Փաստ ինֆո

Գյումրիում ՔՊ-ի վերադասավորումների մասին խոսակցություն ընդհանրապես գոյություն չունի, մենք օրենքով սահմանված կարգով ես Շիրակի մարզպետն եմ, իրականացնում եմ իմ լիազորությունները: Այս մասին ԱԺ-ում լրագրողների հետ զրույցում ասաց ՀՀ Շիրակի մարզպետ Մուշեղ Մուրադյանը՝ անդրադառնալով տեղեկություններին, ըստ որոնց Շիրակում ՔՊ-ի վերադասավորումների արդյունքում մարզպետը կարող է դուրս մնալ պաշտոնից:

Լրագրողների հարցին, որ Գյումրիի քաղաքապետի թեկնածու Կարեն Սարուխանյանի ու ՔՊ-ի վարկանիշը շատ ցածր է՝ նա պատասխանեց. «Ես միանշանակ կպնդեմ, որ մեր վարկանիշը շատ բարձր է: Վերջին շրջանում Անի համայնքում ունեցել ենք ՏԻՄ ընտրություններ և միանձնյա ստանձնել ենք այնտեղ իշխանություն Ախուրյանում ևս ՔՊ-ն է եկել իշխանության»:

Դիտարկմանը, թե զոռով է եկել՝ նա պատասխանեց. «Հիմա ինչ-որ մեկը կարո՞ղ է որևէ բան ասել կամ անել, պարզ ճշմարիտ իրավական քաղաքական գործընթաց է իրականացվել ու մենք իշխանության ենք եկել նաև Ախուրյանում»։

Պնդմանը, թե անգամ ՔՊ-ականներն են ասում , որ Գյումրիում պատրաստ չեք ընտրությունների ու թեկնածուն վարկանիշ չունի՝ նա պատասխանեց. «Մեր թեկնածուն Շիրակի մարզից է, Գյումրիից է, Շիրակի մարզպետ է աշխատել: Նա այս պահին էլ ԱԺ պատգամավոր է: Նրան հարգում են, սիրում են, ընդունում են, նաև թիմը»:

Աղբյուր` Փաստինֆո