Փաստ ինֆո

ՄԻԵԴ-ն արձանագրել է՝ պետք է ապահովել ծայրահեղ ծանր վիճակում գտնվող անձանց տեղափոխումը, որոնք ունեն բժշկական օգնություն ստանալու կարիք ՀՀ-ում, ինչպես նաև, բոլոր անձանց, որոնք գտնվում են ճանապարհին, անօթևան և առանց ապրուստի բավարար միջոցների։ Այս մասին հրավիրված մամուլի ասուլիսում ասաց Միջազգային իրավական հարցերով ՀՀ ներկայացուցիչ Եղիշե Կիրակոսյանը։

Հիշեցնենք, որ երեկ ՄԻԵԴ-ը բավարարել է ՀՀ պահանջը՝ Ադրբեջանի նկատմամբ միջանկյալ կիրառելու մասին։
Միջազգային իրավական հարցերով ՀՀ ներկայացուցիչ Եղիշե Կիրակոսյանը, մանրամասներ հայտնելով ԵԴ որոշումից, նախ հիշեցրեց, որ Հայաստանը ՄԻԵԴ դիմել էր դեռևս դեկտեմբերի 15-ին, ինչից հետո ԵԴ-ին ամենօրյա ռեժիմով թարմացումներ էր տրամադրում, տեղեկություն, որը վերաբերում էր հենց միջանցքում տիրող իրավիճակին ու զագրացումներին, քանի որ իրավիճակը պարբերաբար փոխվում էր։

Նրա փոխանցմամբ՝ ՄԻԵԴ ներկայացված դիմումում շեշտադրումն արվել էր հատկապես առողջական խնդիրներ ունեցող, անօթևան մնացած անձանց, ինչպես նաև՝ Կոնվենցիայի 2-րդ և 3-րդ հոդվածների հիմքը։ ՄԻԵԴ-ը հրատապ միջոցները կիրառում է հստակ շրջանակով, ԵԴ մանդատն անսահմանափակ չէ և այս իրավիճակը պետք է կապի այդ հոդվածների հետ։

Կիրակոսյանը հայտնեց, որ ԵԴ-ն որոշումը ձևակերպել է՝ հղում կատարելով 2020թ նոյեմբերի 9-ի եռակողմ հայտարարության 6-րդ կետին, որով Ադրբեջանը պարտավորություն էր ստացել՝ Լաչինի միջանցքով անվտանգ տեղափոխման, ինչպես նաև, ԵԴ-ն հիշեցրել է Ադրբեջանին՝ կոնվենցիոն պարտավորությունների մասին։ Եղիշե Կիրակոսյանի դիտարկմամբ՝ ԵԴ-ն կարևոր արձանագրում է կատարել՝ դիմումի շրջանակներում առաջնություն տվեց ՀՀ ներկայացրած գանգատին։ Մասնավորապես, հրատապ միջոց կիրառելու պահանջը ՀՀ-ն ներկայացրել էր Հայաստանն ընդդեմ Ադրբեջանի չորրորդ գանգատի շրջանակներում։
«Ակնհայտ է, որ ԵԴ-ից ակնկալիքները մեզ մոտ, հասկանալի պատճառներով, շատ բարձր չեն, որովհետև ԵԴ-ն ունի հստակ շրջանակներ՝ նման միջոցներ կիրառելիս, այսինքն, ԵԴ-ն անսահմանափակ չի գործում։ Բացի այդ, նման բարդ կոնֆլիկտային գործերի մեջ մտնելուց ԵԴ-ն, սովորաբար, խուսափում է»,- ասաց Կիրակոսյանը՝ ընդգծելով, որ ԵԴ-ի արձագանքն այս իրավիճակում վկայում է այն մասին, որ տեղի ունեցողն իրականում հումանիտար տեսանկյունից անտրամաբանական ու հակամարդկային քայլ է։

Ընդ որում, այս ամենը նաև հավելվեց մեկ մահով՝ առողջական խնդիրներ ունեցող արցախահայ մեր հայրենակիցը զոհվեց՝ բժշկական օգնություն չստանալու հետևանքով։

Ինչ վերաբերում է Ադրբեջանի պատասխանին՝ ԵԴ-ին և Արդարադատության միջազգային դատարանին, Կիրակոսյանը նշեց, որ Ադրբեջանը հիմնականում պատասխանատվությունն իրենց վրայից փորձում են ցրել՝ ներկայացնելով, թե խոսքը ակտիվիստների մասին է, ինչն աբսուրդային է։

«Ինչ քաղհասարակության մասին կարող է խոսք գնալ Ադրբեջանում։ Ադրբեջանում կա ինստիտուցիոնալ մակարդակի վրա գտնվող ատելության հակահայկական քարոզ և այս համատեքստում անիմաստ է դրա մասին նույնիսկ խոսելը»,- նշեց Կիրակոսյանը։

Մանրամասները՝ տեսանյութում

Աղբյուր` Փաստինֆո