ես դրանում որևէ խնդիր չեմ տեսնում։ Այս մասին «Փաստինֆոյի» հետ զրույցում ասաց արդեն անկախ պատգամավոր Հովիկ Աղազարյանը։

«Այն տեսքով, որ հիմա կա պայմանագիրը՝ ես խնդիր չեմ տեսնում, բայց եթե պայմանագիրը որոշակի փոփոխվի՝ իմ որոշումը կարող է համընկնել, բայց կարող է նաև չհամընկնել ՔՊ-ի դիրքորոշման հետ։ Սա վերաբերում է նաև Անկախության հռչակագրի, Սահմանադրության և Ապահովագրության համապարփակ համակարգի ներդրմանը։ Սրանք այն սկզբունքային պահերն են, որոնց վերաբերյալ ես իմ դիրքորոշումը պետք է ունենամ։ Բոլոր դեպքերում, այդ թվում՝ ինձ անձեռմխելիությունից զրկելուն, ես քվեարկելու եմ այնպես, ինչպես ՔՊ-ն»,-ասաց Աղազարյանը։

Աղազրայանը նաև հայտնեց, որ երբ իր հեռախոսն առգրավում էին՝ դատարանի որոշում չի եղել, բայց դատարանի որոշում պետք է լիներ, որով թույլատրվում է իրականացնել թվային խուզարկություն։ «Ինձ բացատրեցին, որ առգրավման ժամանակ դատարանի որոշումը պարտադիր չի, եթե դատարանը թույլ չի տալիս թվային խուզարկություն, ապահոռախոսը վերադարձնում են, եթե թույլ է տալիս, խուզարկություն են իրականացնում։ Հասկանալու համար, այս պրոցեսում օրենքի խախոտւմ եղել, թե ոչ, իմ փաստաբանը համապատասխան իրավական քայլեր է կատարում»։

Հարցին, թե իր համար զարմանալի չէ՞, եթե ինքը պետական գաղտնիք պարունակող տեղեկատվության արտահոսք է թույլ տվել, ապա ինչու դատախազությունը դեռ դեռ չի մտել խորհրդարան իրեն անձեռնմխելությունից զրկելու համար՝ նա պատասխանեց, որ իր հեռախոսի տվյալների մեջ նման ինֆորմացիա չկա, նման տեղեկատվություն իբրև թե հայտնվել է օպերատիվ հետախուզական միջոցառումների արդյունքում։ «Այսինքն, դա իբրև թե հայտնաբերվել է այն ժամանակ, երբ արտահոսքը տեղի է ունեցել, հարց է առաջանում, երբ այդ օպերատիվ տեղեկություններն ի հայտ են եկել՝ ինչու չեն իրականացվել իրավական գործընթացներ, հետևաբար այստեղ լիքը հարց կա»,-ասաց նա՝ ընդգծելով, որ այս պահին իր փաստաբանը փորձում է պարզել բոլոր հանգամանքները, թե ինչպես է հեռախոսից տեղեկատվությունն հայտնվել է ինչ որ մարդկանց ձեռքին։ «Բոլոր հանգամանքները պարզելուց հետո՝ դատական գործընթաց կլինի»։

Հարցին, թե վիրավորված չի՞ իր թիմից՝ նա պատասխանեց, որ ոչ բոլորից։ «Իմ կողքին են, թե իմ կողքին չեն, բայց կան մարդիկ, ովքեր լուրջ թերահավատությամբ են լցված որ կարող է պետականության հետ կապված նման արտահոսքեր կազմակերպած լինեմ, ինչ մնումէ մյուս դրվագներին, որ ես իրենց ասել եմ, որ ամեն դրվագ ունի իր հիմնավորումը»։

Աղբյուր` Փաստինֆո