Փաստ ինֆո

Հայերի մոտ բավական վաղուց, նույնիսկ խորհրդային ժամանակներից կար ձևավորված հոգեբանություն, որը բնութագրում ենք որպես՝ «որտեղ հաց, այնտեղ կաց»։ Դա եղել է 2018թ. ի հեղափոխության հիմքում դրված», - այսօր վաղ առավոտյան Նիկոլ Փաշինյանի շրջանառության մեջ դրած նոր թեզի մասին ասել է հոգեբան Միհրդատ Մադաթյանը։

Ինչպես արդեն հայտնել ենք՝ այսօր Նիկոլ Փաշինյանը, իրեն նույնականացնելով ՀՀ-ի հետ, ֆեյսբուքում գրառում էր կատարել հետեւյալ բովանդակությամբ՝ «Հայաստանի Հանրապետության կոչը սեփական քաղաքացիներին՝ այստեղ հաց, այստեղ կաց»։

«Այդ հեղարշրջման հիմքում Դուք հայրենասիրական, գաղափարական ոչ մի բան չեք գտնի, բացի թալանից, բռնելու եմ, դատելու եմ, ասֆալտին եմ փռելու։ Սրանք լրիվ տեղավորվում են այդ կարգախոսի տակ։ Ի սկզբանե, Փաշինյանի և «ՔՊ» ի հայեցակարգը եղել է հենց դա։ Միայն այս հայեցակարգի շնորհիվ հնարավոր եղավ Արցախը հանձնել ու նման իրավիճակ ունենալ։ Ուրիշ օրինակ բերեմ՝ Արցախը հանձնելուց առաջ և հետո Արցախին տրված գումարից խոսելը, հանձնելուց հետո արցախցիներին օգնություններ տալը ու դրա մասին բարձրաձայնելը, Արցախը որպես ֆինանսական բեռ ներկայացնելը, տրված ֆինանսական աջակցությունը երեսով տալը նույնպես տեղավորվում է այդ կարգախոսի տակ։ Փաշինյանի կարգախոսը դեռևս 90- ական թվականներից եղել է «որտեղ հաց, այնտեղ կացը»։Դրա մեջ չկա ազգություն, չկա հայրենասիրություն, չկա հայրենիք՝ կա կոսմոպոլիտիզմ, մեծ աշխարհ, որի մեջ մարդիկ պետք է ապրեն այնտեղ, որտեղ հաց կա։ Ու չի թաքցրել Նիկոլ Փաշինյանը իր այդ մտածելակերպը, սրա մասին միշտ ասել է, - ասաց հոգեբանը։

Մադաթյանի արձանագրմամբ՝ Նիկոլ Փաշինյանի կողքին հավաքվել են նրանք, որոնք միշտ ապրել են «որտեղ հաց, այնտեղ կաց» կարգախոսով՝ «Սուքիասյան Խաչիկը, Գագիկ Մելքոնյան անունով մեկը, ով եղել է բանակի թիկունքի պետը, այսինքն պատասխանատու Վահագն Ալեքսանյանի վարտիքի համար, որ նա, իր ասելով, բանակում ծառայելիս չի ունեցել, հասկանո՞ւմ եք չէ, Գագիկ Մելքոնյանն է այդ ժամանակ եղել թիկունքի պետը, բայց այդ ժամանակ այդտեղ հաց է եղել։ Հիմա «ՔՊ»- ում հաց կա, եկել է « ՔՊ» ու հայհոյում է նրանց, ովքեր այդ ժամանակ իրեն հաց են տվել։
Մասնագետի խոսքերով՝ «ՔՊ»-ն չունի այլ կարգախոս, գաղափարախոսություն, որով ինքը ապրում է։ Միակ գաղափարախոսությունը սա է՝ կարևորել ստամոքսը, ֆիզիկականը, ստորադասել հոգևորը, ինչի հետևանքով ստորադասվում է, նաև Հայ Առաքելական եկեղեցին, ուսումը, մնացած բոլոր բաները։

«Փաշինյանը գնում է դպրոցներ նայելու, առաջնահերթ համարում է մարզադահլիճի որակը, իսկ թե դասարանների որակն ինչպիսի՞նն է, ի՞նչ կրթություն է տրվում այդ շենքում, դրա մասին չի խոսվում։ Եթե այլմոլորակայինը դիտեր մեզ , կմտածեր, որ դպրոցը ֆուտբոլ խաղալու համար է, որովհետև ամենակարևոր բանը, որ արվում է, դա պարզելն է՝ սպորտդահլիճում ֆուտբոլի ցանցը հավաքվում է, թե չի հավաքվում, քանի րոպե է դա տևում, իսկ իրականում երեխայի սպորտային կեցվածքը կողմնակի օգուտն է, որ դպրոցը պետք է տա, առաջնային օգուտը գիտելիքն է, որի մասին երբեք չեն խոսում»,- ասաց հոգեբանը։
Մեր պատմության մեջ մեր արքաներն ինչ-որ մակդիրներ են ունեցել, որակումներ, օրինակ՝ մեկին շինարարար են ասել, մյուսին երկաթ, իսկ անուն կդնեն Փաշինյանին, հարցին ի արձագանք՝ Մ.Մադաթյանն առանձնացրեց՝ «Ծամող Նիկոլ», որն ամեն տեղ հայտնի է ուտելով։ Նաև տեսնում ենք Փաշինյան՝ իր մանկական բարդույթներից դեռևս չձերբազատված։

«Հիշենք Փաշինյանին 2018թ. ին Դիլիջանում հեծանիվ վարելիս, և հիմա էլի հեծանիվ վարելն ու բոլոր այդ կարգախոսները տարածելը ՝ «Հեծանիվը կյանք է», « Կեցցե՛ հեծանիվը» և այլն։ Դա ընդամենը հասկանալի է դարձնում, որ փոքր ժամանակ ինքը հեծանիվ չի ունեցել և մանկության տարիների իր այդ բարդույթը բերել ու ինչ-որ ձևով հիմա փորձում է ինքնակայանալ։ Այդ ամենն ակնհայտ է, սա չէ խնդիրը, ավելի սարսափելի խնդիրն այն է, որ հասարակության զանգված կա, որի համար «որտեղ հաց, այնտեղ կաց» կարգախոսը ոչ միայն ընդունելի է, այլև կիրառելի։ Ինչի պատճառով մենք ընտրություններում ունենում ենք Փաշինյանի հաղթանակը։Այդ մարդիկ, որոնք նույնիսկ մեզ հետ զրուցելիս քննադատում են Փաշինյանին, ներքուստ, քանի որ այդ հայեցակարգն իրենց համար ամենահարազատն է, գնում ընտրում են Փաշինյանին։ Այ սա է սարսափելին, որ մենք որպես հանրություն, որպես ազգ, եկել ենք մի մակարդակի, որ հանրության մեջ բավականին մեծ զանգված ապրում են հենց «որտեղ հաց, այնտեղ կաց» կարգախոսով ու հենց իրենք էլ ընտրում են Փաշինյանին»,- եզրափակեց Մադաթյանը։

Աղբյուր` Փաստինֆո