Փաստ ինֆո

Ես ասել եմ, որ պետական ցանկացած սուբյեկտի նկատմամբ հարգանք ունեմ, իմ ասածի լոգիկան պարզ է։ Եթե, պայմանական, «իքս» սուբյեկտում անձը վատը լինի, նշանակում է սուբյեկտը վա՞տն է։ Ես այդ մարդկանցից ոչ մի ավելի քայլ չեմ տեսել, իրենք իրենց գործառույթն են կատարում, ես էլ իմ իրավունքներն ունեմ ու դրանք եմ պաշտպանում, հետևաբար՝ Պրոբացիայի ծառայության հետ ավել կամ պակաս բառ ասելու ոչ կարիք կա, ոչ էլ՝ անհրաժեշտություն։ Այս մասին դատարանի բակում լրագրողների հետ զրույցում ասաց Գորիսի քաղաքապետ Առուշ Առուշանյանը։

Հիշեցնենք, Առուշանյանն օրերս հայտարարել էր, թե իր հետ կատարվողը քաղաքական հետապնդում չէ, և որ ինքը մեծագույն հարգանք ունի պետական կառույցների նկատմամբ։

Դիտարկմանը, թե իր այդ խոսքերի համար իրեն քննադատում են, այդ թվում՝ նաև իր նախկին ընկերները, Առուշանյանն արձագանքեց. «Ես նախկին, ներկա ընկերներ չունեմ, ես ունեմ ընկերներ, գաղափարական ընկերներ։ Քննադատող մարդիկ իրականությունը քաղաքական համատեքստում են դիտակում։ Վերջին շրջանում շատ ակտուալ է, որ մարդիկ կարծիք են արտահայտում և դրա համար պատասխանատվություն չեն կրում։ Բազմոցին նստել և գրառումներ անելը ամենահեշտ գործն է։ Մարդիկ ասում են այն, ինչ իրենք են ուզում ասել, բայց հենց իրենց սուբյեկտիվ դաշտից դուրս գան, իրականությունը կտեսնեն»։ Առուշանյանի խոսքով՝ ինքը պաշտոնի համար չի պայքարել, պայքարել է Արցախի համար, մեր հողի համար, իր գործը հետևյալն է՝ միշտ ցանկացել է, որ միշտ ցանկացել է Գորիսը ավելի շեն դարձնել, ինչը ստացվում է։

«Գաղտնիք չէ, որ մենք քաղաքում բազմիցս վատ իրավիճակ ենք ունեցել, ասում էին՝ վեցից հետո Գորիսում դուրս գալ չի կարելի, բայց այժմ մարդիկ ընտանիքներով հանգիստ շրջում են, մթնոլորտը կայուն է»,- ասաց նա։

Աղբյուր` Փաստինֆո