Փաստ ինֆո

Իրենց առաջարկը ենթադրում է սովորական վարձակալություն, եթե սովորական վարձակալությունը մեզ ձեռք տար, մենք կարող էինք ցանկացած թատրոնում օրեր վերցնել և խաղալ ներկայացումներ։ Այս մասին այսօր լրագրողների հետ զրույցում ասաց «Գոյ» թատրոնի աշխատակից Աշոտ Տեր- Մաթրոսյանը՝ անդրադառնալով հարցին, թե ինչու են մերժել նախարարության և Սունդուկյանի անվան ազգային ակադեմիական թատրոնի տնօրեն Վարդան Մկրտչյանի առաջարկը «Գոյ» թատրոնին՝ անկախ թատրոն մնալու դեպքում՝ բոլոր ուրբաթ, շաբաթ և կիրակիր օրերը ներկայացում խաղալու համար  տարածքը իրենց տրամադրելու մասին։

«Սա մանիպուլիացիա է։ Եթե ուշադիր եղաք՝ Մկրտչյանը պարզ ասաց, որ մեզ հետ խոսելու ցանկություն չունի, եթե մեզ հետ խոսելու ցանկություն չունի, ապա հասկանալի է, թե ինչու էր իրեն էդպես պահում, որովհետև եթե մարդիկ գալիս են հարցով իր տուն՝ հյուրընկալը պետք է ասի՝ բարև ձեզ, լսում եմ ձեզ, բայց մարդը փոխարենը մեզ լսելու՝ ասում է այն, ինչը մենք գիտենք։

Եթե հարկ լինի՝ մենք էլ կարող ենք բանակցություններից չակերտներ բացել, բայց մեզ չեն առաջարկել այն, ինչը կարող է ալտերնատիվ լինել։ Անընդհատ բերել են առաջարկ, որը ենթադրում է այն, որ պետք է իրենց ենթակայության տակ աշխատենք»,-ասաց նա՝ ընդգծելով, որ այս պահին դատարում վիճարկման հայց է, ոչ թե ճանաչման հայց։

Նա նաև նշեց, որ Սունդուկյանի անվան թատրոնի տնօրենն ունեցել է հանդիպում «Գոյի» ներկայացուցիչների հետ, սակայն պարզվել է, որ հանդիպումը գաղտնի ձայնագրվել է։ «Դրանից հետո մեզ ասել են, որ ինքն մեզ հետ էլ չի խոսելու, հետևաբար մեզ մերս հրավիրելը ուղղակի ներկայացում էր։ Ինքը մեզ հետ չի ուզում խոսել, մինչդեռ մենք իր հետ խոսելու բան ունենք»,-ասատ Տեր Մաթևոսյանը։

Աղբյուր` Փաստինֆո