Փաստ ինֆո

Ձուն բարելավում է մտավոր ունակությունները եւ նվազեցնում Ալցհեյմերի հիվանդության զարգացման հավանականությունը, կարծում է բժիշկ-էնդոկրինոլոգ Զուխրա Պավլովան: Ձվի անսպասելի օգտակարության մասին նա պատմել է Telegram-ի իր ալիքում։

Պավլովան կոչ է արել պարբերաբար ձու ուտել՝ հիշողության կորստի, մտավոր ունակությունների նվազման եւ անձի փոփոխության հետ կապված ուղեղի պաթոլոգիաների զարգացման ռիսկը նվազեցնելու համար: «Բազմամյա դիտարկումը ցույց է տվել, որ Ալցհեյմերի հիվանդության կանխարգելման համար բավական է շաբաթական մեկ-երկու ձու», — հայտարարել է բժիշկը:

Բժիշկն ուշադրություն է դարձրել, որ այս մթերքի ազդեցությունը դեմենցիայի զարգացման վրա 39 տոկոսով պայմանավորված է դեղնուցի մեջ խոլինի պարունակությամբ։ Նա պարզաբանել է, որ խոլինը բարելավում է ուշադրությունը, կենտրոնացումը, բարձրացնում է բջիջների զգայունությունը երջանկության հորմոնի՝ դոպամինի նկատմամբ և դրական է ազդում տրամադրության վրա:

Բացի այդ, Պավլովան նշել է ձվի այլ օգտակար հատկությունները։ Նրա խոսքով՝ դրանք պարունակում են մեծ քանակությամբ օմեգա-3 ճարպաթթուներ, ինչպես նաև լուտեին և լավ խոլեստերին:

Աղբյուր` Փաստինֆո