Փաստ ինֆո

Փաշինյանը Սահմանադրության օրը շնորհավորել է՝ կրկին ու կրկին ժողովրդին հաճոյանալու փորձեր անելով։ Հարց՝ ինչու՞ է վերջին շրջանում ժողովրդին փորձում հաճոյանալ այդ նույն ժողովրդին իր բոլոր խոստումները դրժած Փաշինյանը։

Ընդ որում, քանի որ իր և իր հետ «քայլարածների» հիմնական ցանկությունն անձնական բարեկեցության հասնելն էր, հարստանալն ու անհոգ կյանք վարելը, նա հիմա հիշել է իրեն քվե տվող, իր վերարտադրությունն ապահովող ժողովրդին։

Եվ նա կարծում է, որ իր էլեկտորատի հիմնական ցանկություններն էլ այն է, ինչին հասել է ինքը։ Վայելքները։ Մարդն աշխարհ չի եկել չարքաշ ապրելու, աշխատելու համար, այլ եկել է վայելելու ՝ ասում է Փաշինյանը ու հիմա, կարծես, ցանկանում է Սահմանադրորեն ամրագրել իր մտքի գոհարները։

Այսինքն, երևի ուզում է ալիևից ստացած հանձնարարականներին օրենքի ուժ տալ, ըստ որի՝ Հայաստանի ժողովուրդը տարածքային ոչ մի պահանջ չունի այլևս թուրքադրբեջանական տանդեմից, չի եղել Արցախ, չի եղել ու չկա Արևմտյան Հայաստան և հայ ժողովուրդը բախտավոր է, որ թուրքադրբեջանական հարևանությամբ է շրջապատված։

Դրա համար է ասում, թե՝ «ՀՀ քաղաքացին այսօր չի համարում, որ Սահմանադրությունն իր ու իր հարևանի, իր ու իր համայնքի, իր ու իր պետության մյուս բնակիչների հետ ապրելու կանոնների մասին իր պատկերացումն ու պայմանավորվածությունն է արտահայտում:

Հետաքրքիր է, այդ ո՞ր պայմանավորվածության մասին է խոսում, ո՞ր ժողովուրդն է այսպես կարծում՝ թուրքերի հետ առևտուր անողնե՞րը, իր աղանդի ներկայացուցիչնե՞րը, այսպես կոչված՝ արևմտամետնե՞րը․․․

Ովքե՞ր․․․

Մեզ պետք է նոր Սահմանադրություն, որը ժողովուրդը համարի իր ստեղծածը, իր ընդունածը, համարի, որ այն, ինչ նրանում գրված է՝ իր պատկերացումն է իր ստեղծած պետության և այդ պետության մեջ մարդկանց, քաղաքացիների հարաբերությունների մասին:

Իսկ հայ ժողովրդի պատկերացումների մեջ սեփական երկրի ներքին և արտաքին անվտանգության մասին հոդվածների կարիք չկա՞, թե՞ թուրքական սպասարկու լինելն արդեն իսկ անվտանգություն է։ Ըստ փաշինյանի՝ այո։

Կամ էլ՝ գուցե փաշինյանը միանգամից ուզում է սահմանադրորեն ամրագրել նաև հայ ժողովրդի չգոյության մասի՞ն մի հոդված, ի վերջո, հարևանների վերջնական նպատակն այդ է՝ Հայաստանն առանց հայերի։ Դրա համար էլ արևմտյան ադրբեջան հորինվածքն են մեջտեղ բերել։

Իրականում, սույն անձը ՝ Նիկոլփաշինյանը, լավ կլինի հնարավորինս հեռու մնա ՀՀ Սահմանադրությունից, այն փոփոխելու ցանկություններից։ Քանզի դա վայելք չէ, այլ՝ գիտելիք , աշխատանքային պրոֆեսիոնալ բնագիծ, որին ինքը չի տիրապետում։ Իր էլեկտորատն՝ առավել ևս․․․

Փառք, Աստծո, պրոֆեսիոնալ սահմանադրագետների պակաս չունենք․․․

Աղբյուր` Փաստինֆո