Փաստ ինֆո

Այսօր ուժի մեջ է մտել Երևանի քաղաքապետարանի որոշումն, ըստ որի հասարակական տրանսպորտից, մասնավորապես՝ MAN, ZhongTong և GazelCity մակնիշի փոխադրամիջոցներից օգտվելիս պարտադիր պայման է լինելու 100 դրամանոց մետաղադրամի առկայությունը, կամ ավտոբուսներում և մայրաքաղաքի տարբեր վայրերում տեղադրված վճարային համակարգով QR կոդի միջոցով վճարում իրականացնելը։

Առավոտից արդեն բազմաթիվ տեսանյութեր են տարածվել, թե ինչ իրավիճակ է Երևանի մետրոպոլիտենում, այն պատճառով, որ քաղաքացիները դժվարանում են օգտվել հասարակական տրանսպորտից։

Այս որոշումը նաև լայնորեն քննարկվում է սոցիալական հարթակներում։ Քաղաքացիները հիմնականում հումորային գրառումներ են անում 100 դրամանոցներով վճարելու պայմանի վերաբերյալ։

Ներկայացնում ենք գրառումներից մի քանիսը։

Ֆեյսբուքյան օգտատեր Սոֆի Բաբայանը գրում է.

«Զրույց մտահոգություն վաղվանից սկսվող աննորմալ իրականության վերաբերյալ.
֊Աղջիկներ, հիմա, որ 100 դրամանոց չունեմ ու ծրագիրը չեմ կարող ներբեռնել, չեմ կարող գալ գործի։
֊Չէ... կամ գումար գտիր տաքսիով արի։
Մի քանի րոպե հետո...
֊ Վայ, երեխեք հրաշք... պապայիս գրպանից 2 հատիկ 100 դրամանոց եմ գտել։
Քիչ հետո կրկին.
֊Ինչ լավա մի հատ էլ հարևանից վերցրի»։

Օգտատերերի մի մասն էլ վաճառքի է հանել 100 դրամանոցները, գինը հասել է մինչև 200 դրամի։

Լիլիթ Աղաջանյանն էլ գրում է.

«Մեր տարածքի բոլոր խանութներում 100 դրամանոց չկա։ Վաճառողները ասում են Լիլ մեզ էսօր վառել են, ով եկել ա 100 դրամանոց ա ուզել։
Հըն գոհ եք ձեր դարակազմիկ որոշումից։

Լավ կլինի մի բան մտածեք, որ մարդիկ քիչ նեռվայնանան, որ գոնե մեծ մասի համար լինի պարզ, հասկանալի ու հարմար»;

Արմինե Մկրտումյան-Սահակյանն էլ գրում է.

«Ուրեմն ասեմ`

Ուղեվարձի հետ կապված֊
Եթե 100 դրամանոց չունես և ունես ասենք 200֊ով, էն «պատպրեսաԳՈԳին» դնում ես էդ 200֊ը ու մանր չես ստանում (քանի որ վարորդին արգելվում է վերցնել գումարը կամ մանր տալ)

Ուղերևորներից մեկը բորբոքվեց. «Է, եթե մենակ 100 դրամ ենք տալու` թող մենակ 100 դրամանոց արտադրեն, էդ 50, 200 դրամանոցները ինչի՞ են արտադրում մյուսները ևս հունից դուրս եկան։ Վարորդն էլ սրտնեղեց, թե` ես ինչ անեմ, առանց այն էլ լարված եմ....

Մի խոսքով` ինչ ա ստացում...

Երևանի քաղաքապետարան / Yerevan Municipality

Էս փաստորեն ուղեվարձի թանկացման նոր մեթոդ էր, բրավո ձեր գրպանը լցնելու համար ուղեղներդ 160֊ի տակ աշխատում ա
Նայեք` перебой չլինի

Հ.Գ. Ես 200 դրամ տվեցի, բայց հետ գնալիս` էլ չեմ վճարելու
Էսօրվա` туда- обратно֊ն արդեն տվել եմ քաղաքապետարանին»։

Տաթևիկ Խաչատրյանն էլ գրում է.

«Մարդ 100 դրամանոց կոպեկի փառք ունենար էս օրով. բոլորն ամենուր իրեն փնտրեին, քչերը գտնեին ու երթուղայինի վարորդներն ու երթուղայինից օգտվողներն իրար փռթեին քո դիֆիցիտից։
Իսկ Երևանի քպետարանում մարդիկ ինքնավստահ դեմքով զմայլվեին իրենց «բարեփոխումներով»»։

Աղբյուր` Փաստինֆո