Փաստ ինֆո

«Անցյալ տարի այս օրը ես ասում էի, որ փոփոխություններ են տեղի ունեցել, գլխավոր դատախազ է փոխվել և «Հոկտեմբերի 27»-ի գործի 25 -ամյակին ես ակնկալում էի, որ բազմաթիվ հարցերի պատասխաններ կարող ենք գտնել։ «Հոկտեմբերի 27»-ի գործի քննչական խմբի թողած ժառանգությունը՝ հատորների տեսքով, տալիս էր այդ հնարավորությունը: Եվ պատահական չէ, որ նախկինում իշխանություններն ինչ-ինչ պատճառներով այդ գործընթացը սառեցրեցին և դատավարությունն էլ մկրատով կտրեցին»,- լրագրողների հետ ճեպազրույցում ասաց ՀՀ ԱԺ «ՔՊ» խմբակցության պատգամավոր Անդրանիկ Քոչարյանը:

«Ու՞ր է հիմա պարոն Ուզունյանը, այդ հարցը մեր գլխավոր դատախազին պետք է շատ հուզի, ո՞նց եղավ , որ անհետացավ դատավարությունը մկրատով կտրողը:Իհարկե առանց պատվերի դա չէր կարող լինել,որովհետև դատավարության շնորհիվ պետք է բացահայտվեին բազմաթիվ դրվագներ, որ պետք է բացահայտեին եղելությունը:Ո՞ւր է Ալիկ Հարությունյանը՝ նախագահ Ռոբերտ Քոչարյանի աշխատակազմի ղեկավարը,որևէ մեկը լսե՞լ է այդ մարդու մասին, ով կարևորագույն վկա է:Կան մարդիկ, որոնք այս գործի բացահայտման համար շարունակում են մնալ որպես բանալի:Խնդիրներ կա և ես ակնկալում եմ, որ մեր գլխավոր դատախազի կողմից մեր պետության ողբերգական էջի բացահայտումը հնարավորություն կտա կանխել հետագա նման ցանկությունները:Համենայն դեպս 25 -ամյակը մենք նշում ենք առանց բացահայտման, որը շատ վատ է», - ասաց Քոչարյանը:

Նա հավելեց, որ գոնե բացահայտման հեռանկարի մասին խոսակցություններ պետք է լինեին,որպեսզի բոլորը հասկանային,որ ինչ-որ ուղղությամբ ճիշտ քալում են,իսկ բացահատման համար նախկին քննչական խումբը,ղեկավարվելով պարոն Ջհանգիրյանի կողմից,թողել է բավականին հարուստ ժառանգություն:Թող բարի լինեն կարդան թե այնտեղ տողատակերում ինչ է գրված: Այսօր էլ Հոկտեմբերի 27-ը կարող է կրնկնվել», - ասել է Անդրանիկ Քոչարյանը՝ հավելելով, որ մի գործ վերջերս բացահայտեց ԱԱԾ-ն։

Աղբյուր` Փաստինֆո