Փաստ ինֆո

Ադրբեջանին հաջողվում է մշակութային զտման ու մշակութային ցեղասպանական իր քաղաքականությանն ու քարոզչությանը մասնակից դարձնել նաև դիվանագիտական կորպուսին։ Այդ մասին «Փաստինֆո»-ին ասաց ՀՀ ԱԺ «Հայաստան» խմբակցության պատգամավոր Լիլիթ Գալստյանը՝ արձանագրելով, որ Արցախի հայկական հետքը վերացնելու ադրբեջանական քաղաքականությունը նոր դրսևորումներ է ստանում։

Ինչպես արդեն հայտնել ենք՝ Ադրբեջանի նախագահի օգնական Հիքմեթ Հաջիևի ուղեկցությամբ Ադրբեջանում հավատարմագրված դիվանագիտական կորպուսի անդամներն այսօր այցելել են օկուպացված Դադիվանք, որտեղ 9-րդ դարի հայկական եկեղեցին դիվանագետներին ներկայացվել է որպես «ադրբեջանական մշակութային ժառանգության» վառ օրինակ։

Տիկին Գալստյանն ընդգծեց, որ ցեղասպան և ագրեսոր Ադրբեջանը հայկական մշակութային ժառանգության ոչնչացման ծրագրավորված և հետևողական պետական քաղաքականութուն է իրականացնում։

«Ալիևի հրամանագրով անգամ համապատասխան հանձաժողով է ստեղծվել, որը լիազորված է կյանքի կոչել ադրբեջանական վանդալիզմի, ոչնչացման կամ յուրացման քաղաքականությունը։ Օրինակները բազում են։Հիշեցնենք նաև վերջերս Վատիկանում լույս տեսնող L'Osservatore Romano պարբերականում հրապարակված «Քրիստոնեության ակունքներն Ադրբեջանում․ ալբանական առաքելական եկեղեցու հետքերով» հոդվածը, ուր 13դ․ վանական համալիրներ Դադիվանքը և Գանձասարն անվերապահորեն ներկայացվում էին որպես Ադրբեջանի տարածքում գտնվող ալբանական մշակույթի և ալբանական եկեղեցու խոշորագույն դրսևորումներ, իսկ Ադրբեջանը՝ քրիստոնության օրրան է։

Այսպիսի ողբերգական փաստի առաջ ենք կանգնած, որովհետև ապրում ենք բացակա պետության պայմաններում, որի «ղեկավարները» հակադրում են ազգայինն ու պետականը, Հայրենիքն ու Պետությունը»,- նշեց պատգամավորը՝ փաստելով, որ օրվա իշխանությունը մեր Հայրենիք Արցախը պարզապես տվել են թշնամուն, ու թշնամին ինտենսիվորեն յուրացնում է այն՝ հեռակարում ունենալով Հայաստանը։

«Մեր հասարակությունը շարունակում է չգիտակցել ողբերգության և աղետի մասշտաբը...հաջորդ հանգրվանը Հայստանն է։

Ադրբեջանի պետական սիմֆոնիկ օրկեստրի և ազգային երգչախումբի երգացանկում Էրիվանի թուրքական Հանրապետության հիմնն է, որը համեևգային կատարումներ է ունենում․․․:

Նշեմ , որ վերջերս պաշտոնական հարցում էի ուղարկել կառավարությանը՝ ակնկալելով պատասխան ստանալ, թե ՀՀ կառավարությունն ինչ քաղաքականություն կամ ծրագիր է մշակել՝ հակազդելու Արցախում հայկական մշակութային հետքի վերացմանն ուղղված ադրբեջանական քաղաքականությանը։

Ստացել եմ հրապարակման ոչ ենթակա, ԳԱՂՏՆԻ մակագրությամբ, մի պատասխան ոչնչի մասին․ կառավարության ծրագրային և ռազմավարական նպատակադրումներից ցիտատներով լեցուն․․․

Այդպես էլ չհասկացա, թե վերջինիս գաղտնիությունն ինչո՞ւմ է։

Հայրենազրկումի ճանապարհին՝ քանի դեռ այսպիսին է ՀՀ իշխանությունը», - ասաց պատգամավորը։

Աղբյուր` Փաստինֆո