Փաստ ինֆո

Ակնհայտ է, որ ավտոբուսների ոլորտում եղել է ստվեր, ակնհայտ է նաև, որ Երևանի քաղաքապետարանը գործուն միջոցներ է ձեռնարկել այդ ստվերը կճատելու համար։ Այս մասին ԱԺ-ում կառավարության հետ հարցուպատասխանի ընթացքում ասաց վարչապետ Նիկոլ Փաշինյանը՝ անդրադառնալով վարորդների գործադուլին։

«Չեմ համաձարկվի ենթադրել, թե մեր աշխատավոր վարորդներն այդ ստվերից օգտվող թիվ մեկ շահառուն են եղել։ Ըստ ամենյանի՝ դա եղել է համակարգված մեխանիզմ, չգիտեմ՝ ինչքան պաշտոնյա, ոչ պաշտոնյա են եղել, ինչքան քրեածին միջավայրից մարդկանց կերակրատաշտը կտրվել է, ընդ որում՝ նրանք վարորդները չեն։ Համոզված եմ, որ աշխատավոր մարդկանց ձեռքով փորձ է արվում բաներ անել, բայց այդ պատմության թիվ մեկ շահառուն աշխատավոր մարդիկ չեն»,-ասաց Փաշինյանը՝ ընդգծելով, որ 30 տարի տրանսպորտի որակի խնդիր կա մեր երկրում, որը հիմա փորձում են լուծել։
Նա նաև ընդդիմությանը մեղադրեց. «Հենց մի տեղ 5 մարդ հավաքվում է՝ գնում եք՝ գլխին կանգնում, ձեր խնդիրն է, բայց ինչ որ մարդիկ կտրվել են կերակրատածտից, դուք էլ, չգիտեմ, թե ինչ առնչություն ունեք այդ թեմայի հետ»,-ասաց Փաշինյանը՝ դիմելով «Հայաստան» խմբակցության պատգամավոր Գառնիկ Դանիելյանի հետ։

Դանիելյանը Փաշինյանի այս դիտարկումից վրդովվեց. «Կոռուպցիոներ եմ, այդ գումարները երևի ես եմ աշխատում։ էս էլ որերորդ անգամ է՝ ասում եք՝ թեմաներ եք գտնում։ Թեմաներն ընտրեք, ասեք՝ էս թեմաներից հարց տուր... Էս ի՞նչ բան է, ինչից ուզեմ, դրանից էլ կհարցնեմ։ Մի հոգի էլ կարիքս զգա՝ կգնամ, կողքին կկանգնեմ։ Վատ չէր լինի, որ Դուք էլ, Ձեր պատգամավորներն էլ, նաև Ձեր պաշտոնյաներն էլ գայիք, կողքներին կագնեիք, ոնց որ մոռացել եք մարդկանց կողքին կանգնելու մասին։ Մյուս անգամ մի՛ ասեք, թե որտեղ գնամ, ինչ ասեմ։ Ավելի լավ է՝ Դո՛ւք ասեք՝ ինչ կոռուպցիա կա, որ ամբողջ պատասխանատվությունը դրել եք էդ մարդկանց վրա հեսա պետական դավաճչան էլ կհանեք»,- ասաց պատգամավորը։

Նա նշեց, որ 38 հոգու վրա գործ եք հարուցել, այդ թվում՝ 4 անչափահաս երեխա ունեցողների։ «Գնացեք դատեք, ինչ ասեմ, որ համարձակվել են բողոքել։ Իրենց մեղքը դա է»,-ասաց Դանելյանը։

«Պարո՛ն Դանիելյան, մի վրդովվեք, դե Դուք էլ պատասխանները գրեք՝ ինչ պատասխանեմ»,-արձագանքեց Փաշինյանը։

Աղբյուր` Փաստինֆո