Փաստ ինֆո

Ցրտերի գալուն պես մարդու օրգանիզմն անցնում է ճարպերի այրման ռեժիմի և պատշաճ նյութափոխանակության կարիք ունի։ Այս մասին ասել է սննդաբան Իրինա Շիմանսկայան։

«Ճարպի այրման գործընթացը վերահսկվում է եռամիասնությամբ՝ հիպոթալամուս, վահանաձև գեղձ և մակերիկամներ: Նրանց ակտիվորեն խանգարում են սթրեսը, խրոնիկ հիվանդությունները, ոտքի վրա ու սեզոնից դուրս սնվելը: Արդյունքում՝ ճարպը չի այրվում, էներգիա չկա, ձեռքերն ու ոտքերը սառն են, տրամադրությունը զրոյական է։ Ուստի սննդակարգում ընդգրկում ենք տաք մթերքներ և համեմունքներ, որոնք ակտիվացնում են ջերմափոխանակումը»,- ասում է մասնագետը։

Սննդակարգում առաջին տեղում են գառան միսը, թռչնամիսը և ձուկը: Սպիտակուցն ավելի հեշտ է մարսվում և ավելի լավ է սնուցում օրգանիզմը տաք արգանակների տեսքով։

Օգտակար են նաև ճակնդեղը, գազարը, դդումը, քաղցր կարտոֆիլը, բողկը, կաղամբը, սոխը, սխտորը, շաղգամը։ Դրանք պարունակում են բջջանյութ և իմունիտետը բարձրացնելուն անհրաժեշտ կարոտինոիդներ, հակաօքսիդանտներ, E և C վիտամիններ, B խմբի վիտամիններ։

Աշնանը ձեր սննդակարգում պետք է ներառեք վիտամին C-ով հարուստ լոռամիրգ:

Դուք կարող եք ավելացնել ճաշատեսակներին և խմիչքներին տաքացնող հատկություն՝ դրանցում օգտագործելով համեմունքներ, օրինակ՝ կոճապղպեղ, քրքում, սև և կծու կարմիր պղպեղ՝ հավելել է Շիմանսկայան։

Աղբյուր` Փաստինֆո