Փաստ ինֆո

Մեծ Բրիտանիային է մոտենում «Դարրա» փոթորիկը, որի արագությունը կարող է հասնել ժամում ավելի քան 145 կմ-ի: Այն մասին, որ երկրի բնակիչների համար կյանքի սպառնալիք է կախված, հայտնել են բրիտանական օդերեւութաբանական ծառայության կայքում:

Սպասվելիք տարերային աղետի կապակցությամբ օդերեւութաբանական ծառայությունը դեկտեմբերի 7-ին սահմանել է եղանակային վտանգի ամենաբարձր՝ կարմիր, մակարդակը: Այդ օրը Ուելսում եւ Անգլիայի հարավ-արեւմուտքում, բացի ուժեղ քամուց, հնարավոր են էլեկտրականության անջատումներ, տների վնաս, տրանսպորտի երթեւեկության ընդհատումներ, ինչպես նաեւ առափնյա շրջաններում ուժեղ ալիքներ: «Սպասվում է, որ վնաս պատճառող քամիները, որոնք կապված են «Դարրա» փոթորկի հետ, կհանգեցնեն զգալի ընդհատումների... կյանքին վտանգ է սպառնում թռչող բեկորների եւ ընկնող ծառերի տեսքով»,-ասված է օդերեւութաբանների հաղորդագրության մեջ:

Օդերեւութաբանների կազմած քարտեզից ստացված տեղեկատվության համաձայն՝ Մեծ Բրիտանիայի տարածքի մեծ մասում դեկտեմբերի 7-ին եղանակային վտանգի նվազագույն, դեղին մակարդակ է սահմանվել փոթորկոտ քամու պատճառով: Արևմտյան ափին և Հյուսիսային Իռլանդիայում գործելու է միջին՝ նարնջագույն, մակարդակ:

Աղբյուր` Փաստինֆո