Փաստ ինֆո

Արյան անոթների առողջության պահպանման գործում գլխավորը ճիշտ սննդակարգն է, կարծում է բժիշկ-դիետոլոգ, գաստրոէնտերոլոգ Ալեքսանդրա Նոյևը: Սրտի և արյան անոթների ամրապնդման համար նախատեսված մթերքներ նա բացահայտել է «Երեկոյան Մոսկվա» - ի հետ զրույցում։

Բժշկի խոսքով՝ սրտանոթային հիվանդությունների կանխարգելման համար սննդակարգում պետք է լինեն հակաօքսիդիչներ, եթերային յուղեր, ինչպես նաեւ B եւ C վիտամիններ: Այս բոլոր նյութերը, ասում է մասնագետը, առկա են բանջարեղենում եւ մրգերում: «Առաջին հերթին դա կիտրոնն ու նարինջն են։ Դրանք օգնում են բարձրացնել անոթների եւ երակների առաձգականությունը, լուծում են ճարպային կուտակումները, նվազեցնում ցածր խտության խոլեստերինը, թույլ չեն տալիս անոթներում գնդեր առաջանալ», — նշել է Նոյեւը։

Սննդաբանը նաև սրտի համար օգտակար է անվանել ճակնդեղը, քանի որ այն օգնում է նվազեցնել ճնշումը և բարելավում է արյան անոթների վիճակը: Նրա կարծիքով՝ նեխուրը նվազեցնում է արյան մեջ շաքարի մակարդակը, իսկ դդումը՝ վատ խոլեստերինի մակարդակը։ «Պետք չէ մոռանալ նաեւ ավոկադոյի մասին, այն մեծ քանակությամբ օմեգա-3 պոլիչհագեցած ճարպաթթուներ է պարունակում», — նշել է բժիշկը: Նրա խոսքով՝ այս պտուղը օգնում է կարգավորել զարկերակային ճնշումը և խոլեստերինը։

Բացի այդ, սննդաբանը կոչ է արել սննդակարգում սխտոր ներառել։ Նա նշել է, որ այս մթերքը օգտակար նյութերի շտեմարան է, կարող է լուծել խոլեստերինի գնդերը, մաքրել անոթները և նվազեցնել ճնշումը: Նրա խոսքով՝ օգտակար է նաև պարբերաբար խնձոր ուտելը, քանի որ այն կանխում են անոթների խցանումը:

Վերջապես, սրտի եւ անոթների առողջության համար փորձագետը խորհուրդ է տվել յուղոտ ձուկ ուտել։ Նա բացատրել է, որ օմեգա-3-ի պարունակության շնորհիվ այն նվազեցնում է ինֆարկտների և ինսուլտների ռիսկը:

Աղբյուր` Փաստինֆո