Փաստ ինֆո

Արցախի Հանրապետության անկախության օրը՝ սեպտեմբերի 2-ին, ընդհատակից դուրս գալով Սուրեն Պետրոսյանը թիրախավորեց ոչ թե Արցախը Ադրբեջանի կազմում ճանաչող ու Ադրբեջանին հանձնած իշխանություններին, այլ Արցախի ազատագրական պայքարին մասնակցություն ունեցած ՀՀ երկրորդ ու երրորդ նախագահներին եւ Բագրատ Սրբազանին։ Ս.Պետրոսյանը հանկարծ հիշել էր, որ Սրբազանը քաղաքական գործիչ չէ, կարծես երբեւէ որեւէ մեկը հակառակը պնդել է ու այդ մասին ինքը չգիտել, երբ Սրբազանի հետեւեից քայլելով Տավուշից գալիս էր Երեւան։

Ինչեւէ, «Փաստինֆո»-ն յութուբյան իր ալիքում հարցում էր արել՝ փորձելով պարզել մեր քաղաքացիների դիրքորոշումը՝ Սուրեն Պետրոսյանի վերաբերյալ։

Սեպտեմբերի 3-ին նախաձեռնած հարցմանը 4 օրվա ընթացքում մասնակցել է 4800 մարդ, որի արդյունքում պարզվեց, որ նրան առանձնապես մեր քաղաքացիների 90 տոկոսի մոտ նա չունի որեւէ հեղինակություն։

Այսպես՝ հարցման մասնակիցների 53 տոկոսը նշել է, որ չի ճանաչում նման գործչի, 27 տոկոսը նրան համարել է կասկածելի դերակատար ունեցող, 9 տոկոսը նշել, որ Պետրոսյանը չի կարող լինել առաջնորդ և միայն մասնակիցների 6 տոկոսն է բարձր գնահատել Պետրոսյանին ու համարել, որ կարող է առաջնորդ լինել, մյուսներն էլ դժվարացել են պատասխանել։

Հետաքրքիր են նաեւ մեկնաբանությունները. օգտատերերից մեկը գրել է, որ «Սրբազանի հետեվից քայլեց տեսանք որ ըտենց մարդ կա, իրեն որպես քաղաքական գործիչ չեմ ճանաչում», մեկ ուրիշն էլ նշել է «Այդտեղ գործիչ բառը տեղ չունի»։

Աղբյուր` Փաստինֆո