Փաստ ինֆո

Այն, ինչ ՔՊ-ն մեզ է վերագրում, թե մենք չենք ուզում սահմանազատում, դա պարզ մանիպուլյացիա է, առաջինը մենք ենք հայտարարել, որ չափազանց կարևոր է սահմանազատում և սահմանագծումը, հարցն այն է, թե ինչ մոտեցումներով ու ինչ իրավական հիմքերով է դա արվում։ Այս մասին «Փաստինֆոյի» հետ զրույցում ասաց ՀՀ ԱԺ «Հայաստան» խմբակցության քարտուղար Արծվիկ Մինասյանը։

«Այսինքն, դու վերցնում ես, քո ամբողջ, պետական շահը, հանձնում Ադրբեջանին ու հարցնում՝ «ո՞ր սահմաններով ես մեզ ճանաչում և ո՞ր գծով պետք է անցնի մեր սահմանը, ոնց ասես՝ էդպես կշարժվենք», մեզ համար այդ մոտեցումը մերժելի է»,- ասաց Մինասյանն ու ավելացրեց. «գոյություն ունեն Խորհրդային Միության տարիներին ձևավորված սահմաններ, բայց հարց է առաջանում, թե մինչև այդտեղ հասնելը՝ Ադրբեջանական հանրապետությունը չի ընդունում այդ Խորհրդային միության սահմանները, հայտարարում է, որ առաջին կեղծ Ադրբեջանական հանրապետության իրավահաջորդն է, ամբողջ տարածաշրջանում ավելի հսկայական տարածքային պահանջներ ունի իր հարևաններից՝ ներառյալ Վրաստանից, Հայաստանից, անգամ Իրանից։ Երբ դու շարժվում ես ադրբեջանական օրակարգով՝ դա դառնում է, ոչ թե սահմանազատում, սահմանագծում, այլ զիջում իրենց պահանջներին մենք սրան ենք դեմ»։
Անդրադառնալով հարցին, թե մտավախություն չունեն՞, որ կանոնակարգը Հայաստանի կողմից չվավերացվելու դեպքում Ադրբեջանին դա հիմք կտա միջազգային հարթակներում շահարկելու այդ հարցը,

նա նշեց, որ միջազգային հանրությունը լավ գիտի, թե ով է Ադրբեջանը։ «Մեր խնդիրը ոչ թե միջազգային հանրության աչքերը բացելն է, այլ մղելը միջազգային հանրությանը, որ ինքը գործողություններ ձեռնարկի։ Անընդհատ զիջելով միջազգային հանրությանը չես մղում քայլեր ձեռնարկելու»,-ասաց նա։

Մանրամասները՝ տեսանյութում։

Աղբյուր` Փաստինֆո